完整藏文原文 · 德格版页 当前仅加载第 11 函德格 202a 版页；藏文 NFD、目录标记与异常页序保留在来源切片中，重复版页行以稳定序号区分。
འདུལ་བ་ཕྲན་ཚེགས་ཀྱི་གཞི། བམ་པོ་བཞི་བཅུ་རྩ་དྲུག་པ། དེ་ནས་ཤས་ཆེ་བའི་བྲམ་ཟེ་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གཽ་ཏ་མ་ཁྱོད་བྲམ་ཟེའི་ཁྱེའུ་མ་སྡུག་ལ་བྲན་མོའི་བུ་ཞེས་ཚིག་ཏུ་མ་གསུང་ཤིག །དེ་ཅིའི་སླད་དུ་ཞེ་ན། བྲམ་ཟེའི་
D6.011.0202a01.01ཁྱེའུ་མ་སྡུག་ནི་མང་དུ་ཐོས་པ། ཚིག་གསལ་བ། ཐགས་ཐོགས་མེད་པར་སྨྲ་བ་སྟེ། གཞན་ཡང་བྲམ་ཟེའི་ཁྱེའུ་མ་སྡུག་གིས་གཞི་འདི་ལ་ཤེས་ལྡན་གཽ་ཏ་མ་ལ་ཆོས་དང་མཐུན་པས་ལན་གདབ་པར་རྔོ་ཐོག་གོ། །བྲམ་ཟེ་དག་གལ་ཏེ་ཁྱེད་འདི་སྙམ་དུ་བྲམ་ཟེའི་ཁྱེའུ་མ་སྡུག་གང་ལ་ཆོས་དང་
D6.011.0202a02.01མཐུན་པས་ལན་ལྡོན་ནུས་སོ་སྙམ་དུ་སེམས་ན། ཁྱེད་ཅག་ཅང་མ་སྨྲ་བར་བྲམ་ཟེའི་ཁྱེའུ་མ་སྡུག་གཞི་འདི་ལ་ཆོས་དང་མཐུན་པས་དེ་ལ་ལན་འདེབས་སུ་ཆུག་ཤིག །བྲམ་ཟེ་དག་ཁྱེད་ཅག་གལ་ཏེ་འདི་སྙམ་དུ་བྲམ་ཟེའི་ཁྱེའུ་མ་སྡུག་གཞི་འདི་ལ་ང་ལ་ཆོས་དང་མཐུན་པས་ལན་འདེབས་མི་ནུས་སོ་
D6.011.0202a03.01སྙམ་དུ་སེམས་ན། བྲམ་ཟེའི་ཁྱེའུ་མ་སྡུག་ཅང་མ་སྨྲ་བར་ཤེས་ལྡན་ཁྱེད་ཀྱིས་གཞི་འདི་ལ་ང་ལ་ཆོས་དང་མཐུན་པས་ལན་ཐོབ་ཤིག །ཀྱེ་གཽ་ཏ་མ་བྲམ་ཟེའི་ཁྱེའུ་མ་སྡུག་ཉིད་མང་དུ་ཐོས་པ། ཚིག་གསལ་བ། ཐགས་ཐོགས་མེད་པར་སྨྲ་བ་ལགས་ཏེ། བྲམ་ཟེའི་ཁྱེའུ་མ་སྡུག་གིས་གཞི་
D6.011.0202a04.01འདི་ལ་ཤེས་ལྡན་གཽ་ཏ་མ་ལ་ཆོས་དང་མཐུན་པས་ལན་གདབ་པར་རྔོ་ཐོག་གི་གཞན་གྱིས་ནི་མ་ལགས་སོ། །དེ་ནས་བཅོམ་ལྡན་འདས་ཀྱིས་བྲམ་ཟེའི་ཁྱེའུ་མ་སྡུག་ལ་འདི་སྐད་ཅེས་བཀའ་སྩལ་ཏོ། །བྲམ་ཟེའི་ཁྱེའུ་སྔོན་བྱུང་བ་རྒྱལ་པོ་བུ་རམ་ཤིང་སྐྱེས་ཞེས་བྱ་བ་ཞིག་བྱུང་སྟེ། རྒྱལ་པོ་
D6.011.0202a05.01བུ་རམ་ཤིང་སྐྱེས་ལ་བུ་བཞི་ཡོད་པ་སྐར་མདའི་གདོང་དང་། ལག་རྣ་དང་། གླང་པོ་ཆེས་འདུལ་བ་དང་། རྐང་རྒྱན་ལྡན་ནོ། །རྒྱལ་པོ་བུ་རམ་ཤིང་སྐྱེས་ཀྱིས་དེ་དག་ཉེས་པ་འགའ་ཞིག་གི་ཕྱིར་སྤྱུགས་ནས། དེ་དག་རང་རང་གི་སྲིང་མོ་ཁྲིད་དེ་ཡུལ་འཁོར་གཞན་དང་ཡུལ་གཞན་དུ་དོར་
D6.011.0202a06.01ནས། རིམ་གྱིས་གངས་ཅན་གྱི་ཕྱོགས་ཆུ་བོ་སྐལ་ལྡན་ཤིང་རྟའི་འགྲམ། སེར་སྐྱའི་གནས་ནས་མི་རིང་བ་ཞིག་ཏུ་སོང་སྟེ། ཤིང་གི་ཡལ་ག་དང་། ལོ་མ་དག་ལས་སྤྱིལ་བུ་བྱས་ཏེ་གནས་ཤིང་འཁོད་དོ། །དེ་དག་གིས་དེར་རང་རང་གི་སྲིང་མོ་བཏང་སྟེ། མས་དབེན་གྱི་སྲིང་མོ་རྣམས་
D6.011.0202a07.01