完整藏文原文 · 德格版页 当前仅加载第 11 函德格 9b 版页；藏文 NFD、目录标记与异常页序保留在来源切片中，重复版页行以稳定序号区分。
གིས་གཞན་ཞིག་རྒྱལ་པོར་དབང་བསྐུར་བར་བརྩམས་པ་དེ་དག་ཐག་གཞུག་པའི་དུས་འདི་ཡིན་པས་དེ་རྣམས་གསད་པར་བྱའོ། །དེས་སྨྲས་པ། ལྷ་བྲམ་ཟེ་རྣམས་རེ་ཞིག་གཞག་ཏུ་གསོལ། ཕྲ་(མན་,མེན་)མ་དེ་རྣམས་ཇེ་དགུམ་པར་བགྱིའོ། །རྒྱལ་པོས་སྨྲས་པ། གསོས་པ་དེ་རྣམས་ཇི་ལྟར་གསད་
D6.011.0009b01.01པར་ནུས། ལྷ་བདག་གིས་དེ་རྣམས་ཁུམས་པའི་ཐབས་ཞིག་བགྱིའོ། །གསོས་པ་ལེགས་ཀྱིས་དེ་བཞིན་དུ་གྱིས་ཤིག་ཅེས་བྱས་པ་དང་། གསོས་པས་མདུན་ན་འདོན་གྱི་ཁྱེའུ་རིག་སྔགས་སྨྲ་བ་མཁས་པ་ཞིག་ཡོད་པ་དེའི་དྲུང་དུ་སོང་ནས་བུ་ཕྲ་མེན་མ་འདི་དག་སྐྱེ་བོ་མང་པོ་གསོད་པར་བྱེད་ན།
D6.011.0009b02.01དེ་དག་གཟུང་བར་བྱ་བའི་ཐབས་དེ་འགའ་ཡོད་དམ་ཞེས་སྨྲས་པ་དང་། དེས་སྨྲས་པ། ཡབ་ཅི་བགྱིར་མཆིས་བདག་གིས་གཟུང་བར་བས་སོ། །བུ་ལེགས་སོ་ཞེས་བྱས་པ་དང་། དེས་མིའི་ལག་པ་ལས་ཨུཏྤལ་འདྲ་བར་བསྒྱུར་ནས་མིའི་ལག་ཏུ་བསྐུར་ཏེ་སྨྲས་པ། ཀྱེ་མི་ཁྱོད་སོང་ལ་སྲང་དུ་ཕྱིན་
D6.011.0009b03.01ནས་འདུག་ལ། སུ་རིན་གྱིས་ཉོ་བ་དེ་ལ་མ་སྦྱིན་པར་གང་ཞིག་མཐོང་ན་དགོད་པ་དེའི་མིང་དྲིས་ཏེ་གླེགས་བུ་ལ་བྲིས་ཤིག །དེས་དེ་ཐོགས་ཏེ་འདུག་ནས་གང་ཞིག་རིན་གྱིས་ཉོ་བ་དེ་ལ་མི་སྟེར། གང་ཞིག་མཐོང་ནས་དགོད་པ་དེའི་མིང་ནི་དྲིས་ནས་གླེགས་བུ་ལ་འདྲི་བར་བྱེད་དེ། དེས་དེ་ལྟར་འཕགས་
D6.011.0009b04.01རྒྱལ་གྱི་ཕྲ་མེན་མ་ལྔ་བརྒྱའི་མིང་དྲིས་ནས་བྲིས་སོ། །དེ་ནས་གསོས་པ་ལ་བསྟན་ནས་གསོས་པས་ཀྱང་རྒྱལ་པོ་ལ་བསྟན་པ་དང་། རྒྱལ་པོས་སྨྲས་པ། གསོས་པ་ཕྲ་མེན་མ་མང་པོ་འདི་དག་ཅི་ལྟར་ཁ་བཏག །དེས་སྨྲས་པ། ལྷ་དེ་རྣམས་ཇི་ལྟར་དགུམ་པའི་ཐབས་བདག་ལ་འཚལ་གྱིས་
D6.011.0009b05.01ལྷ་ཐུགས་ཁྲལ་བསྐྱུད་དུ་གསོལ། དེས་སྨྲས་པ། གསོས་པ་ལེགས་ཏེ་ཁྱོད་ཉིད་ཤེས་སོ། །དེས་འཕགས་རྒྱལ་གྱི་ཕྱོགས་ཞིག་ཏུ་འཁོར་གྱི་ཁྱམས་ཞིག་བྱས་ནས། དེས་ལྷ་ནི་མའི་དམ་ཚིག་ལ་འཇུག་གིས་འཕགས་རྒྱལ་ན་སྲིན་མོ་ཇི་སྙེད་གནས་པ་ཐམས་ཅད་འཁོར་གྱི་ཁྱམས་སུ་འདུ་བར་
D6.011.0009b06.01གྱིས་ཤིག་ཅེས་དྲིལ་བསྒྲགས་པ་དང་། དེ་དག་གིས་བསམས་པ། ལྷ་འཁོར་གྱི་ཁྱམས་སུ་མའི་དམ་ཚིག་ལ་འཇུག་པ་དེར་བདག་ཅག་ལ་རྫས་བཟང་པོ་མང་དུ་སྟེར་གྱིས་འགྲོ་བར་བྱའོ་སྙམ་ནས་གང་དག་མི་མངོན་པར་འདུག་འདུག་པ་དེ་དག་ཀྱང་རྙེད་པ་ལ་ཆགས་པས་བདག་ཉིད་ཉེ་བར་བསྟན་ཏེ་སྲིན་མོ་
D6.011.0009b07.01