完整藏文原文 · 德格版页 当前仅加载第 11 函德格 227a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བཀྲུས་ནས་ལྷམ་བྱི་དོར་བྱས་ཏེ་སྦྱིན་པར་བྱའོ། །ཁྲུས་མི་བྱེད་ན་ཆུ་དང་། ས་དང་། འབྲུ་མར་གྱི་སྣོད་དག་སྦྱིན་པར་བྱའོ། །དེ་ནས་ཟས་ཀྱིས་སྙོམ་པ་གྲུབ་ནས་མཁན་པོ་ལ་ཅི་འདི་ཉིད་དུ་དགེ་བའི་ཕྱོགས་མཛད་དམ། འོན་ཏེ་ཉིན་པར་གནས་པར་གཤེགས་ཞེས་དྲི་བར་བྱའོ། །
D6.011.0227a01.01གལ་ཏེ་ཉིན་པར་གནས་པར་འགྲོ་ཞེས་ཟེར་ན། དེ་སྟན་བླངས་ནས་འགྲོ་ཞིང་ཉིན་པར་གནས་པར་ཕྱག་དར་དང་ཆག་ཆག་བྱོས་ལ་སྟན་གདིང་བར་བྱ་ཞིང་དུས་དུས་སུ་བ་ལང་གཞོན་ནུའི་ལྕི་བས་བསྐུ་བར་བྱའོ། །གལ་ཏེ་བཀླག་པ་རྒྱས་པར་བྱེད་ན་དེ་ལ་བསྟན་པར་བྱའོ། །ཇི་སྟེ་བསམ་གཏན་རྒྱས་པར་
D6.011.0227a02.01བྱེད་ན་ཡིད་ལ་བྱ་བ་བསྟན་པར་བྱའོ། །ཉིན་པར་གནས་པ་ནས་འོངས་ན་མལ་སྟན་བརྟགས་ནས་ལག་པ་དང་རྐང་པ་བཀྲུས་ཏེ་མཆོད་རྟེན་ལ་ཕྱག་བྱའོ། །ཚངས་པ་མཚུངས་པར་སྤྱོད་པ་ལ་ཡང་ཕྱག་བྱོས་ལ་མཁན་པོའི་ཁྲིའུ་དང་། ཆུ་དང་། ལྷམ་དང་། འབྲུ་མར་གྱི་སྣོད་དག་ཉེ་བར་གཞག་
D6.011.0227a03.01པར་བྱའོ། །གལ་ཏེ་རྐང་པ་འཁྲུ་ན་བཀྲུས་ལ་བསྐུ་བར་བྱའོ། །དེ་ལྟ་མ་ཡིན་ན་ཆུ་དང་ས་སྦྱིན་པར་བྱའོ། །གལ་ཏེ་གྲང་བའི་དུས་སུ་གྱུར་ན་དུ་བ་བྱིན་གྱིས་རློབས་ལ་མེ་བུད་པར་བྱའོ། །དྲོ་བར་གྱུར་ན་གློར་བསིལ་ཡབ་གཞག་པར་བྱའོ། །དེས་ཀྱང་དུས་ཤེས་པར་བྱས་ཏེ་བཟླས་པ་
D6.011.0227a04.01དང་ཁ་ཏོན་བྱེད་དུ་གཞུག་གོ། །ལྷུང་བཟེད་ལ་སོགས་པ་ལས་གང་ཅུང་ཟད་ཅི་བྱ་བ་དེ་ཐམས་ཅད་སྔར་མཁན་པོ་དང་། སློབ་དཔོན་གྱི་བྱས་ལ་ཕྱིས་བདག་གི་བྱའོ། །ངག་ལྡན་ལྷན་ཅིག་སྤྱོད་པ་དང་། ཉེ་གནས་དག་གིས་མཁན་པོ་དང་། སློབ་དཔོན་ལ་དེ་ལྟར་བསྒྲུབ་པར་བྱ་སྟེ། རྣམ་པ་
D6.011.0227a05.01དེ་ལྟ་བུས་མཁན་པོ་དང་། སློབ་དཔོན་ལ་ལྷན་ཅིག་སྤྱོད་པ་དང་། ཉེ་གནས་རྣམས་ཀྱིས་བསྒྲུབས་ན་ཆུའི་ནང་ན་མེ་ཏོག་ཨུཏ་པ་ལ་བཞིན་དུ་དེ་དགེ་བའི་ཆོས་མངོན་པར་འཕེལ་བར་འགྱུར་རོ།། །།འདུལ་བ་ཕྲན་ཚེགས་ཀྱི་གཞི། བམ་པོ་བཞི་བཅུ་དགུ་པ། གླེང་གཞི་ནི་རྒྱལ་པོའི་ཁབ་
D6.011.0227a06.01ནའོ། །དེ་ནས་ཡང་དེའི་ཚེ་རི་ནག་པོ་ལ་དགེ་སློང་འགྲོ་མགྱོགས་དང་། ནབ་སོ་དང་། དགེ་སློང་དམར་སྐྱ་དག་ཁྱིམ་སུན་འབྱིན་པ་སྡིག་པའི་ཆོས་ཀུན་དུ་སྤྱོད་པ་དག་གནས་སོ། །དེ་དག་བུད་མེད་དག་དང་ལྷན་ཅིག་འདུག །ལྷན་ཅིག་ཁ་དཔྱ་ཟེར། ལྷན་ཅིག་རྩེ་བར་བྱེད། ལྷན་ཅིག་ཅ་ཅོ་འདོན།
D6.011.0227a07.01