完整藏文原文 · 德格版页 当前仅加载第 11 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
ཁྱོད་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་མི་འབོད་ཀྱི། འདི་རྣམས་ང་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་འབོད་པས་ང་ཉིད་ཀྱིས་འདི་དག་ལ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་པར་བྱའོ། །གལ་ཏེ་ཁྱོད་ཀྱིས་འདི་རྣམས་དང་ལྷན་ཅིག་མིའི་
D6.011.0049a01.01ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་ན་མུ་སྟེགས་ཅན་རྣམས་དགེ་སྦྱོང་གཽ་ཏ་མ་ལ་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་མེད་ཀྱི། འོན་ཀྱང་འདིའི་ཉན་ཐོས་མ་རྫུ་འཕྲུལ་ལེན་གྱི་མ་འདི་ལྟར་རྫུ་འཕྲུལ་ཆེ་ཞིང་འདི་ལྟར་མཐུ་ཆེ་བ་ཞིག་ངེད་དང་ལྷན་ཅིག་མིའི་ཆོས་བླ་མའི་རྫུ་
D6.011.0049a02.01འཕྲུལ་གྱི་ཆོ་འཕྲུལ་སྟོན་ཏོ་ཞེས་སྨྲ་བར་འགྱུར་བས། ཁྱོད་རང་གི་སྟན་ཇི་ལྟ་བ་ལ་འདུག་ཤིག །ཅེས་བཀའ་སྩལ་པ་དང་། དེ་རང་གི་སྟན་ཇི་ལྟ་བ་ལ་འདུག་སྟེ། ཁྱིམ་བདག་ངན་ལེགས་སྦྱིན་དང་། དགེ་ཚུལ་སྐུལ་བྱེད་དང་། དགེ་ཚུལ་མ་བརྗེད་མེད་དང་། དགེ་
D6.011.0049a03.01སློང་མ་ཨུཏྤ་ལའི་མདོག་དང་། གཞན་ཡང་རྫུ་འཕྲུལ་དང་ལྡན་པ་ཕལ་མོ་ཆེ་དག་ཀྱང་དེ་དང་འདྲའོ། །དེ་ནས་ཚེ་དང་ལྡན་པ་མཽད་གལ་གྱི་བུ་ཆེན་པོ་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་
D6.011.0049a04.01ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཐུགས་ཁྲལ་ཆུང་ངུར་མཛད་དུ་གསོལ། བདག་གིས་མུ་སྟེགས་ཅན་རྣམས་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་བསྟན་པར་བགྱི་ཞིང་། མུ་སྟེགས་ཅན་རྣམས་ཐག་སྩལ་བར་བགྱི། ལྷ་དང་
D6.011.0049a05.01མི་རྣམས་དགའ་བར་བགྱི། སྐྱེ་བོ་དམ་པ་རྣམས་གློ་བ་རངས་པར་བགྱི་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། མཽད་གལ་གྱི་བུ་ཁྱོད་སེམས་ཁྲལ་ཆུང་ངུར་གྱིས་ཤིག །ཁྱོད་ཀྱིས་མུ་སྟེགས་ཅན་རྣམས་དང་ལྷན་ཅིག་མིའི་ཆོས་བླ་མའི་རྫུ་འཕྲུལ་
D6.011.0049a06.01གྱི་ཆོ་འཕྲུལ་བསྟན་ཅིང་། མུ་སྟེགས་ཅན་རྣམས་ཐག་གཞུག་པ་དང་། ལྷ་དང་མི་རྣམས་དགའ་བར་བྱ་བ་དང་། སྐྱེ་བོ་དམ་པ་རྣམས་སྙིང་རངས་པར་བྱ་བར་ནུས་མོད་ཀྱི། འོན་ཀྱང་འདི་རྣམས་ཁྱོད་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་མི་འབོད་ཀྱི།
D6.011.0049a07.01