完整藏文原文 · 德格版页 当前仅加载第 11 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱལ་པོ་ཤར་བ་ནི་ཆུང་མ་དེ་ལ་ཆགས་པས་ཉིན་ཞག་བདུན་གྱི་བར་དུ་མ་ཟོས་པས་དེ་ལུས་སྐྱ་བོ་བསེང་བསེང་པོར་གྱུར་ཅིང་ཤ་བྲི་ངན་པ་དང་། ཉམ་ཆུང་བ་དང་། རྨྱ་བར་གྱུར་ཏོ། །ཞག་བདུན་ལོན་པ་དང་། ནོར་ལྷས་བྱིན་གྱིས་མེ་ཏོག་ཕྲེང་རྒྱུད་མཁན་རྣམས་
D6.011.0005a01.01ལ་ཡང་རྒྱུས་པ་དག་གིས་མེ་ཏོག་དྲི་ཞིམ་པོ་དག་རྒྱུས་ལ་མྱུར་དུ་ཁྱེར་ཏེ་ཤོག་ཤིག་ཅེས་བསྒོའོ། །སྦྱོར་བ་འཆང་ལ་ཡང་དེང་དུ་ལྷའི་དཀའ་ཐུབ་རྫོགས་ཀྱིས་ཁྱོད་ཀྱིས་གྲོང་ཁྱེར་མཛེས་པར་གྱིས་ལ་བྲམ་ཟེ་སྟོང་དང་། རྒྱལ་པོ་བཙུན་མོའི་འཁོར་དང་། གཞོན་ནུ་དང་། བློན་
D6.011.0005a02.01པོ་དང་། གྲོང་ཁྱེར་གྱི་སྐྱེ་བོའི་ཚོགས་དང་བཅས་པའི་ཟན་སྦྱོར་ཅིག་ཅེས་བསྒོའོ། །བློན་པོ་གཞན་དག་ནི་མི་ཚོར་བར་བྱ་བའི་ཕྱིར་གནས་གཞན་དང་གཞན་དག་ཏུ་ལས་སུ་བསྐོས་སོ། །སྦྱོར་བ་འཆང་ཡང་རྒྱལ་པོ་ལ་སྙིང་ཉེ་ཞིང་རྗེས་སུ་ཆགས་པས་གྲོང་ཁྱེར་དེ་རྡོ་དང་། གསེག་མ་དང་།
D6.011.0005a03.01གྱོ་མོ་ནི་མེད་པར་བྱས། ཙན་དན་གྱི་ཆུས་ནི་ཆག་ཆག་བཏབ། བདུག་པ་དྲི་ཞིམ་པོའི་པོག་ཕོར་ནི་བཞག །རྒྱལ་མཚན་དང་། བ་དན་དག་ནི་བསྒྲེང་། མུ་ཏིག་དང་། དར་གྱི་ཆུན་པོ་དང་། ལྡ་ལྡི་ནི་དཔྱངས། མེ་ཏོག་རྣམ་པ་སྣ་ཚོགས་ནི་བཀྲམ་སྟེ་ལྷ་རྣམས་ཀྱི་སྐྱེད་
D6.011.0005a04.01མོས་ཚལ་དགའ་བའི་ཚལ་བཞིན་དུ་དགའ་དགའ་ལྟར་བྱས་ནས་གནས་དང་གནས་རྣམས་སུ་རོལ་མོའི་སྒྲ་སྣ་ཚོགས་ནི་བསྒྲགས། གར་མཁན་དང་། སྙན་དངགས་མཁན་དང་། འཇོ་ཚར་ཅན་གྱི་བྲོ་མཁན་རྣམས་ཀྱིས་ནི་བྲོ་གར་བྱ་བར་བརྩམས་སོ། །ཅ་ཅོ་ཆེན་པོ་བྱུང་བ་
D6.011.0005a05.01དེའི་ཚེ་ནོར་ལྷས་བྱིན་གྱིས་རྒྱལ་པོ་ཤར་བའི་བུ་ར་བའི་ཁར་རྐང་པའི་རྩེ་མོ་ནས་སྤྱི་བོའི་བར་དུ་མེ་ཏོག་གིས་དཀྲིས་ནས་བསྙལ་ལོ། །དེ་ནས་ར་བའི་ཁ་ནས་ཕུལ་ནས་ལྷུང་མ་ཐག་ཏུ་གསོན་པོར་ཁྱི་དག་གིས་རུས་གོང་འབའ་ཞིག་ལུས་པར་བྱས་ཏེ། བྱ་རོག་དང་། བྱ་རྒོད་དང་། ཝ་
D6.011.0005a06.01དང་། མི་རོ་ལ་ཟ་བའི་སྲོག་ཆགས་གཞན་དག་ཀྱང་འཐབ་པར་གྱུར་ཏོ། །ཀཽ་ཤཱམྦཱིར་ལྷ་ར་བའི་ཁ་ནས་གྲོང་ཁྱེར་མཛེས་པ་ལྟ་བ་ལས་ལྷུང་སྟེ། ཁྱི་དག་གིས་ཟོས་སོ་ཞེས་ཀུ་ཅོའི་སྒྲ་ཆེར་གྱུར་པ་དང་། དེ་ན་ཁ་ཅིག་ནི་ངུ་། ཁ་ཅིག་ནི་དགའ། ཁ་ཅིག་ནི་ཐ་མལ་པར་འདུག །
D6.011.0005a07.01