完整藏文原文 · 德格版页 当前仅加载第 11 函德格 249b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཅིའི་རྒྱུ་ཅིའི་རྐྱེན་གྱིས་ན་ས་ཆེན་པོ་གཡོས། ཀུན་དགའ་བོ་འདི་ནི་རྒྱུ་བརྒྱད་
D6.011.0249b01.01དང་། རྐྱེན་བརྒྱད་ཀྱི་ཕྱིར་ས་ཆེན་པོ་གཡོས་པར་གྱུར་ཏེ། བརྒྱད་གང་ཞེ་ན། ཀུན་དགའ་བོ་ས་ཆེན་པོ་འདི་ནི་ཆུ་ལ་རྟེན། ཆུ་ནི་རླུང་ལ་རྟེན། རླུང་ནི་ནམ་མཁའ་ལ་རྟེན་པར་གྱུར་ཏེ། ཀུན་དགའ་བོ་ནམ་གྱི་དུས་ན་ནམ་མཁའ་ལ་རླུང་མོ་ཆེ་ལྡང་ངོ་། །ནམ་མཁའ་ལས་རླུང་མོ་ཆེ་ལངས་
D6.011.0249b02.01པས་ཆུ་བསྐྱོད་དོ། །ཆུ་བསྐྱོད་པས་ས་གཡོ་བར་འགྱུར་ཏེ། ཀུན་དགའ་བོ་འདི་ནི་ས་ཆེན་པོ་གཡོ་བའི་རྒྱུ་དང་པོ་དང་རྐྱེན་དང་པོའོ། །གཞན་ཡང་ཀུན་དགའ་བོ་དགེ་སློང་རྫུ་འཕྲུལ་ཆེན་པོ་དང་མཐུ་ཆེན་པོ་ཡོད་དེ། དེས་ས་ཆུང་བར་འདུ་ཤེས་ཀྱིས་བྱིན་གྱིས་བརླབས་ནས་ཆུ་ནི་ཚད་
D6.011.0249b03.01མེད་པར་འདུ་ཤེས་སྦྱར་ཏེ་འདོད་ན་ཡང་ས་གཡོ་བར་འགྱུར་རོ། །དགེ་སློང་མའམ། ལྷ་ཡང་རུང་རྫུ་འཕྲུལ་ཆེ་བ་མཐུ་ཆེ་བར་གྱུར་པ་དེས་ཀྱང་ས་ཆུང་བར་འདུ་ཤེས་ཀྱིས་བྱིན་གྱིས་བརླབས་ནས་ཆུ་ནི་ཚད་མེད་པར་འདུ་ཤེས་སྦྱར་ཏེ་འདོད་ན་ཡང་ས་གཡོ་བར་འགྱུར་རོ། །ཀུན་དགའ་བོ་
D6.011.0249b04.01འདི་ནི་ས་ཆེན་པོ་གཡོ་བའི་རྒྱུ་གཉིས་པ་དང་རྐྱེན་གཉིས་པའོ། །གཞན་ཡང་ཀུན་དགའ་བོ་ནམ་གྱི་དུས་ན་བྱང་ཆུབ་སེམས་དཔའ་དགའ་ལྡན་གྱི་ལྷའི་རིས་ལས་ཤི་འཕོས་ཏེ། ཡུམ་གྱི་ལྷུམས་སུ་ཞུགས་པ་དེ་ན་ས་ཆེན་པོ་ཤིན་ཏུ་གཡོ་བར་འགྱུར་ཏེ། འཇིག་རྟེན་འདི་ཐམས་ཅད་
D6.011.0249b05.01དུ་སྣང་བ་ཆེན་པོས་ཁྱབ་པར་འགྱུར་བ་ནི་ལྷའི་ཁ་དོག་དང་མཐུ་ཟིལ་གྱིས་ནོན་ནས་གང་ཡང་འཇིག་རྟེན་དང་འཇིག་རྟེན་གྱི་བར་མི་སྣང་བ་གནས་པ་མུན་པས་གནག་པ་གང་དུ་ཉི་མ་དང་ཟླ་བ་གཉིས་འདི་བཞིན་དུ་རྫུ་འཕྲུལ་ཆེ་བ་མཐུ་ཆེ་བའི་འོད་ཀྱིས་སོ་སོར་སྣང་བར་མ་གྱུར་པ་དེར་ཡང་དེའི་
D6.011.0249b06.01དུས་ན་སྣང་བ་ཆེན་པོས་སྣང་བར་གྱུར་ཏེ། དེར་སེམས་ཅན་གང་སྐྱེས་པ་དེ་དག་བདག་གི་ལག་པ་ནས་གཟུང་ཡང་མི་མཐོང་བའི་སེམས་ཅན་དེ་དག་ཀྱེ་སེམས་ཅན་གཞན་དག་ཀྱང་འདིར་སྐྱེས་སོ། །ཀྱེ་སེམས་ཅན་གཞན་དག་ཀྱང་འདིར་སྐྱེས་སོ་སྙམ་དུ་ཤེས་ཏེ། ཀུན་དགའ་བོ་འདི་ནི་ས་ཆེན་
D6.011.0249b07.01