完整藏文原文 · 德格版页 当前仅加载第 11 函德格 228a 版页；藏文 NFD、目录标记与异常页序保留在来源切片中，重复版页行以稳定序号区分。
པ། དགེ་སློང་དག་བྲམ་ཟེ་དང་། ཁྱིམ་བདག་དག་ཁ་ཟེར་ཞིང་འཕྱ་བ་དང་། ཕྱར་ཀ་གཏོང་བ་ནི་གནས་ཡིན་ཏེ། དེ་ལྟ་བས་ན་དགེ་སློང་གིས་དགེ་སྦྱོང་གི་ཚུལ་མ་ཡིན་པའི་ལས་དེ་ལྟ་བུ་མི་བྱ་ཞིང་བྱེད་དུ་མི་གཞུག་གོ། །དགེ་སློང་དག་གིས་དེ་ལྟ་བུའི་དགེ་སྦྱོང་གི་ཚུལ་
D6.011.0228a01.01མ་ཡིན་པའི་ལས་བྱས་སམ་བྱེད་དུ་བཅུག་ན་འགལ་ཚབས་ཅན་དུ་འགྱུར་རོ། །སངས་རྒྱས་བཅོམ་ལྡན་འདས་རྒྱལ་པོའི་ཁབ་བྱ་རྒོད་ཕུང་པོའི་རི་ལ་བཞུགས་སོ། །དེ་ནས་ཡང་དེའི་ཚེ་ལུས་འཕགས་མའི་བུ་ཡུལ་མ་ག་དྷཱའི་རྒྱལ་པོ་མ་སྐྱེས་དགྲ་དང་། ཡུལ་སྤོང་བྱེད་པ་རྣམས་ཕན་ཚུན་མི་མཐུན་
D6.011.0228a02.01པར་གྱུར་ནས། དེས་འཁོར་དེ་རྣམས་ལ་ཚིག་འདི་སྐད་ཅེས་སྨྲས་སོ། །ངས་ཡུལ་སྤོང་བྱེད་པ་རྣམས་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་གང་བ་འདི་གཞོམ་པར་བྱ། ཐལ་མར་བྱ། ཚུལ་མ་ཡིན་པས་རྨེག་མེད་པར་བྱའོ་ཞེས་སྨྲས་སོ། །
D6.011.0228a03.01དེ་ནས་ལུས་འཕགས་མའི་བུ་ཡུལ་མ་ག་དྷཱའི་རྒྱལ་པོ་མ་སྐྱེས་དགྲས་ཡུལ་མ་ག་དྷཱའི་སྣ་ཆེན་པོ་ལ་གཏོགས་པའི་བྲམ་ཟེ་དབྱར་བྱེད་ལ་འདི་སྐད་ཅེས་སྨྲས་སོ། །དབྱར་བྱེད་ཚུར་ཤོག །བཅོམ་ལྡན་འདས་ག་ལ་བ་དེར་སོང་ལ་སོང་ནས་ངའི་ཚིག་གིས་བཅོམ་ལྡན་འདས་ལ་མགོ་བོས་ཕྱག་བྱོས་ལ། གནོད་
D6.011.0228a04.01པ་ཆུང་ངམ། ཉམ་ང་བ་མི་མངའ་འམ། བསྐྱོད་པ་ཡང་ངམ། འཚོའམ། སྟོབས་དང་བདེ་བ་ལ་རེག་པར་གནས་སམ། ཁ་ན་མ་ཐོ་བ་མི་མངའ་འམ་ཞེས་སྙུན་གསོལ་ལ་འདི་སྐད་ཅེས་བཙུན་པ་ལུས་འཕགས་མའི་བུ་ཡུལ་མ་ག་དྷཱའི་རྒྱལ་པོ་མ་སྐྱེས་དགྲ་དང་། ཡུལ་སྤོང་བྱེད་པ་རྣམས་ཕན་
D6.011.0228a05.01ཚུན་དུ་མི་མཐུན་པར་གྱུར་ཏེ། དེས་འཁོར་རྣམས་ལ་འདི་སྐད་ཅེས་མཆིའོ། །དེས་སྤོང་བྱེད་པ་རྣམས་འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས་གང་བ་འདི་གཞོམ་པར་བྱ། ཐལ་མར་བྱ། ཚུལ་མ་ཡིན་པས་རྨེག་མེད་པར་བྱའོ་ཞེས་མཆི་
D6.011.0228a06.01ན། དེ་ལ་བཅོམ་ལྡན་འདས་ཀྱིས་བཀའ་ཅི་སྩལ་ཞེས་ཞུས་ལ། བཅོམ་ལྡན་འདས་ཀྱིས་ཇི་ལྟར་ལུང་བསྟན་པ་དེ་བཞིན་དུ་ཟུང་ཞིག །དབྱར་བྱེད། དེ་ཅིའི་ཕྱིར་ཞེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྣམས་ནི་ལོག་པར་གསུང་བ་མ་
D6.011.0228a07.01