完整藏文原文 · 德格版页 当前仅加载第 11 函德格 271a 版页；藏文 NFD、目录标记与异常页序保留在来源切片中，重复版页行以稳定序号区分。
པོ་རྫོགས་པར་བྱས་ཏེ་གནས་སོ། །དངུལ་ལས་བྱས་པའི་ཁྲི་ལས་བབས་ཏེ་གསེར་ལས་བྱས་པའི་ཁང་པ་རྩེག་མ་ནས་བྱུང་ནས་དངུལ་ལས་བྱས་པའི་ཁང་པ་རྩེག་མའི་ནང་དུ་ཞུགས་ཏེ་གསེར་ལས་བྱས་པའི་ཁྲི་ལ་འདུག་གོ། །ཁྲི་ལ་འདུག་ནས་འདོད་པ་དག་ལས་དབེན་
D6.011.0271a01.01པ་ཞེས་བྱ་བ་ནས། བསམ་གཏན་དང་པོ་རྫོགས་པར་བྱས་ཏེ་གནས་སོ་ཞེས་བྱ་བའི་བར་གོང་མ་བཞིན་ནོ། །གསེར་ལས་བྱས་པའི་ཁྲི་ལས་བབས་ནས་དངུལ་ལས་བྱས་པའི་ཁང་པ་རྩེག་མ་ནས་བྱུང་ནས་བཻ་ཌཱུརྱ་ལས་བྱས་པའི་ཁང་པ་རྩེག་མའི་ནང་དུ་ཞུགས་ནས་ཤེལ་ལས་བྱས་པའི་ཁྲི་ལ་
D6.011.0271a02.01འདུག་གོ། །ཁྲི་ལ་འདུག་ནས་འདོད་པ་དག་ལས་དབེན་པ་ཞེས་བྱ་བ་ནས། བསམ་གཏན་དང་པོ་རྫོགས་པར་བྱས་ཏེ་གནས་སོ་ཞེས་བྱ་བའི་བར་གོང་མ་བཞིན་ནོ། །ཤེལ་ལས་བྱས་པའི་ཁྲི་ལས་བབས་ཏེ་བཻ་ཌཱུརྱ་ལས་བྱས་པའི་ཁང་པ་རྩེག་མ་ནས་བྱུང་ནས་ཤེལ་ལས་བྱས་པའི་ཁང་པ་རྩེག་
D6.011.0271a03.01མའི་ནང་དུ་ཞུགས་ནས་བཻ་ཌཱུརྱ་ལས་བྱས་པའི་ཁྲི་ལ་འདུག་གོ། །ཁྲི་ལ་འདུག་ནས་འདོད་པ་དག་ལས་དབེན་པ་ཞེས་བྱ་བ་ནས། བསམ་གཏན་དང་པོ་རྫོགས་པར་བྱས་ཏེ་གནས་སོ། །ཞེས་བྱ་བའི་བར་གོང་མ་བཞིན་ནོ། །དེ་ནས་བུད་མེད་བརྒྱད་ཁྲི་བཞི་སྟོང་བཙུན་མོ་རིན་པོ་ཆེ་ག་ལ་བ་
D6.011.0271a04.01དེར་དོང་སྟེ་ལྷགས་ནས་བཙུན་མོ་རིན་པོ་ཆེ་ལ་འདི་སྐད་ཅེས་སྨྲས་སོ། །ལྷ་མོ་མཁྱེན་པར་མཛོད་ཅིག །བདག་ཅག་ནི་ལྷ་མ་མཐོང་ནས་རིང་ཞིག་ལགས་ཏེ། བདག་ཅག་ནི་ལྷ་མཐོང་བར་ཤིན་ཏུ་སྐོམ་པས་བདག་ཅག་ནི་ལྷ་བལྟ་བར་འཚལ་ལོ། །ཕུ་ནུ་མོ་ཁྱེད་ཅག་དེའི་ཕྱིར་སྡོད་ཅིག་དང་།
D6.011.0271a05.01ཅི་ཙམ་ངས་བློན་པོ་རིན་པོ་ཆེ་ལ་དྲི་བར་བྱའོ། །དེ་ནས་བཙུན་མོ་རིན་པོ་ཆེས་བློན་པོ་རིན་པོ་ཆེ་ཕོ་ཉས་བཀུག་ནས་འདི་སྐད་ཅེས་སྨྲས་སོ། །དམག་དཔོན་ཤེས་པར་བྱོས་ཤིག །ངེད་ཀྱིས་ལྷ་མ་མཐོང་ནས་རིང་ཞིག་ལོན་ཏེ། ངེད་ལྷ་ལ་བལྟ་བར་ཤིན་ཏུ་སྐོམ་པས་དེང་ནི་ལྷ་བལྟ་བར་འདོད་
D6.011.0271a06.01དོ། །དེའི་ཕྱིར་སྲིང་མོ་དག་ཁྱེད་ཐམས་ཅད་རྒྱན་སེར་པོ། གོས་སེར་པོ། ཕྲེང་བ་དང་། ཕྱང་ཕྲུལ་དང་། བྱུག་པ་སེར་པོ། །འཁོར་རྣམས་སེར་པོར་ཆོས་ཤིག་དང་། ཇི་ཙམ་བདག་གིས་མཐའི་རྒྱལ་ཕྲན་བརྒྱད་ཁྲི་བཞི་སྟོང་དང་། གླང་པོ་ཆེའི་རྒྱལ་པོ་ཉེ་བའི་གསོ་སྦྱོང་ལ་སོགས་
D6.011.0271a07.01