完整藏文原文 · 德格版页 当前仅加载第 11 函德格 70a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་རྒྱལ་པོའི་བུ་མོ་དེ་འདི་ནི་སྨན་ཆེན་པོ་དང་ལྷན་ཅིག་ཏུ་འདུག་གོ་སྙམ་བསམས་ནས་ཁྲོས་པས་འཁྲུག་པ་སྐྱེས་ཏེ་ཕ་ལ་འཕྱ་ནས་བདག་གི་ཕ་འདི་ལྟ་བུར་དོན་ལ་རྟོག་པ་ཅིའང་མེད་དེ། རི་བྲགས་ཀྱི་གྲོང་མི་རིགས་ངན་པ་ལས་བྱུང་ན་བློན་པོའི་མཆོག་ཏུ་བཅུག་ཅིང་ངན་པ་འདི་
D6.011.0070a01.01ལ་རྒྱལ་པོའི་དོན་ཐམས་ཅད་གཏད་པ་ག་ལ་རིགས། དེ་ཅི་ནས་སྔོན་གྱི་གནས་རྙིང་པར་གཞག་པ་དེ་ལྟ་བུར་བྱའོ་ཞེས་བསམས་ཏེ་སོང་ནས་ཕ་ལ་ཡབ་ཀྱིས་ངན་པ་དེ་ལྟ་བུ་མ་བརྟགས་པར་བློན་པོའི་མཆོག་ཏུ་བཅུག་ཅིང་ཡིད་བརྟན་པར་བགྱིས་པ་ག་ལ་རིགས། དེས་འདི་ལྟར་རྒྱལ་པོའི་
D6.011.0070a02.01བཙུན་མོ་ལ་གློ་བ་{རིངས་ཏེ་,རིང་སྟེ་}ཡབ་ཀྱི་བཙུན་མོ་འདི་ཞེས་བགྱི་བ་དང་ལྷན་ཅིག་ཏུ་སྤྱོད། རྒྱལ་པོའི་རྨ་བྱ་དེ་ཡང་འདིས་ཟོས། ཡུལ་གཞན་ནས་མི་འོངས་པ་རྣམས་ཀྱང་བསྙེན་ཅིང་ཡོ་བྱད་ཀུན་སྦྱོར་བར་བགྱིད་ན་ཡབ་ནི་རྟག་ཏུ་ཡང་བདག་ལ་སྨན་ཆེན་པོ་འདི་ཐམས་ཅད་པས་སྡུག །འདི་
D6.011.0070a03.01ལས་ཡིད་དུ་འོང་བ་མེད་དོ་ཞེས་གསུང་ན་དེ་ནི་འདི་ལྟ་བུ་མི་བགྱི་བ་རྣམས་བགྱིད་ཀྱིས་ཇི་ལྟ་བུ་ཡིན་པ་མཁྱེན་པར་གྱིས་ཤིག་ཅེས་སྨྲས་པ་དང་། དེ་ནས་རྒྱལ་པོས་དོན་དེ་དག་བརྟག་པའི་ཕྱིར་གཤེད་མ་མི་རྣམས་ལ་སོད་ཅིག་ཅེས་བཀྲིའོ། །དེ་ནས་རིགས་ངན་པ་དེ་དག་གིས་ཤིང་ཀ་
D6.011.0070a04.01ར་བཱི་རའི་མེ་ཏོག་གི་ཕྲེང་བ་ནི་མགུལ་དུ་བཏགས། བོང་སྐད་ལྟ་བུའི་རྔ་བརྡུངས། ཚིག་རྩུབ་པོས་སྤྱོས། བསྡིགས། ཚར་བཅད་དེ་མཚོན་ཐོགས་པ་གཤིན་རྗེའི་མི་ལྟ་བུའི་རིགས་ངན་རྣམས་ཀྱིས་དུར་ཁྲོད་དུ་ཁྲིད་མོད་ཀྱི། དེ་གསད་པར་ནི་གང་ཡང་མི་དད་དོ། །གྲོང་ཁྱེར་གྱི་
D6.011.0070a05.01སྐྱེ་བོ་དང་ལྗོངས་པ་རྣམས་ནི་མིག་ནས་མཆི་མ་ཟག་ཅིང་བདག་གི་བུ་བསད་པ་ལྟར་སྡུག་བསྔལ་ནས་ཉམ་ཐག་པའི་སྒྲ་འབྱིན་ཅིང་ལྷ་དག་ལ་གསོལ་བ་འདེབས་སོ། །ཅི་ཙམ་ཞིག་ན་སྨན་ཆེན་པོས་རྒྱལ་རིགས་དབུལ་པོ་བསྙེན་ཅིང་ལོངས་སྤྱོད་བགོས་ཏེ་བྱིན་པ་དེ་དག་གིས་རྒྱལ་པོའི་མི་རྣམས་ལ་
D6.011.0070a06.01བདག་ཅག་གིས་འདི་བསད་ཀྱིས་ཁྱེད་ཅག་སླར་ལོག་ཤིག་ཅེས་སོ།། །།འདུལ་བ་ཕྲན་ཚེགས་ཀྱི་གཞི། བམ་པོ་སུམ་བཅུ་རྩ་བཞི་པ། ཅི་ཙམ་ན་དེ་གྲོང་ཁྱེར་ནས་བྱུང་བ་དང་། བྲམ་ཟེ་མོང་རྟུལ་ཞེས་བྱ་བས་གོས་ཀྱི་མཐའ་མ་ནས་འཇུས་ནས་ཁྱོད་ཀྱིས་ནས་བྲེ་གང་སྦྱིན་པར་
D6.011.0070a07.01