完整藏文原文 · 德格版页 当前仅加载第 11 函德格 297a 版页；藏文 NFD、目录标记与异常页序保留在来源切片中，重复版页行以稳定序号区分。
སྐྱ་དང་། རྟ་དོན་དང་། ཨུ་དུམ་བཱ་ར་ཞེས་བྱ་བ་ཡིན་ནོ། །དེ་ནས་གྲོང་ཁྱེར་རྩྭ་ཅན་གྱི་གྱད་རྣམས་ཀྱིས་དེའི་སྐུ་གདུང་གསེར་གྱི་བུམ་པའི་ནང་དུ་བཅུག་སྟེ། གསེར་ལས་བྱས་པའི་ཁྱོགས་ཀྱི་སྟེང་དུ་བཞག་ནས་དྲི་དང་། ཕྲེང་བ་དང་། བདུག་
D6.011.0297a01.01པ་དང་། ཕྱེ་མ་དང་། རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པ་བྱས་ཏེ་གྲོང་ཁྱེར་རྩྭ་ཅན་དུ་ཕྱིན་ནས། དེར་གྲོང་ཁྱེར་མཆོག་གི་དབུས་སུ་བཞུགས་སུ་གསོལ་ནས་དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་།
D6.011.0297a02.01རོལ་མོའི་སྒྲས་བཀུར་སྟིར་བྱས། བླ་མར་བྱས། རི་མོར་བྱས། མཆོད་པ་བྱས་སོ། །དེ་ནས་ཡུལ་སྡིག་པ་ཅན་གྱི་གྱད་རྣམས་ཀྱིས་གྲོང་ཁྱེར་རྩྭ་ཅན་དུ་བཅོམ་ལྡན་འདས་ཡོངས་སུ་མྱ་ངན་ལས་འདས་ནས་དེང་དུ་ཞག་བདུན་ལོན་ནས་སྐུ་གདུང་ལ་སྐུ་གདུང་གི་མཆོད་པ་
D6.011.0297a03.01བྱེད་དོ་ཞེས་ཐོས་སོ། །ཐོས་ནས་ཀྱང་དཔུང་གི་ཚོགས་ཡན་ལག་བཞི་པ་གླང་པོ་ཆེའི་ཚོགས་དང་། རྟའི་ཚོགས་དང་། ཤིང་རྟའི་ཚོགས་དང་། དཔུང་བུ་ཆུང་གི་ཚོགས་གོ་བསྐོན་ཏེ། གྲོང་ཁྱེར་རྩྭ་ཅན་གྱི་གྱད་ག་ལ་བ་དེར་སོང་སྟེ་ཕྱིན་ནས། གྲོང་ཁྱེར་རྩྭ་ཅན་གྱི་
D6.011.0297a04.01གྱད་རྣམས་ལ་འདི་སྐད་ཅེས་སྨྲས་སོ། །གྲོང་ཁྱེར་རྩྭ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ་ཤེས་ལྡན་དག་ཉོན་ཅིག །བཅོམ་ལྡན་འདས་ནི་ངེད་ལ་ཡུན་རིང་པོ་ནས་ཕངས་ཤིང་སྡུག་པ་ཡིན་ཏེ། དེ་ཁྱེད་ཀྱི་གྲོང་ཁྱེར་གྱི་ཉེན་ཀོར་དུ་རྟེན་པ་ལས་ཡོངས་སུ་མྱ་
D6.011.0297a05.01ངན་ལས་འདས་ན། བཅོམ་ལྡན་འདས་དེའི་སྐུ་གདུང་ཤ་རི་རམ་གྱི་སྐལ་བ་དེ་ངེད་ལ་བྱིན་ཅིག་དང་། དེ་ངེད་ཀྱིས་ཡུལ་སྡིག་པ་ཅན་དུ་བཅོམ་ལྡན་འདས་དེའི་སྐུ་གདུང་གི་མཆོད་རྟེན་བརྩིགས་ལ་གདུགས་དང་། རྒྱལ་མཚན་དང་། བ་དན་གཟུགས་ཤིང་། དྲི་དང་།
D6.011.0297a06.01ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་སྒྲས་བཀུར་སྟི་བྱ། བླ་མར་བྱ། རི་མོར་བྱ། མཆོད་པར་བྱ་སྟེ། མཆོད་པ་བྱས་ནས་དུས་སྟོན་ཆེན་པོ་ཡང་བྱའོ། །གནས་འཇོག་དག་བཅོམ་ལྡན་འདས་དེ་ནི་ངེད་ལ་ཡང་ཕངས་ཤིང་སྡུག་པ་ཡིན་ལ།
D6.011.0297a07.01