完整藏文原文 · 德格版页 当前仅加载第 11 函德格 176b 版页；藏文 NFD、目录标记与异常页序保留在来源切片中，重复版页行以稳定序号区分。
མི་དགེ་བའི་རྩ་བ་མང་དུ་བྱེད་པ་དང་། གཏི་མུག་མི་དགེ་བའི་རྩ་བ་མང་དུ་བྱེད་པ་སྟེ། ཆོས་གསུམ་པོ་འདི་དག་མང་དུ་བྱེད་པ་དང་། དགེ་སློང་དག་ཕྱོགས་གང་ན་དགེ་སློང་རྣམས་གནས་ཤིང་འཐབ་པར་བྱེད། མཚང་འདྲུ་བར་བྱེད། འགྱེད་པར་བྱེད། རྩོད་པར་བྱེད། འཐབ་ཀྲོལ་བར་
D6.011.0176b01.01བྱེད་པ་དང་། དགེ་སློང་དག་དེ་ན་ཆོས་གསུམ་པོ་རྣམ་པར་སྤངས་ཤིང་ཆོས་གསུམ་མང་དུ་བྱེད་པ་དེར་ནི་ང་ཐོས་པར་ཡང་མི་འདོད་ན་འགྲོ་ཞིང་གནས་པ་ལྟ་ཅི་སྨོས་ཏེ། ང་དེར་མི་འགྲོ་ཞེས་གསུངས་པས་ཚེ་དང་ལྡན་པ་དག་རྩོད་མི་དགོས་ཀྱིས་རབ་ཏུ་བྱུང་བའི་སེམས་སོ་སོར་ཐོབ་པར་གྱིས་
D6.011.0176b02.01ཤིག་ཅེས་བཅུག་པ་ན། དེ་དག་ཀུན་ནས་དཀྲིས་པ་ཕྱིར་འཕེལ་བར་གྱུར་ནས་ལྡོག་ཏུ་མ་བཏུབ་པ་བྲམ་ཟེ་དང་ཁྱིམ་བདག་དག་གིས་མཐོང་ནས་ཤེས་ལྡན་དག་དགེ་སྦྱོང་མགོ་རེག་འདི་དག་ནི་དགག་དབྱེ་བྱས་ཀྱང་རབ་ཏུ་བྱུང་བའི་སེམས་སོ་སོར་མ་ཐོབ་སྟེ། རྒྱུན་ཁོ་ནར་འཐབ་
D6.011.0176b03.01མོ་བྱེད་དོ་ཞེས་འཕྱ་བར་བྱེད་སྨོད་པར་བྱེད། ཕྱར་ཀ་གཏོང་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་བྲམ་ཟེ་དང་། ཁྱིམ་བདག་དག་འཕྱ་བར་བྱེད་པ་ནི་ཐོག་ཏུ་བབ་པོ། །དེའི་
D6.011.0176b04.01ཕྱིར་དགེ་སློང་དག་དགེ་སློང་འཁོན་ཅན་རྣམས་ཀྱིས་དགག་དབྱེ་མི་བྱའོ། །འོན་ཀྱང་བཟོད་པ་གསོལ་ནས་དགག་དབྱེ་བྱའོ། །དེ་དག་གིས་གང་གི་ཉིན་པར་དགག་དབྱེ་བྱེད་པའི་ཉིན་པར་བཟོད་པ་གསོལ་ཀྱང་། ཀུན་ནས་དཀྲིས་པ་ཕྱིར་འཕེལ་ཞིང་དེའི་ཚེ་རང་གི་སེམས་སོ་སོར་
D6.011.0176b05.01ཐོབ་པར་མི་ནུས་སོ། །བཅོམ་ལྡན་འདས་ཀྱིས་བཀའ་སྩལ་པ། དེ་ཉིད་ཀྱི་ཉིན་པར་གཟོད་པ་གསོལ་བར་མི་བྱའོ། །འོན་ཀྱང་ཞག་བདུན་ནམ་བརྒྱད་ན་དགག་དབྱེ་བྱེད་པར་འགྱུར་བ་ན་བཟོད་པ་གསོལ་བར་བྱའོ། །བཅོམ་ལྡན་འདས་ཀྱིས་ཞག་བདུན་ནམ་བརྒྱད་ན་
D6.011.0176b06.01དགག་དབྱེ་བྱེད་པར་འགྱུར་བའི་ཚེ་བཟོད་པ་གསོལ་བར་བྱའོ་ཞེས་བཀའ་སྩལ་པ་དང་། འདི་ལྟར་དེ་དག་ཐམས་ཅད་ཀྱིས་བཟོད་པ་གསོལ་ལོ། །བཅོམ་ལྡན་འདས་ཀྱིས་བཀའ་སྩལ་པ། ཐམས་ཅད་ཀྱིས་བཟོད་པ་གསོལ་བར་མི་བྱའོ། །འོན་ཀྱང་མི་མཐུན་པ་རྣམས་
D6.011.0176b07.01