完整藏文原文 · 德格版页 当前仅加载第 11 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
སུ་སྤྱོད་དོ། །བྲམ་ཟེ་དེ་གཅིག་པུ་ལམ་དུ་འགྱོད་ནས་བདག་གིས་དགོན་པར་ཆུང་མ་བོར་ཏེ་འོངས་པ་ནི་མ་ལེགས་པ་ཞིག་བྱས་ཀྱིས་སླར་སོང་ལ་དེ་ཁྲིད་དེ་འོང་ངོ་སྙམ་དུ་བསམས་ནས། དེའི་ཕྱིར་ཨུ་དུམ་བཱ་རི་ཀའི་དྲུང་དུ་ཕྱིན་ན་དེ་མི་སྣང་ནས་གཞན་ཞིག་ལས་རྒྱལ་པོ་སྐྱེད་པས་
D6.011.0084a01.01ཁྲིད་དེ་བཙུན་མོར་བྱས་སོ་ཞེས་ཐོས་པ་དང་། ཚིག་དེ་ཐོས་ནས་ཡང་ཡིད་ལ་ཤིན་ཏུ་སྡུག་བསྔལ་གྱིས་གཟིར་བར་གྱུར་ཏེ། རྒྱལ་པོའི་སྒོར་ཕྱིན་ན་ནང་དུ་མ་ཆུད་དོ། །བལྟས་ན་རྒྱལ་པོའི་འཁོར་ན་ལས་སར་པར་བྱེད་དེ། དེས་ལས་མི་འདི་དག་དང་ལྷན་ཅིག་རྡོ་བ་ཁྱེར་ཏེ་འགྲོའོ་སྙམ་བསམས་ནས་
D6.011.0084a02.01དེས་རྡོ་བ་ཁྱེར་ཏེ་རྒྱལ་པོའི་ཕོ་བྲང་དུ་ཞུགས་སོ། །བལྟས་ན་བདག་གི་ཆུང་མ་རྒྱལ་པོ་དང་ལྷན་ཅིག་ཏུ་ཨུག་ཤུད་བརྒྱ་ཞིང་འདུག་གོ། །ཆུང་མ་ནི་འདི་དང་ལྷན་ཅིག་གཏམ་ཐབས་ཇི་ལྟ་བུ་ཞིག་གིས་བྱ་སྙམ་དུ་བསམས་སོ། །དེས་སྨྲས་པ། གཞི་ནི་གསེར་ལ་བྱས་པ་སྟེ། །བརྒྱད་དུ་འཇོག་ཅིང་
D6.011.0084a03.01དགའ་བར་བྱེད། །བཟང་མོ་བདག་ལ་མི་དགའ་འམ། །ཤིང་མཁན་རྡོ་བ་བླང་བར་བྱས། །གནས་དེར་བདག་གིས་སྨྲས་པ་དང་། །བུད་མེད་ཤ་ཟར་མི་རུང་ཞེས། །དེ་སྐད་སྨྲས་པའི་ཚིག་ཀྱང་དྲན། །འདི་ནི་འདོར་ཞིང་འཇོག་པར་བྱེད། །ཨུ་དུམ་བཱ་རའི་ཤིང་དང་ནི། །ཡིད་འོང་ཁྱོད་ཀྱིས་བདག་
D6.011.0084a04.01ལ་དྲིས། །ག་གཱའི་དྲུང་དུ་སྐྱེས་པ་སྟེ། །ཤིང་མཁན་གྱིས་ནི་རྡོ་བ་ལོང་། །ཆུ་པྲོག་ཤིང་བུས་དཀྲུགས་པ་སྟེ། །དྲིས་པའི་ལན་ནི་བདག་ལ་སྨྲོས། །བུད་མེད་བཏུང་དུ་མི་རུང་ཞེས། །སྨྲས་པ་ཡིན་ཏེ་འདིར་བཞག་གོ། །མང་ཐོས་སྣ་ཚོགས་སྨྲ་བ་སྟེ། །གསེར་འོད་གྲངས་མེད་སླད་དུ་སྨྲོས། །བཟང་
D6.011.0084a05.01མོ་བདག་ལ་མི་དགའ་འམ། །སློབ་དཔོན་རྡོ་བ་བླང་བར་གྱིས། །མ་སྨིན་རྣམས་ནི་བདག་ལ་བོར། །སྨིན་པ་དག་ནི་ཁྱོད་ཀྱིས་ཟོས། །ཚིག་རྩུབ་སྨྲས་པ་དེ་ཡང་དྲན། །འདི་ན་ཨུག་ཤུད་འདོར་ཞིང་འདུག །རི་རྩེ་ནས་ནི་བདག་འདོར་ཏེ། །དུག་ཀྱང་བཟའ་འོ་བྲམ་ཟེ་མོ། །ཁྱོད་ཀྱི་མྱ་ངན་ཕྱིར་བདག་
D6.011.0084a06.01མཆི། །ཤིང་མཁན་གྱིས་ནི་རྡོ་བ་ལོང་། །རི་ཡི་རྩེ་ནས་བདག་འོར་ཅིག །བྲམ་ཟེ་དུག་ཀྱང་ཟ་ལ་རག །འདོད་པའི་ཚེ་ན་མ་འདོད་དོ། །ཨུག་ཤུད་ཀྱིས་ནི་ཁྱིམ་དུ་བྱས། །དེ་ནས་དེ་གཉིས་ཕན་ཚུན་དེ་སྐད་དུ་གཏམ་འཛེར་བ་ལས་རྒྱལ་པོ་དོགས་པ་སྐྱེས་ཏེ། ལྷ་མོ་ཁྱོད་ཅག་གཏམ་ཅི་འཛེར་བ་ནི་ངས་ཁོང་
D6.011.0084a07.01