完整藏文原文 · 德格版页 当前仅加载第 11 函德格 26b 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་པས་དེ་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་ཞིང་ཚངས་པའི་འཁོར་ལོ་བསྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་དོ། །ལྷ་གཞན་ཡང་དེ་ཟག་པ་རྣམས་ཟད་པའི་ཕྱིར་མཐོང་བའི་ཆོས་ཁོ་ན་ལ་ཟག་པ་མེད་པའི་
D6.011.0026b01.01སེམས་རྣམ་པར་གྲོལ་བ་དང་། ཤེས་རབ་རྣམ་པར་གྲོལ་བ་རང་གི་མངོན་པར་ཤེས་པས་མངོན་སུམ་དུ་བྱས་ནས་རྫོགས་པར་བྱས་ཏེ། བདག་གི་ཟག་པ་ཟད་དོ། །ཚངས་པར་སྤྱོད་པ་བསྟན་ཏོ། །བྱ་བ་བྱས་སོ། །འདི་ལས་སྲིད་པ་གཞན་མི་ཤེས་སོ་ཞེས་གསུང་
D6.011.0026b02.01ངོ་། །དེ་ཟག་པ་རྣམས་ཟད་པའི་ཕྱིར་མཐོང་བའི་ཆོས་ཁོ་ན་ལ་ཟག་པ་མེད་པའི་སེམས་རྣམ་པར་གྲོལ་བ་དང་། ཤེས་རབ་རྣམ་པར་གྲོལ་བ་ཞེས་བྱ་བ་ནས། འདི་ལས་སྲིད་པ་གཞན་མི་ཤེས་སོ་ཞེས་བྱ་བའི་བར་སྔ་མ་བཞིན་ནོ། །ལྷ་འདི་ནི་དེའི་སྟོབས་བཅུ་པ་
D6.011.0026b03.01ལགས་ཏེ། སྟོབས་དེ་དང་ལྡན་པས་དེ་ཁྱུ་མཆོག་གི་གནས་རླབས་པོ་ཆེ་ཞལ་གྱིས་འཆེ་ཞིང་ཚངས་པའི་འཁོར་ལོ་བསྐོར་བར་མཛད། འཁོར་གྱི་ནང་དུ་སེང་གེའི་སྒྲ་ཡང་དག་པར་སྒྲོགས་པར་མཛད་དོ། །དེ་སྐད་ཅེས་སྨྲས་པ་དང་། རྒྱལ་པོ་རབ་སྣང་སྤོབས་པ་མེད་ནས་
D6.011.0026b04.01ཅང་མི་ཟེར་བར་འདུག་གོ། །གསོས་པས་བསམས་པ། ལྷ་ནི་སྤོབས་པ་མེད་དེ་ཅང་མི་ཟེར་བར་འདུག་ན་འདི་དང་བ་(ལོང་,ལང་)སྐྱོང་གི་མ་ཞི་བ་ཇི་སྲིད་མཐོ་བཙམ་སྙམ་ནས་དེས་དེ་ངོམ་ཟུང་གནག་བཞིན་ཁྲིད་ནས་རྒྱལ་པོའི་རྐང་པ་གཉིས་ལ་ཕྱག་འཚལ་ཏེ། རྒྱལ་པོ་ལ་བཟོད་
D6.011.0026b05.01པ་གསོལ་བར་ཞུགས་པ། ལྷ། མི་ཡི་དབང་པོས་འདིར་རྟག་ཆོས་ཀྱི་ཚུལ། །བགྲོད་ཅིང་རྗེས་སུ་བགྲོད་པ་ཡང་དག་གཟིགས། །བཟོད་པ་རྒྱལ་པོ་རྣམས་ཀྱི་ཆོས་གཙོ་ལྷ། །བ་ལང་སྐྱོང་གི་མ་ཡི་ནོངས་བཟོད་མཛོད། །འཇིག་རྟེན་བལྟ་བྱ་ལེགས་གསུངས་རིན་པོ་ཆེ། །
D6.011.0026b06.01ཇི་སྟེ་གཟིགས་པར་མ་གྱུར་གསན་མ་གྱུར། །ཁྱོད་ཀྱིས་གླང་པོ་ཆེ་ཡང་གདུལ་བར་སྤྱོད་ལགས་ན། །ཅུང་ཟད་ནོངས་བགྱིད་བུད་མེད་སྨོས་ཅི་འཚལ། །ཁྱོད་ལས་མི་འཕྱོ་གཟུགས་དང་ཡོན་ཏན་ལྡན། །སྔོན་དང་ཕྱིས་ཀྱང་དེ་བཞིན་བཙུན་མོ་ལགས། །རྗེ་སླད་ཁོ་ནར་
D6.011.0026b07.01