完整藏文原文 · 德格版页 当前仅加载第 11 函德格 132b 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ་དང་། བདག་ནི་བྲན་མོར་འགྱུར་གྱིས་འདི་ནི་གསད་དོ་སྙམ་ནས་དེ་ལོག་པར་རྟོག་པས་བསྐྱོད་པས་ཁྱེའུ་དེའི་ཁར་སྨིག་མའི་ཐུར་མ་ཞིག་བཙུགས་པ་དང་། དེ་སྡུག་བསྔལ་གྱིས་གཟིར་བས་ངུ་བར་གྱུར་ནས་དེས་སྨྲས་པ། ཁྱེའུ་འདི་ཅིའི་ཕྱིར་ངུ་ཞེས་དྲིས་པ་དང་། དེས་སྨྲས་པ། ཆེ་ཞེ་
D6.011.0132b01.01ཅིའི་ཕྱིར་ངུ་མ་འཚལ་ཏོ། །དེས་དེ་བླངས་ཏེ་དགའ་བར་བྱ་བར་བརྩམས་ཏེ་ལག་པས་འཁྱུད་དེ་འོ་བྱས་ནས་པང་པར་བླངས་ཀྱང་མི་བཏུབ་ནས། དེས་དེ་ལ་ནུ་མ་བླུད་ནས་ཇི་ཙམ་ན་བལྟས་པ་དང་སྨིག་མའི་ཐུར་མ་ཞིག་ཁར་བཙུགས་པར་མཐོང་ནས། དེས་མྱུར་དུ་ཁ་ཕྱེ་སྟེ་ལག་པས་དྲངས་པ་
D6.011.0132b02.01དང་ཁྱེའུ་དེ་དབུགས་མེད་དེ་དུས་ལས་འདས་ནས་དེས་བྲང་བརྡུངས་ཏེ་ངུ་ཞིང་ས་ལ་སྒྱེལ་བ་དང་ཁྱིམ་གྱི་སྐྱེ་བོ་དག་བརྒྱུགས་ནས་འདི་ཅི་ཉེས་ཞེས་དྲིས་པ་དང་། དེས་སྙིང་རྗེ་ཞིང་བརྩེ་བས་མཆི་མས་བརྣངས་བཞིན་དུ་སྨྲས་པ། ཀྱེ་མ་མ་ཡར་མོ་སྡིག་པའི་ཆོས་སྤྱོད་པ་འདི་ཕྲག་དོག་གིས་
D6.011.0132b03.01ཁྲོས་ནས་བདག་གི་བུའི་ཁར་སྨིག་མའི་ཐུར་མ་བཙུགས་ཏེ་བསད་དོ། །དེ་དག་ཀྱང་ངུ་བར་གྱུར་ནས་འཁོར་གྱི་ཁྱིམ་མཚེས་དག་གིས་ཐོས་ནས་དེ་དག་གིས་ཀྱང་བརྒྱུགས་ཏེ་སྨྲས་པ། ཨེ་མའོ་འདི་ནི་གློ་བུར་ཞིག་བྱས་ཏེ་བྱིས་པ་འདི་ཉེས་པ་མེད་ཅིང་གནོད་པ་མེད་པར་བསད་དོ་ཞེས་ཟེར་
D6.011.0132b04.01ནས། དེ་དེ་ལ་སྐྱེ་བོ་མང་པོ་དག་གིས་ཨེ་མའོ་ཞེས་ཟེར་ཞིང་ཀུན་དུ་བསྐོར་ཏོ། །དེ་ནི་བྲང་རྡུང་ཞིང་ངུ་སྟེ་མནའ་བོར་བ་དེ་སྟེ། བདག་གིས་ཁྱོད་ཀྱི་བུ་བསད་པར་གྱུར་ན་བདག་གི་ཁྱོ་སྦྲུལ་གྱིས་ཟོས་ཏེ་དུས་བྱེད་པར་ཤོག་ཤིག །བུ་གཅིག་ནི་ཝས་ཟོས་པར་ཤོག་ཤིག །གཉིས་པ་ནི་ཆུ་བོར་
D6.011.0132b05.01ལྷུང་སྟེ་དུས་བྱེད་པར་ཤོག་ཤིག །ཕ་མ་གནམ་ལྕགས་ཀྱིས་གསོད་པར་ཤོག་ཤིག །བུའི་ཤ་ཡང་ཟོས་ལ་སྨྱོས་ཤིང་འཕྱར་བའི་སེམས་ཀྱིས་ཕན་ཚུན་འཁྱམ་པར་ཤོག་ཤིག་ཅེས་མནའ་བོར་རོ། །དགེ་སློང་དག་ཇི་སྙམ་དུ་སེམས། ཁྱིམ་བདག་དེའི་ཆུང་མ་གཉིས་པ་ནི་འདི་ལྟར་འདི་བཞིན་
D6.011.0132b06.01དགེ་སློང་མ་སྐེམ་མོ་གཽ་ཏ་མཱི་འདིའོ། །འདི་ཤིན་ཏུ་ཉོན་མོངས་པས་ཀུན་དུ་ཁེབས་པས་ན་ཁྱེའུ་བསད་ན་ཡང་{བརྫུན་,རྫུན་}དུ་སྨྲ་ཞིང་མནའ་བོར་བ་དེའི་ལས་ཀྱི་རྣམ་པར་སྨིན་པས་འདིའི་ཁྱོ་སྦྲུལ་གྱིས་ཟོས་ཏེ་དུས་ལས་འདས་སོ། །བུ་གཅིག་ནི་ཝས་བསད་དོ། །གཅིག་ནི་ཆུ་བོར་ལྷུང་སྟེ་དུས་ལས་
D6.011.0132b07.01