完整藏文原文 · 德格版页 当前仅加载第 11 函德格 261a 版页；藏文 NFD、目录标记与异常页序保留在来源切片中，重复版页行以稳定序号区分。
ཆུབ་ཏུ་མངོན་པར་རྫོགས་པར་སངས་རྒྱས་པ་དང་། གང་གི་ནུབ་མོ་དེ་བཞིན་གཤེགས་པ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བ་ཡིན་ཏེ། འདི་ནི་སྐུའི་ཁ་དོག་གསལ་བ་འདི་ལྟ་བུ་འབྱུང་བའི་རྒྱུ་གཉིས་པ་དང་
D6.011.0261a01.01རྐྱེན་གཉིས་པ་ཡིན་ནོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་ཆུ་བོ་དབྱིག་ལྡན་ག་ལ་བར་དོང་ངོ་། །བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ཏོ། །དེ་ནས་བཅོམ་
D6.011.0261a02.01ལྡན་འདས་ཆུ་བོ་དབྱིག་ལྡན་ག་ལ་བར་གཤེགས་ཏེ་བྱོན་ནས་ཆུ་བོ་དབྱིག་ལྡན་གྱི་འགྲམ་མཐའ་གཅིག་ཏུ་ན་བཟའ་ཆོས་གོས་བཞག་སྟེ་བཞུགས་ནས་ཆུ་བོ་དབྱིག་ལྡན་གྱི་ནང་དུ་བཞུགས་ཏེ་སྐུ་ཁྲུས་ལེགས་པར་མཛད་ནས་ཆུ་བོ་དབྱིག་ལྡན་བརྒལ་ཏེ། ན་བཟའ་ཆོས་གོས་གཅིག་
D6.011.0261a03.01པུ་དང་སྐུ་སྐེམས་ཤིང་བཞུགས་སོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་མགར་བའི་བུ་ཙུན་ད་འགྱོད་པ་སྐྱེས་ཏེ། གང་གི་ཕྱིར་སྟོན་པའི་བསོད་སྙོམས་ཕྱི་མ་གསོལ་བས་ཕུང་པོ་ལྷག་མ་མེད་པའི་མྱ་ངན་ལས་འདས་པའི་
D6.011.0261a04.01དབྱིངས་སུ་གཤེགས་ཏེ། སྐུལ་བྱེད་དེ་ནི་མ་རྙེད་པའོ། །རྙེད་པ་མ་ཡིན་པའོ་ཉེས་པ་རྙེད་པའོ། །བདེ་བ་རྙེད་པ་མ་ཡིན་པའོ་ཞེས་གཞན་དག་གིས་འགྱོད་པ་བསྐྱེད་ཀྱིས། ཀུན་དགའ་བོ་མགར་བའི་བུ་སྐུལ་བྱེད་འགྱོད་པ་སྐྱེས་པ་ལ་གནས་གཉིས་ཀྱིས་འགྱོད་པ་བསལ་བར་བྱ་སྟེ།
D6.011.0261a05.01ཙུན་ད་བདག་གིས་བཅོམ་ལྡན་འདས་ལས་མངོན་སུམ་ཐོས་ཏེ། མངོན་སུམ་དུ་བཟུང་བ་ནི་བསོད་སྙོམས་ཀྱི་རྣམ་པར་སྨིན་པ་མཉམ་པ་དང་། མི་མཉམ་པ་རྣམ་པ་གཉིས་ཡོད་དེ། གང་དུ་བསོད་སྙོམས་གསོལ་ནས་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་
D6.011.0261a06.01པའི་བྱང་ཆུབ་ཏུ་མངོན་པར་འཚང་རྒྱ་བ་དང་། གང་དུ་བསོད་སྙོམས་གསོལ་ནས་དེ་བཞིན་གཤེགས་པ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་གཤེགས་པ་སྟེ། འདི་ནི་བསོད་སྙོམས་ཀྱི་རྣམ་པར་སྨིན་པ་མཉམ་པ་དང་། མི་མཉམ་པ་གཉིས་ཡོད་པ་ཡིན་ནོ། །
D6.011.0261a07.01