完整藏文原文 · 德格版页 当前仅加载第 11 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་གཅིག་བ་ལང་མའི། །ཐམས་ཅད་བཟོད་པ་མཛོད་ཅེས་དེ་སྐད་མཆིའོ། །རྒྱལ་པོས་ཀྱང་གསོས་པ་ལ་ཚིགས་སུ་བཅད་དེ་སླར་སྨྲས་པ། རབ་སྨྲས་ལེགས་པར་སྨྲས་འདི་ཁྱོད་ཀྱིས་ནི། །ང་ལ་སྙིང་ཉེ་བསྐྱེད་དེ་སྨྲས་པ་ཡིན། །དེ་ལྟས་ཁྱོད་ལ་ཀ་ནྱཱ་
D6.011.0027a01.01ཀུབ་ཛ་སྦྱིན། །ང་ཡིས་ཞི་བ་ལ་ཡང་སྙིང་ནས་བཟོད། །གསོས་པའི་ལན་རྫོགས་སྟོ།། །།སྡོམ་ནི། དྲག་ཤུལ་ཅན་གྱིས་གསེར་སྣོད་དང་། །འོད་{བཟངས་,བཟང་}མ་དང་དགོན་པ་པ། །འཚོ་བྱེད་དང་ནི་འབྲས་སྨན་དང་། །འཁོར་ནི་མང་པོ་སུན་བྱེད་པའོ། །
D6.011.0027a02.01སངས་རྒྱས་བཅོམ་ལྡན་འདས་ཡངས་པ་ཅན་གྱི་སྤྲེའུ་རྫིང་གི་འགྲམ་ན་ཁང་པ་བརྩེགས་པའི་ཁང་{བཟངས་,བཟང་}ན་བཞུགས་སོ། །དེའི་ཚེ་བྲམ་ཟེ་དང་ཁྱིམ་བདག་མང་པོ་དཔོང་ས་ན་འདུས་ཤིང་འཁོད་པ་དག་བར་སྐབས་ཀྱི་གཏམ་འདི་ལྟ་བུ་དག་གླེང་སྟེ། ཤེས་ལྡན་དག་
D6.011.0027a03.01དགེ་སྦྱོང་གཽ་ཏ་མ་དང་དེའི་ཉན་ཐོས་རྣམས་ཀྱང་འདོད་ཆེན་ཆེ་བའོ། །མུ་སྟེགས་ཅན་དག་ནི་དེ་ལྟ་མ་ཡིན་ནོ་ཞེས་ཟེར་རོ། །དེའི་ཚེ་ཁྱིམ་བདག་དྲག་ཤུལ་ཅན་འཁོར་དེ་ཉིད་དུ་འདུས་ནས་འདུག་པར་གྱུར་ཏོ། །དེ་ནས་ཁྱིམ་བདག་དྲག་ཤུལ་གྱིས་ཡངས་པ་ཅན་གྱི་བྲམ་ཟེ་
D6.011.0027a04.01དང་ཁྱིམ་བདག་མང་པོ་རྣམས་ལ་འདི་སྐད་ཅེས་སྨྲས་སོ། །ཤེས་ལྡན་དག་རེ་ཞིག་སྡོད་ཅིག་དང་། ངས་བཅོམ་ལྡན་འདས་འདོད་ཆེན་ཆེའམ། འདོད་ཆེན་ཆུང་བ་དང་། དེའི་ཉན་ཐོས་འདོད་ཆེན་ཆེའམ། འདོད་ཆེན་ཆུང་བ་དག་ཁྱེད་ཀྱིས་མངོན་སུམ་དུ་བྱའོ་
D6.011.0027a05.01ཞེས་བྱས་ནས། དེ་གསེར་དང་། དངུལ་དང་། བཻ་ཌཱུརྱ་དང་། ཤེལ་གྱི་སྣོད་དག་བསྡོགས་ནས། སངས་རྒྱས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་དང་ལྷན་ཅིག་མངོན་སུམ་དུ་ཡང་དག་པར་དགའ་བ་དང་། ཡང་དག་པར་མགུ་བའི་
D6.011.0027a06.01གཏམ་རྣམ་པ་སྣ་ཚོགས་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་པ་དང་། བཅོམ་ལྡན་འདས་ཀྱིས་ཁྱིམ་བདག་དྲག་ཤུལ་ཅན་ལ་ཆོས་ཀྱི་གཏམ་གྱིས་ཡང་དག་པར་སྟོན་པར་མཛད། ཡང་དག་པར་ལེན་དུ་འཇུག་པར་མཛད། ཡང་དག་པར་
D6.011.0027a07.01