完整藏文原文 · 德格版页 当前仅加载第 11 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
བས་ན་བདག་གིས་ལས་དེ་འབྱོར་ཏེ་དེས་ན་བདག་གིས་སྐྱིན་པོ་དེ་ཡང་བསབས་ལ་བུད་མེད་དག་གསོ་བ་ཙམ་གྱི་ནོར་ཀྱང་ཡོད་དོ་སྙམ་དུ་གྱུར་ནས་དེ་དེའི་རྒྱུས་བདེ་བ་དང་། ཡིད་དགའ་བར་གྱུར་ཏོ། །འདི་ལྟ་སྟེ། མ་སྡུག་སྐྱེས་བུ་ཞིག་ནད་བུ་ཅན་ཏེ། སྡུག་བསྔལ་ཞིང་ནད་ཚབས་ཆེ་བ་དེ་ཁ་
D6.011.0211a01.01ཟས་ཟོས་པ་དང་ལུས་ལ་གནོད། སྐོམ་འཐུངས་ན་ནི་ལྟོ་མི་བདེ་བར་འགྱུར་རོ། །དེ་དུས་ཕྱི་ཞིག་ན་བདེ་བ་དང་། ནད་མེད་པ་དང་། སྟོབས་དང་ལྡན་པར་གྱུར་པས་ཁ་ཟས་ཟོས་ན་ནི་ལུས་ལ་ཕན་ལ་སྐོམ་འཐུངས་ན་ནི་ལྟོ་ལ་མི་གནོད་ནས་དེ་འདི་སྙམ་དུ་སེམས་པར་གྱུར་ཏོ། །བདག་སྔོན་ནི་ནད་
D6.011.0211a02.01བུ་ཅན་སྡུག་བསྔལ་ཞིང་ན་ཚབས་ཆེ་བར་གྱུར་ཏེ། བདག་དེ་བས་ན་ཁ་ཟས་ཟོས་ན་ནི་ལུས་ལ་གནོད། སྐོམ་འཐུངས་ན་ནི་ལྟོ་མི་བདེའོ། །བདག་ད་ལྟར་ནི་བདེ་ཞིང་ནད་མེད་དེ་སྟོབས་དང་ལྡན་པས་ཁ་ཟས་ཟོས་ན་ནི་ལུས་ལ་ཕན་ལ་སྐོམ་འཐུངས་ན་ནི་ལྟོ་ལ་མི་གནོད་དོ་སྙམ་ནས་དེ་དེའི་རྒྱུས་བདེ་བར་གྱུར། ཡིད་
D6.011.0211a03.01དགའ་བར་གྱུར་ཏོ། །འདི་ལྟ་སྟེ། མ་སྡུག་སྐྱེས་བུ་ཞིག་བྲན་དང་། མངག་གཞུག་པ་དང་། བསྒོ་བ་དང་། སྤྱད་པ་དང་། འདི་ལྟར་རང་ཉམ་དུ་འགྲོར་མེད་པར་གྱུར་པ་དེ་དུས་གཞན་ཞིག་ན་བྲན་མ་ཡིན། མངག་གཞུག་པ་མ་ཡིན། བསྒོ་བ་མ་ཡིན། བཀོལ་བ་མ་ཡིན། འདི་ལྟར་རང་ཉམ་དུ་འགྲོར་ཡོད་
D6.011.0211a04.01དེ་དེ་འདི་སྙམ་དུ་གྱུར་ཏོ། །བདག་སྔོན་བྲན་དང་། མངག་གཞུག་པ་དང་། བསྒོ་བ་དང་། བཀོལ་བ་དང་། འདི་ལྟར་རང་ཉམ་དུ་འགྲོར་མེད་པར་གྱུར་ཏོ། །བདག་ད་ལྟར་ནི་བྲན་མ་ཡིན། མངག་གཞུག་པ་མ་ཡིན། བཀོལ་བ་མ་ཡིན། འདི་ལྟར་རང་ཉམ་དུ་འགྲོར་ཡོད་དེ། དེ་དེའི་རྒྱུས་བདེ་བར་
D6.011.0211a05.01གྱུར། ཡིད་དགའ་བར་གྱུར་ཏོ། །འདི་ལྟ་སྟེ། མ་སྡུག་སྐྱེས་བུ་ཞིག་ལག་པ་ཕྱིང་ཀ་ལོག་ཏུ་དམ་དུ་བཅིངས་པས་བཅིངས་པར་གྱུར་ནས། དེ་དེ་ལས་ཐར་ནས་བཀྲ་ཤིས་པ་བདེ་བ་མི་འགོད་པ་སྟེ་དེ་འདི་སྙམ་དུ་གྱུར་ཏོ། །བདག་སྔོན་ནི་ལག་པ་ཕྱིང་ཀ་ལོག་ཏུ་བཅིངས་པས་བཅིངས་པར་
D6.011.0211a06.01གྱུར། བདག་ད་ལྟར་ནི་དེ་ལས་ཐར་བས་བཀྲ་ཤིས་པ་དང་། བདེ་བ་དང་། མ་གོད་པ་སྟེ། དེ་དེའི་རྒྱུས་ཡིད་དགའ་བར་གྱུར་ཏོ། །འདི་ལྟ་སྟེ། མ་སྡུག་སྐྱེས་བུ་ཞིག་འཇིགས་པ་ལས་ནི་བདེ་བར་གྱུར། ལོ་ཉེས་པ་ལས་ནི་ལོ་ལེགས་པར་གྱུར་ནས་དེ་འདི་སྙམ་དུ་གྱུར་ཏོ། །བདག་ནི་འཇིགས་
D6.011.0211a07.01