完整藏文原文 · 德格版页 当前仅加载第 11 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
ངས་ཡུལ་སྤོང་བྱེད་ཀྱི་གནས་དེར་ཡོངས་སུ་ཉམས་པར་མི་འགྱུར་བའི་ཆོས་བདུན་བཤད་དོ། །དབྱར་བྱེད་ཇི་སྲིད་དུ་ཡུལ་སྤོང་བྱེད་པ་དག་ཡོངས་སུ་ཉམས་པར་མི་འགྱུར་བའི་ཆོས་བདུན་ཡང་དག་པར་བླངས་ནས་སྤྱོད་ཅིང་། ཡུལ་སྤོང་བྱེད་པ་རྣམས་ལ་ཡོངས་སུ་ཉམས་
D6.011.0229a01.01པར་མི་འགྱུར་བའི་ཆོས་བདུན་ཀུན་དུ་སྣང་ན། ཡུལ་སྤོང་བྱེད་པ་རྣམས་འདོད་པའི་དགེ་བའི་ཆོས་འཕེལ་བར་འགྱུར་གྱི་ཉམས་པར་མི་འགྱུར་རོ། །གཽ་ཏ་མས་འདི་ལྟར་མདོར་བཀའ་སྩལ་གྱི། དེ་རྣམ་པར་མ་ཕྱེ་བས་བདག་གིས་དོན་རྒྱས་པར་མ་འཚལ་ན། གཽ་ཏ་མས་མདོར་གསུངས་པའི་དོན་
D6.011.0229a02.01དེ་རྣམ་པར་ཕྱེ་སྟེ་རྒྱས་པར་བཤད་ན་འདི་ལྟར་བཅོམ་ལྡན་འདས་གཽ་ཏ་མས་རྣམ་པར་ཕྱེ་སྟེ་རྒྱས་པར་གསུངས་པའི་དོན་དེ་བདག་གིས་ལེགས་པར་འཚལ་བར་གྱུར་ལགས་སོ། །དེ་ནས་ཡང་དེའི་ཚེ་བཅོམ་ལྡན་འདས་ཀྱི་སྣམ་ལོགས་ན་ཚེ་དང་ལྡན་པ་ཀུན་དགའ་བོ་བསིལ་ཡབ་ཐོགས་ཏེ་བཅོམ་ལྡན་
D6.011.0229a03.01འདས་ལ་གཡོབ་ཅིང་འདུག་གོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཅི་ཀུན་དགའ་བོ་ཡུལ་སྤོང་བྱེད་པ་རྣམས་ཡང་དང་ཡང་དུ་འདུ་ཞིང་། ཡང་དང་ཡང་དུ་འདུ་བ་ལས་རིང་དུ་གནས་པར་ཐོས་སམ། བཙུན་པ་བདག་གིས་ཐོས་ལགས་
D6.011.0229a04.01ཏེ། ཡུལ་སྤོང་བྱེད་པ་རྣམས་ཡང་དང་ཡང་དུ་འདུ་ཞིང་། ཡང་དང་ཡང་དུ་འདུ་བ་ལས་རིང་དུ་གནས་ལགས་སོ། །དབྱར་བྱེད་ཇི་སྲིད་དུ་ཡུལ་སྤོང་བྱེད་པ་རྣམས་ཡང་དང་ཡང་དུ་འདུ་ཞིང་རིང་དུ་གནས་པ་ལས་ཡུལ་སྤོང་བྱེད་པ་རྣམས་ཀྱི་དགེ་བའི་ཆོས་རྣམས་ཉམས་པར་མི་འགྱུར་ཞིང་རྒྱས་
D6.011.0229a05.01པར་འགྱུར་བར་ཤེས་པར་བྱའོ། །ཅི་ཀུན་དགའ་བོ་ཡུལ་སྤོང་བྱེད་པ་རྣམས་མཐུན་པར་འདུག་ཅིང་མཐུན་པར་འགྲོའམ། ཡུལ་སྤོང་བྱེད་པ་རྣམས་ཀྱི་དགོས་པ་དང་བྱ་བ་མཐུན་པར་བྱེད་པར་ཐོས་སམ། བཙུན་པ་བདག་གིས་ཐོས་ལགས་ཏེ། ཡུལ་སྤོང་བྱེད་པ་རྣམས་མཐུན་
D6.011.0229a06.01ལགས་སོ་ཞེས་བྱ་བའི་བར་གོང་མ་བཞིན་དུའོ། །དབྱར་བྱེད་ཇི་སྲིད་དུ་ཡུལ་སྤོང་བྱེད་པ་རྣམས་མཐུན་པར་འདུག་ཅིང་མཐུན་པར་འགྲོ་བ་དང་། ཡུལ་སྤོང་བྱེད་པ་རྣམས་ཀྱི་དགོས་པ་དང་བྱ་བ་མཐུན་པར་བྱས་པ་ལས་ཡུལ་སྤོང་བྱེད་པ་རྣམས་ཀྱི་དགེ་བའི་ཆོས་རྣམས་ཉམས་པར་མི་
D6.011.0229a07.01