完整藏文原文 · 德格版页 当前仅加载第 11 函德格 73a 版页；藏文 NFD、目录标记与异常页序保留在来源切片中，重复版页行以稳定序号区分。
སོ། །དེ་ནས་འགྲོ་བ་ན་དེ་བྲམ་ཟེ་ཞིག་གིས་བཅུ་བཞི་པའི་སྟོན་མོས་སྟོན་ཏེ་ཡོན་དུ་ནས་བྲེ་གང་བྱིན་ནོ། །དེས་ནས་བྲེ་གང་གོས་ཀྱི་མཐའ་མར་ཕུར་ཏེ་གྲོགས་པོའི་ཁྱིམ་དུ་སོང་ནས་སྒོ་བརྡུངས་པ་དང་། བྲམ་ཟེ་མོས་སྨྲས་པ། དེ་སུ་ཞིག །དེས་སྨྲས་པ། ང་ནི་ཁྱོད་ཀྱི་ཁྱིམ་
D6.011.0073a01.01ཐབ་ཀྱི་གྲོགས་པོ་དེ་ཡིན་ནོ། །དེས་སྨྲས་པ། འདི་ན་དེ་ཡང་མེད་ལ་འགའ་ཡང་མེད་པས་ཁྱིམ་བདག་དེ་མེད་པར་སྐྱེས་པ་གཞན་ཁྱིམ་དུ་འཇུག་ཏུ་མི་རུང་གིས་གཞན་ཞིག་ཏུ་བྲང་ཐོབ་ཤིག །ཅི་ཙམ་ན་སྨན་ཆེན་པོས་བདག་ཅིའི་ཕྱིར་འཇུག་ཏུ་མི་སྟེར་སྙམ་དཔྱད་ན་རེ་ཞིག་ན་སྐྱེས་པ་གཞན་
D6.011.0073a02.01བཅུག་པར་མཐོང་ངོ་། །དེ་ནས་སྨན་ཆེན་པོས་སྨྲས་པ། འདིས་འཇུག་ཏུ་མ་སྟེར་བ་ནི་རུང་ངོ་། །དེ་དེ་ལྟར་སེམས་པ་དང་། ཐ་གི་ཙམ་ན་བྲམ་ཟེ་དེ་གྲོང་གཞན་ཞིག་ནས་འོངས་ནས་སྒོར་བོས་པ་དང་། དེས་ཁྱོའི་སྒྲ་ཐོས་ནས་དེ་ཇི་ལྟར་བྱ་སྙམ་ནས་མི་དགའ་སྟེ་དེ་སྤྱད་དུ་བཅུག་གོ། །
D6.011.0073a03.01དེ་ནས་གཉི་ག་ཞུགས་ནས་བདེ་བར་འཁོད་དོ། །ཅི་ཙམ་ན་སྨན་ཆེན་པོས་བྲམ་ཟེ་མོ་ལ་སྨྲས་པ། ནས་འདི་དག་གར་གཞག །བྲམ་ཟེ་མོས་སྨྲས་པ། ས་ལའོ། །བྲམ་ཟེས་སྨྲས་པ། བྱི་བས་ཟོས་པར་འོང་མོད་དེས་མལ་གྱི་འོག་དང་། ཁྱིམ་གྱི་གྲ་ཕན་ཚུན་དུ་བརྟགས་
D6.011.0073a04.01ན་དེ་མི་སྣང་ངོ་། །ཐ་གི་ཙམ་ན་ཕྱོགས་གཅིག་ན་སྤྱད་ཞིག་སྣང་བ་དང་། དེས་དེ་ནི་འདི་ན་ཡོད་དོ་སྙམ་མོ། །དེ་ནས་སྨན་ཆེན་པོས་སྨྲས་པ། སྤྱད་འདིར་ནས་བླུགས་སོ། །བྲམ་ཟེ་མོས་སྨྲས་པ། འདི་ན་བདག་གི་ནོར་གཅེས་པ་ཡོད་ན་འདིར་ནས་ཇི་ལྟར་བླུགས།
D6.011.0073a05.01དེ་ནས་ཁྱོས་སྨྲས་པ། བྲམ་ཟེ་མོ་སྐྱོན་ཅན་དེ་སྣོད་གང་ཡང་རུང་བ་ཞིག་ཏུ་བྱོ་ཤིག་དང་། དེ་ནས་དེར་ནས་ལྡུགས་སོ། །སྨན་ཆེན་པོས་ཀྱང་སྨྲས་པ། གཞན་དུ་ནི་ནས་རྣམས་བྱི་བས་མ་རུང་བར་བྱེད་པས་དེའི་ཕྱིར་འདིར་བླུགས་པར་བྱའོ། །དེ་ནས་བྲམ་ཟེ་མོས་ངེས་པར་
D6.011.0073a06.01རྟོགས་ནས་འཇིགས་ཤིང་སྐྲག་སྟེ་སྨྲས་པ། སྤྱད་འདི་ཡང་གཤེར་ལ་ནས་རྣམས་ཀྱང་མ་རུང་བར་འགྱུར་རོ། །དེ་ནས་སྨན་ཆེན་པོས་བྲམ་ཟེ་མོ་ལ་སྨྲས་པ། ཡང་ཁྱོད་ཀྱིས་སེམས་ཁྲལ་བྱ་མི་དགོས་པར་ཁོ་བོས་ཅི་ནས་ཀྱང་གཤེར་བར་མི་འགྱུར་བ་དང་། ནས་ཀྱང་མ་རུང་བར་
D6.011.0073a07.01