完整藏文原文 · 德格版页 当前仅加载第 11 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་བཀྲམ། ཡིད་དུ་འོང་བའི་ལྷ་རྣམས་ཀྱི་དགའ་བའི་ཚལ་དང་། སྐྱེད་མོས་ཚལ་བཞིན་ནོ། །དེ་ནས་ཆོས་སྦྱིན་མས་ཡོ་བྱད་སྦྱར་བ་རྣམས་མཐོང་ནས་ནང་གི་སྐྱེ་བོ་དག་ལ་ཀྱེ་དུས་མ་ཡིན་པའི་དུས་སྟོན་འདི་ཅི་ཞིག་ཡིན་ཞེས་སྨྲས་པ་དང་། དེ་དག་གིས་ཁྱོད་ཀྱིས་སྔོན་གྱི་ལེགས་པའི་
D6.011.0164b01.01ཚོགས་རྣམ་པར་བསགས་པའི་མཐུས་ན་དུས་ལ་མ་བབ་པའི་དུས་སྟོན་ཆེན་པོ་བྱས་ཏེ། ཁྱོད་བག་མར་གཏང་བའི་ཕྱིར་དུས་ལ་མ་བབ་པའི་དུས་སྟོན་ཆེན་པོ་བྱས་ཏེ། དེ་དག་ཉེ་བར་འོངས་སོ་ཞེས་སྨྲས་པ་དང་། དེས་ཐོས་ནས་སྐྲག་སྟེ་ཕའི་རྐང་པ་ལ་ཕྱག་འཚལ་ཏེ། ཡབ་བདག་
D6.011.0164b02.01འདོད་པ་འཚལ་བ་ནི་མ་ལགས་ན་རྒྱལ་པོའི་ཀུན་དགའ་ར་བ་ཞེས་བགྱི་བ་དགེ་སློང་མའི་དབྱར་མོ་ཁང་དུ་མཆིར་ཅི་གནང་ཞེས་སྨྲས་པ་དང་། དེས་སྨྲས་པ། བུ་མོ་ཁྱོད་མ་སྐྱེས་པར་ཁྱིམ་བདག་{རི་དགས་,རི་དྭགས་}སྒྲའི་བུ་ས་ག་ལ་བྱིན་པས། ད་ནི་ང་ལ་དབང་མེད་དོ། །ཁྱོད་ཀྱི་ཁྱིམ་ཐབ་དེ་ཡིན་
D6.011.0164b03.01ཏེ། དེ་ལྟ་བུར་ནི་ཡུལ་ཀོ་ས་ལའི་རྒྱལ་པོ་གསལ་རྒྱལ་དང་། ནང་གི་བཙུན་མོ་དང་གཞོན་ནུ་དང་། བྲན་ཕོ་དང་། བྲན་མོ་དང་། སྐྱེ་བོ་མང་པོ་དང་། ཡུལ་སོ་སོ་ནས་ལྷགས་པའི་སྐྱེ་བོ་མང་པོ་དག་ཀྱང་ཤེས་ན་ངས་ཁྱོད་ད་ཇི་ལྟར་གནང་བར་བྱ། ཅི་བདག་མཛའ་བོ་དང་། ཕུ་ནུ་
D6.011.0164b04.01དང་། །གཉེན་རྣམས་བཙོན་རར་བཅུག་སྟེ་འཆི་བར་འདོད་དམ། ཁྱོད་ནི་སང་བག་མར་འགྲོ་བ་ལྟར་གྱིས་ཤིག །མཛའ་བོ་དང་། བདག་གི་མི་དང་། གཉེན་དང་། སྐྱེ་བོ་མང་པོ་དག་ཀྱང་འདིར་འདུས་ན། དེ་སྐད་མ་ཟེར་ཅིག །ཁྱོད་རབ་ཏུ་གཞོན་པས་མ་རྟོགས་ཏེ།
D6.011.0164b05.01ཚངས་པར་སྤྱོད་པ་སྤྱད་པ་ཐོང་ཤིག་ཅེས་བསྒོ་བ་དང་། དེ་བརྩོན་པས་ལམ་ཡིད་ལ་བྱེད་པ་སྒོམ་པ་ལ་ཞུགས་ན་འདོད་པ་དང་བྲལ་བར་བྱ་བའི་ཐབས་མ་རྙེད་དོ། །དེའི་བར་དུ་ཡང་སངས་རྒྱས་བཅོམ་ལྡན་འདས་ལ་མི་མཁྱེན་པའམ། མི་གཟིགས་པའམ། མ་རིག་པའམ།
D6.011.0164b06.01རྣམ་པར་མི་རིག་པ་ཅུང་ཟད་ཀྱང་མེད་དེ། སངས་རྒྱས་བཅོམ་ལྡན་འདས་རྣམས་ནི་ཐུགས་རྗེ་ཆེན་པོ་ཅན་འཇིག་རྟེན་པ་ལ་ཕན་འདོགས་པར་འདུག་པ། སྲུང་བ་གཅིག་པུ་དཔའ་བོ་གཅིག་པུ། གཉིས་སུ་མེད་པ་གཉིས་སུ་མ་ཡིན་པར་གསུང་བ་ཞི་གནས་དང་ལྷག་མཐོང་གིས་
D6.011.0164b07.01