完整藏文原文 · 德格版页 当前仅加载第 11 函德格 219b 版页；藏文 NFD、目录标记与异常页序保留在来源切片中，重复版页行以稳定序号区分。
གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་བྲམ་ཟེ་པད་མའི་སྙིང་པོས་སངས་རྒྱས་ལ་སོགས་པ་དགེ་སློང་གི་དགེ་འདུན་བདེ་བར་བཞུགས་པར་རིག་ནས། གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་སྟོབས་ཤིང་ཚིམ་པར་བྱེད་དེ། རྣམ་པ་དུ་མར་
D6.011.0219b01.01གཙང་ཞིང་བསོད་པའི་བཟའ་བ་དང་བཅའ་བ་དག་རང་གི་ལག་ནས་བསྟབས་ཤིང་ཚིམ་པར་བྱས་སོ། །བཅོམ་ལྡན་འདས་ཀྱིས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་སྟན་ཆེས་དམའ་བ་ཞིག་བླངས་ཏེ། བཅོམ་ལྡན་འདས་ཀྱི་སྤྱན་སྔར་ཆོས་ཉན་པའི་ཕྱིར་འདུག་གོ། །དེ་ནས་
D6.011.0219b02.01བཅོམ་ལྡན་འདས་ཀྱིས་བྲམ་ཟེ་པད་མའི་སྙིང་པོའི་སྦྱིན་པ་དེ་ལ་རྗེས་སུ་ཡི་རངས་པ་འདིས་རྗེས་སུ་ཡི་རང་བར་མཛད་དེ། སྦྱིན་སྲེག་མཆོད་སྦྱིན་རྣམས་ཀྱི་མཆོག །བསྡེབ་སྦྱོར་མཆོག་ནི་ཉི་མའི་ལྷ། །མི་ཡི་མཆོག་ནི་རྒྱལ་པོ་སྟེ། །རྒྱ་མཚོ་ཆུ་བོ་རྣམས་ཀྱི་མཆོག །ཟླ་བ་རྒྱུ་སྐར་རྣམས་ཀྱི་གཙོ། །ཉི་མ་
D6.011.0219b03.01སྣང་བྱེད་རྣམས་ཀྱི་གཙོ། །སྟེང་དང་འོག་དང་ཐད་ཀར་ཡང་། །འགྲོ་བའི་འགྲོ་བ་ཇི་སྙེད་པ། །ལྷ་དང་བཅས་པའི་འཇིག་རྟེན་ན། །སྨྲ་བའི་མཆོག་ནི་རྫོགས་སངས་རྒྱས། །དེའི་ཚེ་བྲམ་ཟེ་པད་མའི་སྙིང་པོ་ཡོན་བསྔོ་བ་མཛད་པ་ན་རྒན་ཞུགས་ཞིག་ཏིལ་གྱི་མར་ཁུར་ཟ་བ་མཐོང་སྟེ། མཐོང་
D6.011.0219b04.01ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཅི་ལགས་ཉན་ཐོས་ཐམས་ཅད་ཤེས་ལྡན་གཽ་ཏ་མའི་ཐུགས་མཉེས་པར་བགྱིད་པ་ལགས་སམ། བྲམ་ཟེ་འདི་ལྟ་ངེས་པ་མེད་དེ། ཁ་ཅིག་ནི་མཉེས་པར་བྱེད། ཁ་ཅིག་ནི་མཉེས་པར་མི་བྱེད་དོ། །ཀྱེ་གཽ་ཏ་མ་ཁ་ཅིག་ནི་ཆོས་ཚོལ། ཁ་ཅིག་ནི་ཏིལ་
D6.011.0219b05.01གྱི་མར་ཁུར་འཚལ་བ་དག་གདའ་ལགས་སོ། །ཀྱེ་གཽ་ཏ་མ་བདག་གི་སློབ་མ་བྲམ་ཟེའི་ཁྱེའུ་མ་སྡུག་མཆིས་ལགས་སམ། བྲམ་ཟེ་འོངས་སོ། །ཤེས་ལྡན་གཽ་ཏ་མ་དེ་དང་ལྷན་ཅིག་བར་སྐབས་ཀྱི་བཀའ་མཆིད་དག་བགྱིས་ལགས་སམ། བྲམ་ཟེ་བྱས་སོ། །ཀྱེ་གཽ་ཏ་མ་དེའི་སླད་དུ་དེ་དང་ལྷན་ཅིག་
D6.011.0219b06.01བར་སྐབས་ཀྱི་བཀའ་མཆིད་ཇི་སྙེད་གླེངས་པ་དེ་དག་ཐམས་ཅད་བདག་ལ་རྒྱས་པར་བཀའ་སྩལ་དུ་གསོལ། དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་དང་ལྷན་ཅིག་བར་སྐབས་ཀྱི་གཏམ་ཇི་སྙེད་པ་གླེངས་པ་དེ་དག་ཐམས་ཅད་བྲམ་ཟེ་པད་མའི་སྙིང་པོ་ལ་བཀའ་སྩལ་ཏོ། །དེ་ནས་བྲམ་ཟེ་པད་མའི་
D6.011.0219b07.01