完整藏文原文 · 德格版页 当前仅加载第 11 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
གི་ཚེ་བཅོམ་ལྡན་འདས་བྱང་ཆུབ་སེམས་དཔའ་དགའ་ལྡན་གྱི་གནས་ན་བཞུགས་པ་གཟིགས་པ་ལྔས་གཟིགས་ཏེ། འདོད་པ་ན་སྤྱོད་པའི་ལྷ་དྲུག་ལ་ལན་གསུམ་དུ་སྦྱང་བ་མཛད་ནས་གླང་པོ་ཆེར་བསྟན་ཏེ་ཡུམ་གྱི་ལྷུམས་སུ་ཞུགས་པ་དེའི་ཚེ་ཨུ་དུམ་བཱ་རའི་ཚལ་སྦལ་མིག་འཐོན་པར་འགྱུར་རོ། །གང་
D6.011.0279b01.01གི་ཚེ་ཡུམ་གྱི་ལྷུམས་ནས་བྱུང་བ་དེའི་ཚེ་སྦལ་མིག་བྱེ་བར་འགྱུར་རོ། །གང་གི་ཚེ་གཞོན་ནུ་རོལ་པས་རོལ་པ་དེའི་ཚེ་མེ་ཏོག་ཁ་འབུས་པར་འགྱུར་རོ། །གང་གི་ཚེ་རྒ་བ་དང་། ན་བ་དང་། འཆི་བ་གཟིགས་ཏེ་ཐུགས་བྱུང་ནས་དཀའ་ཐུབ་ཀྱི་ནགས་ཚལ་དུ་ཞུགས་པ་དེའི་ཚེ་མེ་ཏོག་ཁ་བྱེ་བར་འགྱུར་རོ། །
D6.011.0279b02.01གང་གི་ཚེ་དཀའ་བ་སྤྱོད་པ་དེའི་ཚེ་མེ་ཏོག་ཁ་བྱེ་བ་རྙིངས་པར་འགྱུར་རོ། །གང་གི་ཚེ་དཀའ་བ་སྤྱད་པ་དོན་མེད་པར་མཁྱེན་ནས་ཅི་བདེར་དབུགས་རྔུབ་པ་དང་། ཅི་བདེར་དབུགས་འབྱུང་བ་དང་། ཅི་བདེར་འབྲས་ཆན་དང་། ཟན་དྲོན་གྱི་ཞལ་ཟས་རགས་པ་གསོལ་ཞིང་། སྐུ་ཏིལ་མར་དང་། མར་
D6.011.0279b03.01སར་གྱིས་བྱུགས་ཏེ་ཞེས་བྱ་བ་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་ཞེས་བྱ་བའི་བར་སྔ་མ་བཞིན་ཏེ། དེའི་ཚེ་མེ་ཏོག་ཐམས་ཅད་རྒྱས་པར་འགྱུར་རོ། །གང་གི་ཚེ་བཅོམ་ལྡན་འདས་ལ་ཚངས་པས་གསོལ་ཏེ་ཡུལ་བཱ་རཱ་ཎ་སཱིར་གཤེགས་ནས་ལན་
D6.011.0279b04.01གསུམ་དུ་བཟླས་ཏེ་ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་བ་དེའི་ཚེ་ཨུ་དུམ་བཱ་རའི་ཚལ་ལམ་མེ་ལྷན་ནེ་ལྷང་ངེར་འགྱུར་རོ། །གང་གི་ཚེ་བཅོམ་ལྡན་འདས་ཀྱིས་ཕྱོགས་གང་དང་གང་དག་ན་གྲོང་དང་། གྲོང་ཁྱེར་དང་། ཡུལ་འཁོར་དང་། རྒྱལ་པོའི་ཕོ་བྲང་འཁོར་དང་། ལྗོངས་དེ་དང་
D6.011.0279b05.01དེ་དག་ཏུ་གདུལ་བ་རྣམས་བཏུལ་ཏེ་གྲོང་ཁྱེར་རྩྭ་ཅན་དུ་ཐ་མའི་གཟིམས་མལ་དུ་བཞུགས་པ་དེའི་ཚེ་ཡང་ཨུ་དུམ་བཱ་རའི་ཚལ་རྙིངས་པར་འགྱུར་བ་དེ་ཐམས་ཅད་ཀུན་དུ་རྒྱུ་རབ་བཟང་གིས་མཚན་མར་བྱས་པ་དང་། གྲོང་ཁྱེར་རྩྭ་ཅན་ན་གནས་པའི་ལྷ་ཞིག་གིས་གྲོང་ཁྱེར་རྩྭ་ཅན་པ་ལ་དེ་བཞིན་གཤེགས་
D6.011.0279b06.01པ་ནི་དེང་གི་ནམ་གྱི་གུང་ཐུན་ལ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་རོ་ཞེས་སྨྲས་པ། དེ་ཀུན་དུ་རྒྱུ་རབ་བཟང་གིས་ཐོས་སོ། །ཐོས་ནས་ཀྱང་དགེ་སྦྱོང་གཽ་ཏ་མ་དེང་གི་ནམ་གྱི་གུང་ཐུན་ལ་ཕུང་པོ་ལྷག་མ་མེད་པའི་མྱ་ངན་ལས་འདས་
D6.011.0279b07.01