完整藏文原文 · 德格版页 当前仅加载第 11 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་འདིར་འོངས་ཞེས་དྲིས་པ་དང་། དེས་ཇི་ལྟར་གྱུར་པ་རྣམས་བརྗོད་དོ། །དེ་རྣམས་ཡིད་བདེ་བ་སྐྱེས་ནས་དེ་དག་གི་དྲུང་དུ་སོང་ངོ་། །དེ་ནས་ཕན་ཚུན་ཡང་དག་པར་དགའ་བར་བྱས་ནས་ལམ་གྱིས་དུབ་པ་ངལ་བསོ་སྟེ། ཀྱེ་ཁྱེད་དང་བདག་ཅག་ཚངས་པ་མཚུངས་པར་
D6.011.0044a01.01སྤྱོད་པ་ཡིན་ཏེ། བདག་ཅག་གིས་དགེ་སྦྱོང་གཽ་ཏ་མ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་བོས་ན་ཁྱེད་ཀྱིས་ཀྱང་གྲོགས་གྱིས་ཤིག །དེ་དག་གིས་སྨྲས་པ། ཀྱེ་ལེགས་ཏེ་དེ་བཞིན་དུ་བྱ་ན་འོན་ཀྱང་ངེད་ལ་མཚན་མ་སྟོན་ཅིག །དེ་རྣམས་ཡིད་བདེ་བ་སྐྱེས་ནས་དེ་དག་ལ་གུས་པར་སྨྲ་
D6.011.0044a02.01བས་མགུ་བར་བྱས་ཏེ་དོང་ངོ་། །རེ་ཞིག་ན་ཀོ་ས་ལའི་རྒྱལ་པོ་གསལ་རྒྱལ་གྱི་མས་དབེན་གྱི་ནུ་བོ་རྒྱལ་བུ་གཞོན་ནུ་ན་གུ་ཞེས་བྱ་བ་དེ་དྲི་དང་མེ་ཏོག་གི་ཕྲེང་བས་བརྒྱན་ནས་རྒྱལ་པོའི་ཕོ་བྲང་གི་དྲུང་ན་མར་སོང་བ་ལས་དེའི་བཙུན་མོ་ཞིག་སྟེང་གི་ཁང་{བཟངས་ཀྱི་,བཟང་གི་}ཐོག་ནས་མེ་ཏོག་གི་ཕྲེང་བ་
D6.011.0044a03.01བོར་བ་དང་། དེའི་ལུས་ལ་ཕོག་པ་གཞན་ཞིག་གིས་མཐོང་ངོ་། །འཇིག་རྟེན་ན་མཛའ་བ་དང་མི་མཛའ་བ་དང་ཐ་མལ་པ་ཡིན་པས་དེས་ཀྱང་བློན་པོ་ལ་བྱས་སོ། །བློན་པོས་ཀྱང་རྒྱལ་པོ་ལ་ལྷ་རྒྱལ་བུ་གཞོན་ནུ་ན་གུ་ནི་ལྷའི་བཙུན་མོ་དང་ཁྲིའོ་ཞེས་གསོལ་ཏོ། །རྒྱལ་པོ་རྣམས་ནི་མ་བརྟགས་
D6.011.0044a04.01པར་བྱེད་པ་ཡིན་པས་དེས་བློན་པོ་རྣམས་ལ་ཤེས་ལྡན་དག་ངས་རྒྱལ་བུ་གཞོན་ནུ་ན་གུ་ཡོངས་སུ་བཏང་གིས་དེང་ལ་རྐང་ལག་མེད་པར་གྱིས་ཤིག་ཅེས་བསྒོ་བ་དང་། དེ་དག་གིས་དེ་སྲང་དུ་ཁྲིད་ནས་རྐང་ལག་མེད་པར་བྱས་ཏེ་བཞག་ནས་དེའི་གཉེན་མིག་མཆི་མས་གང་བ་རྣམས་དང་། སྐྱེ་
D6.011.0044a05.01བོའི་ཚོགས་ཆེན་པོ་གཞན་དག་གིས་ཀྱང་ཡོངས་སུ་བསྐོར་ཅིང་འདུག་གོ། །ཅི་ཙམ་ན་མུ་སྟེགས་ཅན་རྣམས་ཀྱང་ཕྱོགས་དེར་འོངས་པ་དང་། དེ་དག་ལ་དེའི་གཉེན་རྣམས་ཀྱིས་འཕགས་པ་རྒྱལ་བུ་གཞོན་ནུ་ན་གུའི་ཡན་ལག་དང་ཉིང་ལག་དག་ཇི་ལྟར་སྔ་མཁོ་བཞིན་དུ་འགྱུར་བའི་
D6.011.0044a06.01བདེན་པའི་ཚིག་མཛད་དུ་གསོལ་ཞེས་སྨྲས་པ་དང་། དེ་དག་སྤོབས་པ་མེད་ནས་ཅང་མི་ཟེར་བར་ལངས་ཏེ་དོང་ངོ་། །ཇི་ཙམ་ན་ཚེ་དང་ལྡན་པ་ཀུན་དགའ་བོ་བསོད་སྙོམས་ལ་རྒྱུ་བ་ལས་ཕྱོགས་དེར་ཕྱིན་པ་དང་། དེ་དག་གིས་དེ་ལ་སྨྲས་པ། འཕགས་པ་རྒྱལ་བུ་གཞོན་ནུ་ན་གུ་ཡན་
D6.011.0044a07.01