完整藏文原文 · 德格版页 当前仅加载第 11 函德格 137a 版页；藏文 NFD、目录标记与异常页序保留在来源切片中，重复版页行以稳定序号区分。
ཤིག་ཅེས་བཀའ་སྩལ་ཏོ། །གླེང་གཞི་ནི་མཉན་དུ་ཡོད་པ་ན་སྟེ། སྦོམ་དགའ་མོ་འཁོར་བརྒྱ་དུ་མའི་མདུན་ན་འདུག་ཅིང་ཆོས་འཆད་དོ། །ཚེ་དང་ལྡན་པ་འོད་སྲུང་ཆེན་པོ་ལམ་དེར་སོང་བ་དང་འཁོར་དེ་དག་གིས་ཚེ་དང་ལྡན་པ་འོད་སྲུང་ཆེན་པོ་མཐོང་ནས་ལངས་སོ། །
D6.011.0137a01.01སྦོམ་དགའ་མོ་ནི་རྐུབ་ཀྱང་མ་བསྐྱོད་པ་དང་། དེ་དག་གིས་འཕགས་པ་འོད་སྲུང་ཆེན་པོ་ལྷ་དང་མིས་མཆོད་པ་དེ་མཐོང་བ་དང་། བདག་ཅག་ནི་ལངས་ན་ཁྱོད་སྟན་ལས་ཀྱང་མ་འཕགས་པ་ནི་མ་ལེགས་སོ་ཞེས་སྨྲས་པ་དང་། དེས་འདི་ནི་མུ་སྟེགས་ཅན་ལས་རབ་ཏུ་བྱུང་སྟེ། བླུན་པ་རབ་
D6.011.0137a02.01ཏུ་བླུན་པ། གླེན་པ། རབ་ཏུ་གླེན་པ་ན་བདག་ཤཱཀྱ་མོ་རབ་ཏུ་བྱུང་བ་སྡེ་སྣོད་གསུམ་པ། ཆོས་ཀྱི་གཏམ་ཅན། རིག་པ་དང་གྲོལ་བ་ལ་སྤོབས་པས་ཅི་ཕྱིར་འདི་མཐོང་བ་དང་སྟན་ལས་ལྡང་ཞེས་སྨྲས་པ་དང་། དགེ་སློང་དག་གིས་ཐོས་ཏེ་བཅོམ་ལྡན་འདས་ལ་གསོལ་ནས། །བཅོམ་ལྡན་
D6.011.0137a03.01འདས་ཀྱིས་བཀའ་སྩལ་པ། དགེ་སློང་དག་དད་པའི་བྲམ་ཟེ་དང་ཁྱིམ་བདག་རྣམས་ནི་རིགས་པར་འཕྱའོ། །དེ་ལྟ་བས་ན་དགེ་སློང་མས་དགེ་སློང་མཐོང་མ་ཐག་ཏུ་སྟན་ལས་ལོངས་ཤིག །མ་ལངས་ན་འདས་པ་དང་བཅས་པར་འགྱུར་རོ། །བཅོམ་ལྡན་འདས་ཀྱིས་གསུངས་
D6.011.0137a04.01པ། །དགེ་སློང་མས་དགེ་སློང་མཐོང་མ་ཐག་ཏུ་སྟན་ལས་ལོངས་ཤིག་ཅེས་གསུངས་པ་དང་། དུས་ཕྱི་ཞིག་ན་དགེ་སློང་མ་ཨུཏྤ་ལའི་ཁ་དོག་མ་དབྱར་མོ་ཁང་གི་ཕྱི་རོལ་ན་འཁོར་བརྒྱ་ཕྲག་དུ་མའི་མདུན་ན་འདུག་སྟེ་ཆོས་འཆད་དོ། །ཚེ་དང་ལྡན་པ་ཀུན་དགའ་བོ་སྔ་དྲོ་ཤམ་ཐབས་དང་
D6.011.0137a05.01ཆོས་གོས་གྱོན་ལྷུང་བཟེད་ཁྱེར་ཏེ་མཉན་དུ་ཡོད་པར་བསོད་སྙོམས་ཀྱི་ཕྱིར་ཞུགས་པ་ལས་མཉན་དུ་ཡོད་པ་ནས་བསོད་སྙོམས་ལས་སླར་བསྐོར་ཏེ། གང་ན་དགེ་སློང་མའི་དབྱར་མོ་ཁང་ཡོད་པ་དེར་སོང་བ་དང་། དགེ་སློང་མ་ཨུཏྤ་ལའི་ཁ་དོག་མ་ཚེ་དང་ལྡན་པ་ཀུན་དགའ་བོ་མཐོང་སྟེ།
D6.011.0137a06.01མཐོང་མ་ཐག་ཏུ་སྟན་ལས་ལངས་པ་དང་། ཚེ་དང་ལྡན་པ་ཀུན་དགའ་བོ་སྟན་ལ་འདུག་གོ། །འདུག་ནས་སྲིང་མོ་ཁྱོད་ཀྱིས་མདོ་སྡེ་གང་ཞིག་བརྩམས་ཞེས་དྲིས་པ་དང་དེས་སྨྲས་པ། འཕགས་པ་འདི་ཞེས་བགྱི་བའོ། །ཚེ་དང་ལྡན་པ་ཀུན་དགའ་བོས་མདོ་སྡེ་རྒྱས་པར་བཤད་པར་
D6.011.0137a07.01