完整藏文原文 · 德格版页 当前仅加载第 11 函德格 64a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞིག་གསུས་པ་ཆེ་ལ་ས་ལ་འགྲེ་ལྡོག་ཅིང་ངུ་བ་མཐོང་ངོ་། །དེའི་བུ་ཡང་གཤིན་རྗེ་དང་། ཀླུའི་རྒྱལ་པོ་དང་། ངལ་བསོ་པོ་དང་། བ་ས་ལ་སོགས་པ་ལྷའི་དབང་པོ་རྣམས་ལ་གསོལ་བ་འདེབས་པ་མཐོང་སྟེ། དེ་དག་གིས་དེ་ཅིའི་ཕྱིར་ཞེས་དྲིས་ན། དེ་ནས་ཁྱེའུས་
D6.011.0064a01.01བདག་གིས་ཕ་ལས་བུ་འབྱུང་བར་བྱ་བའི་ཕྱིར་རོ། །དེ་དག་གིས་དོང་ནས་རྒྱལ་པོ་ལ་གསོལ་པ་དང་། རྒྱལ་པོས་དེ་སྤད་གཉིས་བོས་ནས་ཁྱེའུ་དེས་བདག་གི་ཕ་ལས་བུ་བྱུང་བར་ཤོག་ཤིག་ཅེས་དེ་བཞིན་དུ་སྨྲའོ། །དེ་ནས་རྒྱལ་པོས་བགད་དེ་ངས་གང་ན་ཡང་འདི་ལྟར་སྐྱེས་པ་ལས་བུ་བྱུང་བ་
D6.011.0064a02.01ནི་མ་ཐོས་མ་མཐོང་ངོ་ཞེས་སྨྲས་པ་དང་། དེ་ནས་ཁྱེའུ་དེས་ལྷ་ཁྱོད་དེ་བཞིན་དུ་གསུང་བ་བཞིན་ལགས་སམ། དེ་བཞིན་ནོ། །དེ་ནས་ཁྱེའུ་དེས་དེ་ལྟར་ན་ཅིའི་སླད་དུ་པཱུརྞ་ཀཙྪའི་རི་བྲགས་ཀྱི་གྲོང་རྡལ་དུ་གླང་ལྔ་བརྒྱ་བདས་ཏེ་འདི་རྣམས་ལས་འོ་མ་དང་། ཞོ་དང་། མར་སར་དང་། ཆུར་བ་དག་སྐུར་
D6.011.0064a03.01ཅིག་ཅེས་བྱུང་ན་ཁྱོད་ཀྱིས་གླང་སྦྲུམ་སྟེ་བུ་བྱུང་བ་གང་ན་གཟིགས། གང་ན་གསན་ཅེས་སྨྲས་པ་དང་། དེ་ནས་རྒྱལ་པོས་བགད་དེ་ཅི་གང་པོའི་ཡིད་བརྟན་པ་ཕ་ཟེར་རམ་འོན་ཏེ་སྨན་ཆེན་པོའི་འམ་སུའི་ཞེས་དྲིས་པ་དང་། ཕོ་ཉས་ལྷ་སྨན་ཆེན་པོ་ལགས་སོ་ཞེས་སྨྲས་པ་དང་། རྒྱལ་པོ་དང་། བློན་པོ་
D6.011.0064a04.01རྣམས་ཀྱིས་ཤིན་ཏུ་ངོ་མཚར་དང་ལྡན་པར་བཟུང་ངོ་། །དེ་ནས་ཡང་དུས་ཕྱི་ཞིག་ན་རྒྱལ་པོས་བགམ་པའི་ཕྱིར་ཕོ་ཉ་དྲེའུ་ཅིག་བཀྲི་སྟེ་བཏང་ནས་པཱུརྞ་ཀཙྪའི་རི་བྲགས་ཀྱི་གྲོང་དུ་སོང་སྟེ། གང་པོ་ལ་དྲེའུ་འདི་མ་བཅིང་བར་སྲུང་ཤིག །བླ་གབ་ཡོད་པར་མ་གཞུག་པར་འཚོ་ཤིག་ཅེས་བསྒོ་ཤིག །
D6.011.0064a05.01ཕོ་ཉ་དེ་རིམ་བཞིན་དུ་པཱུརྞ་ཀཙྪའི་རི་བྲགས་ཀྱི་གྲོང་རྡལ་དུ་སོང་སྟེ། གང་པོ་ལ་ཁྱོད་ཀྱིས་དྲེའུ་འདི་སྲུང་ཤིག །དེ་ལྟ་བུའི་ཚུལ་ལས་བརྒྱལ་ཤོར་ན་ལུས་ལ་ཆད་པས་ཆེར་གཅད་དོ་ཞེས་བསྒོ་བ་དང་། དེ་དེ་སྐད་ཐོས་ནས་སྐྲག་སྟེ། དེ་དག་ཐམས་ཅད་ནི་བྱར་རུང་གི་ད་ནི་འདི་ལ་མི་རུང་སྟེ།
D6.011.0064a06.01དེས་བདག་ལ་འདི་འདྲ་བར་བཀའ་སྩལ་པ་ནི་ལྷས་ཀྱང་བདེ་བར་བྱེད་མི་ནུས་སོ་སྙམ་སྟེ་རབ་ཏུ་སེམས་ཤིང་འདུག་པ་དང་། སྨན་ཆེན་པོས་ཕ་རབ་ཏུ་སེམས་པར་མཐོང་ནས་མི་དགའ་བར་མ་བྱེད་ཅིག་ཅེས་སྨྲས་ཏེ་དྲེའུ་དེ་ཉིན་མོ་ནི་གཟས་ལ་ཅི་བདེར་བཙས་ནས་ནུབ་མོ་མི་ཉི་ཤུས་བསྐོར་ནས་མི་ལྔ་ལྔས་
D6.011.0064a07.01