完整藏文原文 · 德格版页 当前仅加载第 11 函德格 83b 版页；藏文 NFD、目录标记与异常页序保留在来源切片中，重复版页行以稳定序号区分。
འཛེགས་པ་དང་། །ཟ་ཞིང་སྦྱིན་པར་མི་བྱེད་དོ། །སྙན་པར་སྨྲ་བའི་ཚིག་ཅན་མ། །དེ་ལ་བུ་མོས་སྨྲས་པ་ནི། །བདག་ཀྱང་བཀྲེས་པར་གྱུར་པ་ལ། །ཇོ་བོ་སྩོལ་ཅིག་བདག་ལ་ཡང་། །རྩུབ་པའི་ཚིག་ཏུ་སྨྲ་བ་ནི། །དེས་ནི་དེ་ལ་ངན་པ་མོ། །དེ་སྟེ་བཟའ་བར་འདོད་ན་ནི། །ཟོ་ཤིག་བདག་ཉིད་
D6.011.0083b01.01འཛེགས་ནས་སོ། །དེས་ཀྱང་ནན་གྱིས་བསྒྲིམས་ནས་སུ། །ཤིང་ཆེན་དེ་ལ་འཛེགས་པར་གྱུར། །ཤིང་ལ་འཛེགས་པར་ཤེས་ནས་ནི། །བབས་ཏེ་ཡལ་གས་དྲུང་བསྐོར་སོང་། །དེ་ནས་དེའི་ཚེ་དེའི་དུས་ན་རྒྱལ་པོ་སྐྱེད་པ་{རི་དགས་,རི་དྭགས་}ཤོར་དུ་སོང་སྟེ། དེའི་ཕྱོགས་སུ་ཕྱིན་པ་དང་། དེ་ནས་དེ་ཁྱོ་དང་
D6.011.0083b02.01བྲལ་བའི་སྡུག་བསྔལ་གྱིས་ཉོན་མོངས་པར་གྱུར། མི་འོང་བ་ཡང་མེད་བོད་དུའང་མེད་པའི་དགོན་པ་ན་ཤིན་ཏུ་སྙིང་རྗེ་ཞིང་བརྩེ་བ་སྐད་དུ་ངུ་ཞིང་འདུག་པ་དང་། དེ་ནས་རྒྱལ་པོ་སྐྱེད་པ་དེའི་ཕྱོགས་སུ་{རི་དགས་,རི་དྭགས་}སྙེགས་པ་ལས་དེས་དེའི་སྒྲ་ཐོས་ནས་འདི་ལྟ་བུར་སྙིང་རྗེ་ཞིང་བརྩེ་བས་སྨྲེ་སྔགས་
D6.011.0083b03.01འདོན་ཅིང་དགོན་པ་ན་འདུག་པ་འདི་སུ་ཞིག །ཅི་ནས་དེ་བརྟག་གོ་སྙམ་དུ་བསམས་ནས་སྒྲ་དེ་ལོགས་སུ་སོང་སྟེ། ཨུ་དུམ་བཱ་རི་ཀའི་དྲུང་དུ་ཕྱིན་པ་དང་མིག་ཤིན་ཏུ་ལེགས་པ་ནགས་ཀྱི་ལྷ་མོ་ལྟ་བུ་གཟུགས་ལེགས་ཤིང་བལྟ་ན་སྡུག་པ་བཟང་མོ་ཞིག་མཐོང་ནས། ཡང་བཟང་མོ་ལྷ་
D6.011.0083b04.01མོའམ། གནོད་སྦྱིན་མོའམ། དྲི་ཟ་མོའམ། ལྷའི་སྲས་མོའམ་ཁྱོད་ཅི་ཡིན། དོན་ཅིའི་ཕྱིར་ཕྱོགས་འདིར་འོངས་ཞེས་དྲིས་སོ། །ཡང་སྨྲས་པ། ཤིན་ཏུ་མིག་བཟང་ཡིད་འཕྲོག་མ། །རྒྱན་ཀུན་གྱིས་ནི་བཀླུབས་པ་སྟེ། །ངང་པ་དབྱངས་སྙན་རྐང་གདུབ་ཅན། །སྤྲིན་{མངས་ཀྱི་,མང་གི་}ནི་གློག་དང་འདྲ། །
D6.011.0083b05.01སྐལ་ཆེན་ལྟེ་བ་སྨིན་བཟང་ན། །ཁྱོད་ནི་ལྷ་འམ་ཀླུ་མོ་འམ། །དྲི་ཟ་མི་འམ་ཅི་ཡིན་པ། །ཁྱོད་ལ་བདག་འདྲི་ལེགས་པར་སྨྲོས། །དེ་ལྟར་བདག་ལ་ཁྱོད་ཀྱིས་ཤེས་པར་བྱོས། །དེ་ནས་རྒྱལ་པོས་དེ་སྐད་དུ་དྲིས་པ་དང་། དེས་འདི་སྐད་དུ་སྨྲས་སོ། །བདག་ནི་ལྷ་མོ་ཀླུ་མ་ལགས། །དྲི་ཟ་མི་འམ་
D6.011.0083b06.01ཅི་མ་ལགས། །རྒྱལ་ཆེན་བདག་ནི་མི་ལགས་ཏེ། །ཁྱིམ་ཐབ་དང་ནི་བྲལ་བའོ། །དེ་ནས་དེས་ནི་ཤིང་ལས་ཕབ། །དེ་ཉིད་དུ་ནི་ལྷན་ཅིག་ཉལ། །རྒྱལ་པོ་ས་དབང་ཆེན་པོ་པ། །མི་དབང་དེ་ལ་སྡུག་པར་གྱུར། །དེས་དེ་ཤིང་རྟའི་སྟེང་དུ་བསྐྱོན་ནས་གྲོང་ཁྱེར་དུ་ཁྲིད་དེ། དེ་དང་ལྷན་ཅིག་ཏུ་རྩེ་དགའ་ཡོངས་
D6.011.0083b07.01