完整藏文原文 · 德格版页 当前仅加载第 11 函德格 286a 版页；藏文 NFD、目录标记与异常页序保留在来源切片中，重复版页行以稳定序号区分。
སློང་དག་ལས་བྱས་ཤིང་བསགས་པ་དག་ནི་ཕྱི་རོལ་གྱི་སའི་ཁམས་ལ་སྨིན་པར་མི་འགྱུར་ཏེ། ཆུའི་ཁམས་ལ་མ་ཡིན། མེའི་ཁམས་ལ་མ་ཡིན། རླུང་གི་ཁམས་ལ་མ་ཡིན་མོད་ཀྱི། ཟིན་པའི་ཕུང་པོ་དང་། ཁམས་དང་སྐྱེ་མཆེད་རྣམས་ལ་ལས་བྱས་པའི་དགེ་བ་དང་མི་དགེ་བ་དག་
D6.011.0286a01.01རྣམ་པར་སྨིན་པར་འགྱུར་རོ། །ལས་རྣམས་བསྐལ་པ་བརྒྱར་ཡང་ནི། །ཆུད་མི་ཟ་བའང་ཚོགས་དང་དུས། །རྙེད་ན་ལུས་ཅན་རྣམས་ལ་ནི། །འབྲས་བུ་ཉིད་དུ་སྨིན་པར་འགྱུར། །དགེ་སློང་དག་སྔོན་བྱུང་བ་འདས་པའི་དུས་བསྐལ་པ་བཟང་པོ་འདི་ཉིད་ལ་སྐྱེ་དགུ་རྣམས་ཀྱི་ཚེ་
D6.011.0286a02.01ལོ་ཉི་ཁྲི་ཐུབ་པ་ན་སྟོན་པ་འོད་སྲུང་ཞེས་བྱ་བ་འཇིག་རྟེན་དུ་བྱུང་སྟེ། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། བླ་ན་མེད་པ། སྐྱེས་བུ་འདུལ་བའི་ཁ་ལོ་སྒྱུར་བ། ལྷ་དང་མི་རྣམས་ཀྱི་སྟོན་པ་སངས་རྒྱས་བཅོམ་ལྡན་འདས་དེ་ཡུལ་བཱ་རཱ་ཎ་སཱིའི་
D6.011.0286a03.01གྲོང་ཁྱེར་{རི་དགས་,རི་དྭགས་}འཛིན་གྱི་ཚལ་ན་ཉེ་བར་བརྟེན་ཅིང་བཞུགས་སོ། །དེ་ནས་བཅོམ་ལྡན་འདས་འོད་སྲུང་གི་དཔོན་པོ་མྱ་ངན་མེད་ཅེས་བྱ་བ་དེ་ཐར་བར་བྱ་བའི་དོན་དུ་བཅོམ་ལྡན་འདས་འོད་སྲུང་ལས་རབ་ཏུ་བྱུང་སྟེ། དེ་ཐར་ཅིང་རང་དབང་ཐོབ་བོ་སྙམ་ནས་འབད་པ་མ་བསྐྱེད་དོ། །ཇི་ཙམ་དུས་ཤིན་ཏུ་
D6.011.0286a04.01རིང་བ་ཞིག་ན་མྱ་ངན་མེད་ཅེས་བྱ་བ་ལྗོངས་རྒྱུ་ཞིང་འདུག་པར་གྱུར་ཏོ། །བཅོམ་ལྡན་འདས་ཡང་དག་པར་རྫོགས་པའི་སངས་རྒྱས་འོད་སྲུང་གིས་སངས་རྒྱས་ཀྱི་མཛད་པ་མ་ལུས་པར་མཛད་ནས་བུད་ཤིང་ཟད་པའི་མེ་བཞིན་དུ་ཐ་མའི་གཟིམས་མལ་དུ་གཤེགས་སོ། །དགེ་སློང་མྱ་ངན་
D6.011.0286a05.01མེད་ཤིང་ཨ་ཤོ་ཀའི་དྲུང་ན་ནང་དུ་ཡང་དག་འཇོག་ལ་གནས་ཏེ། ཇི་ཙམ་ཤིང་ཨ་ཤོ་ཀ་དེ་ལ་ལྷ་ཞིག་གནས་པ་དེས་བཅོམ་ལྡན་འདས་འོད་སྲུང་མྱ་ངན་ལས་འདའ་བར་ཐོས་ནས་ངུས་ཏེ། དེ་ངུས་པའི་མཆི་མ་ཐིགས་པ་གཅིག་མྱ་ངན་མེད་ཀྱི་ལུས་ལ་ལྟུང་བར་གྱུར་པ་དང་། དེ་ནས་མྱ་ངན་མེད་
D6.011.0286a06.01ཀྱིས་གྱེན་དུ་བལྟས་ན་ལྷ་དེ་ངུ་ཞིང་འདུག་ནས། ལྷ་ཅིའི་ཕྱིར་ངུ་ཞེས་སྨྲས་པ་དང་། ལྷས་དེང་གི་མཚན་མོའི་གུང་ཐུན་ལ་བཅོམ་ལྡན་འདས་འོད་སྲུང་མྱ་ངན་ལས་འདའོ་ཞེས་སྨྲས་སོ། །དེ་ནས་མྱ་ངན་མེད་ལྷའི་ཚིག་ཐོས་ནས་གནད་དུ་ཕོག་པ་བཞིན་འགྱེལ་ཏེ། དེ་སྙིང་རྗེ་རྗེ་སྐད་དུ་ངུ་ཞིང་འདུག་
D6.011.0286a07.01