完整藏文原文 · 德格版页 当前仅加载第 11 函德格 43a 版页；藏文 NFD、目录标记与异常页序保留在来源切片中，重复版页行以稳定序号区分。
དགོངས་ན་མཉན་ཡོད་དུ་ཡིན་པར་གཟིགས་སོ། །ཡང་སྐྱེ་བོའི་ཚོགས་ཆེན་པོས་དུས་ཇི་ཙམ་ན་ཁོང་དུ་ཆུད་པར་འགྱུར་ཞེས་དགོངས་ན་ཞག་བདུན་ལོན་ནས་འགྱུར་བར་མཁྱེན་ནས་ཀོ་ས་ལའི་རྒྱལ་པོ་གསལ་རྒྱལ་ལ་འདི་སྐད་ཅེས་བཀའ་སྩལ་ཏོ། །རྒྱལ་པོ་ཆེན་པོ་སོང་ལ་
D6.011.0043a01.01དེ་བཞིན་བྱས་ཅི་རིགས་པར་སྒྲུབས་ཤིག་ཅེས་གྱིས་ཤིག །བཅོམ་ལྡན་འདས་དུས་ཇི་ཙམ་ན། རྒྱལ་པོ་ཆེན་པོ་ཞག་བདུན་ནའོ། །དེ་ནས་ཀོ་ས་ལའི་རྒྱལ་པོ་གསལ་རྒྱལ་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ཀྱི་སྤྱན་སྔ་ནས་སོང་སྟེ། མུ་
D6.011.0043a02.01སྟེགས་ཅན་རྣམས་ལ་སྨྲས་པ། ཀྱེ་བཅོམ་ལྡན་འདས་ནི་ཞག་བདུན་ན་རྫུ་འཕྲུལ་གྱི་ཆོ་འཕྲུལ་ཆེན་པོ་སྟོན་པར་མཛད་ཀྱིས་ཁྱེད་ཅག་གིས་བྱ་ཞིང་བཤམ་དགོས་པ་ཅི་ཡོད་པ་དེ་གྱིས་ཤིག །མུ་སྟེགས་ཅན་རྣམས་ཀྱིས་བགྲོས་པ། ཤེས་ལྡན་དག་ཡང་ན་ནི་དགེ་སྦྱོང་གཽ་ཏ་མ་འབྲོས་པར་
D6.011.0043a03.01འགྱུར་རོ། །ཡང་ན་ནི་གྲོགས་ཚོལ་བར་འགྱུར་ན་དེ་ལ་ཇི་ལྟར་བསྒྲུབ། དེ་དག་འདི་སྐད་ཅེས་ཀྱེ་དགེ་སྦྱོང་གཽ་ཏ་མ་ནི་གདོན་མི་ཟ་བར་གྲོགས་ཚོལ་བར་འགྱུར་བས་ཇི་སྟེ་དེ་ལྟར་གྱུར་ན་བདག་ཅག་གིས་ཀྱང་གྲོགས་བཙལ་ལོ། །དེའི་ཚེ་ཀུ་ཤའི་གྲོང་ཁྱེར་ན་ཀུན་དུ་རྒྱུ་ཤིན་ཏུ་བཟང་པོ་ཞེས་བྱ་
D6.011.0043a04.01བ་རྒས་པ། འཁོགས་པ། གཏུགས་པ། ཀུ་ཤའི་གྲོང་ཁྱེར་གྱི་གྱད་རྣམས་ཀྱིས་དགྲ་བཅོམ་པར་བཀུར་ཞིང་རིམ་གྲོ་བྱས། བཀུར་སྟིར་བྱས། བླ་མར་བྱས། མཆོད་པར་བྱས་པ་ཞིག་འདུག་གོ། །དེ་རྣམས་ཀྱིས་གྲོས་བཅས་ནས་དེའི་དྲུང་དུ་སོང་སྟེ་སྨྲས་པ། ཤིན་ཏུ་བཟང་
D6.011.0043a05.01པོ་ཁྱོད་དང་བདག་ཅག་ཚངས་པ་མཚུངས་པར་སྤྱོད་པ་ཡིན་ཏེ། བདག་ཅག་གིས་དགེ་སྦྱོང་གཽ་ཏ་མ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་བོས་ཀྱིས་གྲོགས་གྱིས་ཤིག །དེས་སྨྲས་པ། ཀྱེ་ཁྱེད་ཀྱིས་དགེ་སྦྱོང་གཽ་ཏ་མ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་བོས་པ་ནི་མ་ལེགས་
D6.011.0043a06.01པ་ཞིག་བྱས་སོ། །དེ་ཅིའི་ཕྱིར་ཞེ་ན། དེ་ནི་རྫུ་འཕྲུལ་ཆེ་བ། མཐུ་ཆེ་བ་ཡིན་ནོ། །ཇི་ལྟར་ཤེས། འཐད་པ་ལགས་སོ། །འདི་ལ་གཏན་ཚིགས་ཅི་ཡོད། ཤེས་ལྡན་དག་གང་གི་ཚེ་དགེ་སྦྱོང་གཽ་ཏ་མ་འཇིག་རྟེན་དུ་མ་བྱུང་བ་དེའི་ཚེ་ཁོ་བོ་དལ་གྱིས་འབབ་པ་ཞེས་བྱ་བའི་མཚོ་འགྲམ་
D6.011.0043a07.01