完整藏文原文 · 德格版页 当前仅加载第 11 函德格 58b 版页；藏文 NFD、目录标记与异常页序保留在来源切片中，重复版页行以稳定序号区分。
ངོ་མཚར་དུ་གྱུར་ཏེ་སྨྲས་པ། བདག་ཅག་གི་བསོད་ནམས་ཀྱིས་དབང་ཆེ་བར་གྲགས་པའི་སེམས་ཅན་འདི་ལས་གཞན་བསོད་ནམས་ཀྱི་སྟོབས་དང་ལྡན་པ་མ་མཐོང་ངོ་། །ཡང་འདི་ནི་གཟུགས་བཟང་བ། བལྟ་ན་སྡུག་པ། མཛེས་པ། མཚན་དང་ལྡན་པ་ཞིག་པས་འདི་ནི་རྒྱལ་སྲིད་ལ་གཞག་
D6.011.0058b01.01པར་འོས་སོ་ཞེས་གཅིག་ཏུ་ངེས་པར་བྱས་ནས་བུ་ལོངས་ལོངས་ཞེས་བསླང་ངོ་། །དེ་ཡང་ལངས་ཏེ་དྲིས་པ། ང་བསླང་སྟེ་ཅི་བྱ། དེ་དག་གིས་སྨྲས་པ། རྒྱལ་པོར་གཞུག་གོ། །དེས་སྨྲས་པ། རྒྱལ་པོ་ཉལ་བ་དེ་ལྟར་བསླང་ངམ། བློན་པོ་རྣམས་ཀྱིས་སྨྲས་པ། འོ་ན་ཇི་ལྟར་
D6.011.0058b02.01བསླང་། གཞོན་ནུས་སྨྲས་པ། གླུ་དང་། སིལ་སྙན་དང་། རོལ་མོའི་སྒྲ་མི་གྲག་པས་བསླང་མོད། དེ་རྣམས་ཀྱིས་དེ་ཐོས་པ་དང་འདི་སྙམ་དུ་འདི་ནི་རིགས་དམའ་བ་ལས་བྱུང་བ་མ་ཡིན་གྱི་འདི་ངེས་པར་རིགས་མཐོན་པོ་ལས་སྐྱེས་པ་ཡིན་ནོ་སྙམ་ནས་དེ་དག་གིས་དྲིས་པ། ཁྱོད་སུ་ཞིག །
D6.011.0058b03.01སུའི་བུ་ཡིན། དེ་ནས་ཁྱེའུ་གཞོན་ནུ་དེས་ཀྱང་སེང་གེའི་བཞིན་དུ་བསྒྱེངས་ནས་རང་གི་རིགས་སྨྲས་པ། ལུས་འཕགས་ཀྱི་རྒྱལ་པོ་སྐྱེད་པ་ཞེས་བྱ་བ་དེའི་བུ་ནི་བཟའ་བཏུང་ངོ་། །བཟའ་བཏུང་དེའི་བུ་ནི་བཟའ་བཏུང་མང་པོ་ཞེས་བྱ་སྟེ་ང་ཡིན་ནོ། །དེ་ནས་བློན་པོ་དྲུག་པོ་རྣམས་འཛུམ་
D6.011.0058b04.01ཕྱུང་ནས་བདག་ཅག་གིས་ནི་བདག་ཅག་ཉིད་ཀྱི་གཞོན་ནུ་རྙེད་དོ་ཞེས་སྨྲས་སོ། །དེ་ནས་གནས་དེ་ཉིད་ནས་སྐྱེ་བོའི་ཚོགས་ཆེན་པོས་ཡོངས་སུ་བསྐོར་ཅིང་གླུ་དང་། སིལ་སྙན་དང་། རོལ་མོའི་སྒྲ་དང་། ཤིས་པར་བརྗོད་པ་ལ་སོགས་པས་མདུན་དུ་དྲངས་ཏེ་གྲོང་ཁྱེར་དུ་བཅུག་ནས་
D6.011.0058b05.01རྒྱལ་པོར་དབང་བསྐུར་ཏོ། །གང་གི་ཕྱིར་འདིས་རྒྱལ་པོའི་རྒྱུད་ཆད་པ་བསབས་པ་དེའི་ཕྱིར་མིང་སྐྱེད་པ་ཁོ་ནར་བཏགས་ནས། དེའི་མིང་བཟའ་བཏུང་མང་པོ་ཞེས་བྱ་བ་གང་ཡིན་པ་དེ་མེད་པར་གྱུར་ཏོ། །དེ་ནས་དེ་རྒྱལ་སྲིད་བྱེད་དུ་འཇུག་པ་ན་བྱིས་པའོ་སྙམ་ནས་བློན་པོ་རྣམས་ཀྱིས་དེ་ཁྱད་དུ་
D6.011.0058b06.01བསད་དེ་དེ་ལ་དབང་ཅུང་ཟད་ཀྱང་མེད་དོ། །དེ་ནས་དུས་གཞན་ཞིག་ན་རྒྱལ་པོ་བཟའ་བཏུང་མང་པོ་ཡུལ་བལྟར་སོང་སྟེ། དེས་གྲོང་དང་། གྲོང་ཁྱེར་དང་། ཚོང་དུས་རྣམས་བལྟས་ནས་གྲོང་དང་། གྲོང་ཁྱེར་དང་། རི་འོར་པ་འདི་རྣམས་སུའི་ཡིན་ཞེས་དྲིས་པ་དང་། དེ་དག་གིས་བློན་
D6.011.0058b07.01