完整藏文原文 · 德格版页 当前仅加载第 11 函德格 202b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྷན་ཅིག་འཚོག་ནས་འཁོད་དོ། །དེ་དག་དེ་ན་འཚོ་ཤིང་འཁོད་པ་ལས་བུ་ཁྱེའུ་དང་བུ་མོ་དག་བཙས་སོ། །དེ་ནས་དུས་གཞན་ཞིག་ན་རྒྱལ་པོ་བུ་རམ་ཤིང་སྐྱེས་བུ་སྡུག་པ་རྣམས་དྲན་ནས་བློན་པོ་རྣམས་ལ་སྨྲས་པ། ཀྱེ་གྲོང་པ་དག་གཞོན་ནུ་རྣམས་གར་དོང་། ལྷས་གཞོན་ནུ་དེ་
D6.011.0202b01.01དག་ནོངས་པ་འགའ་ཞིག་གི་སླད་དུ་སྤྱུགས་ནས། དེ་དག་རང་རང་གི་སྲིང་མོ་ཁྲིད་དེ་ཡུལ་འཁོར་གཞན་དང་ཡུལ་གཞན་དུ་དོང་སྟེ། རིམ་གྱིས་གངས་ཅན་གྱི་ཕྱོགས་ཆུ་བོ་སྐལ་ལྡན་ཤིང་རྟའི་འགྲམ་ན་ཁྱེའུ་དང་བུ་མོ་དག་བཙས་ཤིང་འཁོད་དོ། །དེ་ནས་རྒྱལ་པོ་བུ་རམ་ཤིང་སྐྱེས་ཀྱིས་བློན་པོ་
D6.011.0202b02.01རྣམས་ལ་སྨྲས་པ། ཀྱེ་གྲོང་པ་དག་གཞོན་ནུ་དག་གིས་དེ་ལྟར་ནུས་སམ། ལྷ་རྔོ་ཐོག་ལགས་སོ་དེ་ནས་རྒྱལ་པོ་བུ་རམ་ཤིང་སྐྱེས་རོ་སྟོད་བསྟོད་ནས་ལག་པ་གཡས་པ་བརྐྱང་སྟེ། ཆེད་དུ་བརྗོད་པས་ཆེད་དུ་བརྗོད་པ། ཀྱེ་མའོ་གཞོན་ནུ་རྣམས་ཀྱིས་རབ་ཏུ་ནུས་སོ་ཞེས་སེམས་ཅན་དབང་ཆེ་
D6.011.0202b03.01བར་གྲགས་པས། ཀྱེ་མ་གཞོན་ནུ་རྣམས་ཀྱིས་ནུས་སོ་ཞེས་ཚིག་ཏུ་སྨྲ་སྟེ། ཤཱཀྱ་ཤཱཀྱ་ཞེས་བྱ་བར་གྲགས་སོ། །བྲམ་ཟེའི་བུ་ཁྱོད་ཀྱིས་ཤཱཀྱ་རྣམས་དེ་ལས་སྐྱེས་པས་མགོ་འཛུགས་པ་དེ་ཡིན་པ་དང་། དེ་དག་གི་རིགས་རྒྱུད་དེ་ཡིན་པར་ཅུང་ཟད་ཐོས་སམ། ཀྱེ་གཽ་ཏ་མ་བདག་གིས་ཤཱཀྱ་
D6.011.0202b04.01རྣམས་དེ་ལས་སྐྱེས་པས་མགོ་འཛུགས་པ་དེ་ཡིན་པ་དང་། དེ་དག་གི་རིགས་རྒྱུད་དེ་ཡིན་པར་ཐོས་སོ། །བྲམ་ཟེའི་ཁྱེའུ་རྒྱལ་པོ་བུ་རམ་ཤིང་སྐྱེས་ཀྱི་བྲན་མོ་སྔོ་ཕོད་མ་ཞེས་བྱ་བ་གཟུགས་བཟང་བ་བལྟ་ན་སྡུག་པ། མཛེས་པ་ཞིག་ཡོད་པ་དང་། དྲང་སྲོང་གདོལ་པའི་རིགས་ཞིག་
D6.011.0202b05.01དང་ལྷན་ཅིག་འདུས་ནས། དེ་གཉིས་ལྷན་ཅིག་འདུས་པ་ལས་ཁྱེའུ་ཞིག་བཙས་སོ། །གཞོན་ནུ་བཙས་མ་ཐག་ཏུ་ཡུམ་རེ་ཞིག་བདག་དྲིལ་ཕྱི་དང་། བཀྲུ་བ་གྱིས་ལ་མི་གཙང་བ་ལས་ཐར་བར་གྱིས་ཤིག་ཅེས་སྨྲས་སོ། །དེ་ནས་དུས་གཞན་ཞིག་ན་ཤ་ཟ་རྣམས་ཀྱིས་མིག་མི་འཛུམས་
D6.011.0202b06.01ཀྱི་བུ་ཞེས་བྱ་བ་ལ་གཞོན་ནུ་བཙས་མ་ཐག་ཏུ་ཚིག་ཏུ་བདག་རེ་ཞིག་དྲིལ་ཕྱི་དང་། མི་གཙང་བ་ལས་ཐར་བར་གྱིས་ཤིག་དང་། ཨེ་མའོ་མིག་མི་འཛུམས་ཀྱི་བུ་ཞིག་སྐྱེས་སོ་ཞེས་མིག་མི་འཛུམས་ཀྱི་བུ་མིག་མི་འཛུམས་ཀྱི་བུ་ཞེས་བྱ་བར་གྲགས་སོ། །བྲམ་ཟེའི་ཁྱེའུ་ཁྱོད་ཀྱིས་
D6.011.0202b07.01