完整藏文原文 · 德格版页 当前仅加载第 11 函德格 179b 版页；藏文 NFD、目录标记与异常页序保留在来源切片中，重复版页行以稳定序号区分。
གང་འདུག་པ་དེ་ཁོ་ན་ལ་ཁྱོད་ཀྱིས་བརྗོད་དོ་ཞེས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་དགོངས་པ་ཉེས་དམིགས་གང་ཡིན་པ་དེ་ནི་དགེ་སློང་མའི་གདམས་ངག་འབོགས་པའི་དགེ་སློང་དེའི་མིང་མ་དྲིས་པས་ཡིན་ནོ། །དེ་ལྟ་བས་
D6.011.0179b01.01ན་དགེ་སློང་མའི་གདམས་ངག་འབོགས་པ་དེའི་མིང་དྲི་བར་བྱའོ་སྙམ་དུ་བསམས་ནས། དགེ་སློང་དག་ལ་དགེ་སློང་མ་དེ་དག་གིས་སྨྲས་པ་ལ་ལྟུང་བ་མེད་དོ། །དེ་ལྟ་བས་ན་ཡོངས་སུ་དག་པ་ལེན་པའི་དགེ་སློང་མ་དག་གིས་གདམས་ངག་འབོགས་པའི་དགེ་སློང་དེའི་མིང་དྲི་བར་བྱའོ། །
D6.011.0179b02.01བདག་ཅག་གི་ལུང་འབོགས་པའི་སློབ་དཔོན་གྱི་མིང་ཅི་ཞེས་མ་དྲིས་པར་སྨྲས་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་ཡོངས་སུ་དག་པ་ལེན་པའི་དགེ་སློང་མ་དག་གིས་ལུང་འབོགས་པའི་དགེ་སློང་དེའི་མིང་དྲི་བར་བྱའོ་ཞེས་གསུངས་པ་དང་། དེ་དག་གིས་ཡང་ལུང་
D6.011.0179b03.01འབོགས་པའི་དགེ་སློང་དེ་མིང་ཤེས་བཞིན་དུ་ཡང་དྲིས་པ་དེའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དེ་དག་གིས་དེའི་མིང་ཤེས་ན་དེ་དག་གིས་དྲི་བར་མི་བྱའོ། །དེ་དག་གིས་མི་ཤེས་ན་དྲི་བར་བྱའོ། །གླེང་
D6.011.0179b04.01གཞི་ནི་མཉན་ཡོད་ནའོ། །སྐྱེ་དགུའི་བདག་མོ་གཽ་ཏ་མཱི་ན་ཞིང་འདུག་པ་དེའི་དྲུང་དུ་དགེ་སློང་མ་རྣམས་འོངས་ནས་དྲིས་པ། འཕགས་མ་ཇི་ལྟ་ཞིང་བཞུགས། དེས་སྨྲས་པ། བུ་མོ་བདག་བྲོ་འཚལ་ལོ། །དེ་རྣམས་ཀྱིས་སྨྲས་པ། འཕགས་མ་ཁྱོད་ཀྱིས་ཅི་ཞིག་
D6.011.0179b05.01བཅངས། དེས་སྨྲས་པ། བུ་མོ་བདག་སྔོན་ཁྱིམ་པ་མོའི་ཚེ་ཁྱིམ་གྱི་ནང་ན་གནས་ཤིང་ཞྭ་བཅངས་སོ། །འཕགས་མ་ད་ལྟར་ཅིའི་སླད་དུ་མི་བཅང་། བུ་མོ་ད་ལྟར་བདག་རབ་ཏུ་བྱུང་སྟེ་བཅོམ་ལྡན་འདས་ཀྱིས་རྗེས་སུ་མ་གནང་ན་ཇི་ལྟར་བཅང་བར་བྱ་ཞེས་པའི་སྐབས་དེ་དགེ་སློང་
D6.011.0179b06.01མ་རྣམས་ཀྱིས་དགེ་སློང་ལ་བཟླས་སོ། །དགེ་སློང་དག་གིས་བཅོམ་ལྡན་འདས་ལའོ། །བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་རྗེས་སུ་གནང་སྟེ། དགེ་སློང་མ་དག་གིས་དབྱར་ཁང་དུ་ཞྭ་བཅང་བར་བྱའོ། །གླེང་གཞི་ནི་རྒྱལ་པོའི་ཁབ་ནའོ། །རྒྱལ་པོའི་
D6.011.0179b07.01