完整藏文原文 · 德格版页 当前仅加载第 11 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
སྟེ། ཟ་ན་འགལ་ཚབས་ཅན་དུ་འགྱུར་རོ། །བཅོམ་ལྡན་འདས་ཀྱིས་དགེ་སློང་གིས་གསེར་དང་། དངུལ་དང་། བཻ་ཌཱུརྱ་དང་། ཤེལ་ལ་སོགས་ཏེ་རིན་པོ་ཆེའི་སྣོད་དུ་བཟའ་བར་མི་བྱའོ་ཞེས་བཀའ་སྩལ་པ་དང་། དགེ་སློང་སྐྱོན་དང་བྲལ་བ་གཞན་དག་ཅི་ཡོད་པ་དེ་
D6.011.0029b01.01དག་གི་དབང་གིས་སོ་སོའི་སྐྱེ་བོ་དག་ལྷའི་གནས་དང་། ཀླུའི་གནས་སུ་སོང་བ་ལས་དེར་དེ་དག་ཟན་ལ་བོས་པ་དང་། དེ་དག་གི་ཁྱིམ་ན་རང་གི་བསོད་ནམས་ལས་གྲུབ་པའི་གསེར་དང་། དངུལ་དང་། བཻ་ཌཱུརྱ་དང་། ཤེལ་གྱི་སྣོད་ཡོད་ཀྱི་གཞན་མེད་པས་དེ་དག་དེར་
D6.011.0029b02.01འགྱོད་དེ་ཟན་མ་ཟོས་སོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་གང་དུ་སྣོད་གཞན་རྙེད་པ་མེད་པ་དེར་ནི་གསེར་དང་། དངུལ་དང་། བཻ་ཌཱུརྱ་དང་། ཤེལ་ལ་
D6.011.0029b03.01སོགས་པའི་སྣོད་དུ་ཟ་བར་གནང་གིས་འདི་ལ་འགྱོད་པར་མི་བྱའོ། །སངས་རྒྱས་བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །མཉན་ཡོད་ན་ཁྱིམ་བདག་ཕྱུག་པ། ནོར་མང་བ། ལོངས་སྤྱོད་ཆེ་
D6.011.0029b04.01བ། ཡོངས་སུ་གཟུང་བ་ཡངས་ཤིང་རྒྱ་ཆེ་བ། རྣམ་ཐོས་ཀྱི་བུའི་ནོར་དང་ལྡན་པ། རྣམ་ཐོས་ཀྱི་བུའི་ནོར་དང་འགྲན་པ་ཞིག་གནས་པ་དེས་རིགས་མཉམ་པ་ལས་ཆུང་མ་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་དོ། །
D6.011.0029b05.01དེ་དང་རྩེ་བར་བྱེད། དགའ་བར་བྱེད། དགའ་མགུར་སྤྱོད་པར་བྱེད་པ་ལས་དུས་གཞན་ཞིག་ན་ཆུང་མ་དེ་ལ་སེམས་ཅན་ཞུགས་པར་གྱུར་ཏོ། །གང་གི་ཉིན་མོ་དེ་སེམས་ཅན་ཞུགས་པར་གྱུར་པ་དེ་ཉིད་ཀྱི་ཉིན་མོ་ནས་མདངས་བཟང་བར་གྱུར་ཏོ། །དེ་ཟླ་བ་བརྒྱད་
D6.011.0029b06.01དམ་དགུ་འདས་ནས་བུ་མོ་གཟུགས་བཟང་བ། མཛེས་པ། བལྟ་ན་སྡུག་པ། ཡན་ལག་དང་ཉིང་ལག་ཐམས་ཅད་དང་ལྡན་པ་ཞིག་བཙས་སོ། །དེ་བཙས་པའི་ཚེ་དེའི་ཁྱིམ་ཉི་མའི་འོད་བཞིན་དུ་སྣང་བར་གྱུར་ནས་མཉན་ཡོད་ཀུན་དུ་ཁྱིམ་བདག་ཆེ་གེ་མོ་ཞིག་གི་བུ་མོ་
D6.011.0029b07.01