完整藏文原文 · 德格版页 当前仅加载第 11 函德格 81a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་ཐམས་ཅད་མགོ་གཏུན་བཞིན་དུ་བྲེགས་ནས་ལྷ་གང་དུ་སོང་སྟེ་རྐང་པ་ལ་གཏུགས་ནས་བཟོད་པ་གསོལ་པ་དང་། དེ་ནས་ནེ་ཙོ་ནམ་མཁའ་ལ་འཕུར་ཏེ་ཚིགས་སུ་བཅད་པ་འདི་སྨྲས་སོ། །བྱེད་པ་ལ་ནི་སླར་བྱས་ཏེ། །ཕྱི་བས་སླར་ནི་ཕྱི་ལ་ལྟོས། །འདིར་ནི་
D6.011.0081a01.01གཅིག་པུ་ཕྱི་བ་ཡིས། །བཙུན་མོ་ཀུན་དང་ལེགས་པར་ཕྱི། །དེས་འདི་སྐད་དུ་སྨྲས་ཏེ། དེ་ནས་ཡང་སྨན་ཆེན་པོའི་དྲུང་དུ་སོང་བ་དང་། སྤྱོད་གསལ་ཡུན་རིང་ཞིག་ཏུ་མ་མཐོང་ན་གང་ནས་ཕྱིན་ཅེས་དྲིས་སོ། །དེས་འདི་དང་འདི་ལྟ་བུའི་ཐབས་དེ་དག་བདག་གིས་བགྱིས་སོ་ཞེས་རྒྱ་
D6.011.0081a02.01ཆེར་སྨྲས་སོ། །དེ་ནས་སྨན་ཆེན་པོ་ཡིད་དགའ་ཞིང་མགུ་སྟེ། རྒྱལ་པོ་སྐྱེད་པ་ལ་ནེ་ཙོ་སྤྱོད་གསལ་གྱིས་འདི་ལྟར་བགྱིས་སོ་ཞེས་སྨྲས་པ་དང་། རྒྱལ་པོ་ཡང་མཆོག་ཏུ་དགའ་བ་དང་ལྡན་ནས་སྨྲས་པ། ཨེ་མའོ་འདི་ལྟར་ཁྱོད་མཁས་པ་ཤ་སྟག་དང་ཕྲད་པ་ནི་བསོད་ནམས་དང་ལྡན་ནོ་ཞེས་
D6.011.0081a03.01སྨྲས་སོ། །དེ་ནས་ཡང་དུས་ཕྱི་ཞིག་ན་རྒྱལ་པོས་བློན་པོ་རྣམས་ལ་གང་རབ་ཏུ་མཁས་པ་ཉམས་སད་དོ་སྙམ་བློ་སྐྱེས་ནས་དེ་དག་བོས་ཏེ་སོ་སོར་ཁྱི་རེ་རེ་བྱིན་ནས་འདི་དག་དུས་འདི་ཙམ་ན་ཐམས་ཅད་མི་སྐད་དུ་སྨྲ་བར་གྱིས་ཤིག་དེ་དག་གིས་དེ་ཁྱིམ་དུ་ཁྲིད་དེ་གསོ་བར་བྱས་པ་ནི་ཤེས་ཀྱི་མི་སྐད་དུ་ཟེར་བ་མི་
D6.011.0081a04.01ཤེས་སོ། །སྨན་ཆེན་པོས་ཁྱི་དེ་ཁྱིམ་དུ་ཁྲིད་དེ་སོང་ནས་ཁྲི་ལས་མི་རིང་བ་ཞིག་ཏུ་ཕུར་བ་ལ་བཏགས་ཏེ་བཞག་གོ། །ནམ་སྨན་ཆེན་པོའི་ཁ་ཟས་དྲངས་ནས་བཅའ་བ་དང་། བཟའ་བ་དང་། ཁུ་བ་སྣ་ཚོགས་སུ་སྦྱར་བ་ཟ་བར་མཐོང་ཡང་ལེན་མི་ནུས་སོ། །དེ་ནས་ངན་པ་ཅུང་ཟད་ཅིག་
D6.011.0081a05.01བྱིན་པས་མ་ཤི་མ་སོས་ཙམ་དུ་ཉམ་ཆུང་ལ་རིད་དེ་སྐེམ་པར་གྱུར་ཏོ། །དེ་ནས་རྒྱལ་པོས་ཁྱི་དེ་དག་ལོབས་སམ། མ་ལོབས་བལྟས་ཁྲིད་དེ་ཤོག་ཤིག་པར་བསྒོའོ། །དེ་དག་གིས་ནི་ཐབས་ལ་མི་མཁས་པས་བསླབ་མ་ནུས་སོ། །དེ་ནས་སྨན་ཆེན་པོ་ལ་ཁྱོད་ཀྱི་ཅི་འདྲ་ཁྲིད་དེ་ཤོག་ཅེས་སྨྲས་ནས་
D6.011.0081a06.01རྒྱལ་པོའི་མདུན་དུ་འོངས་ཏེ་བལྟས་ན་སྐེམ་ཞིང་རིད་དོ། །དེས་འདི་ཅིའི་ཕྱིར་རིད་ཅེས་དྲིས་པ་དང་། སྨན་ཆེན་པོས་ལྷ་བདག་གིས་ཅི་ཟོས་ཅི་འཚལ་བ་དེ་བཞིན་འདི་ལ་སྩལ་ཏོ་ཞེས་སྨྲས་པ་དང་། ཁྱིས་སྨྲས་པ། ལྷ་འདི་ནི་{བརྫུན་,རྫུན་}མཆིས་ཏེ། བདག་ལྟོགས་ཏེ་དེའུ་བཀུམ་མོ། །དེ་ནས་སྨན་ཆེན་
D6.011.0081a07.01