完整藏文原文 · 德格版页 当前仅加载第 11 函德格 289a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་འདིར་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་སོ། །བཅོམ་ལྡན་འདས་ཀྱིས་འདིར་ནི་ལན་གསུམ་དུ་བཟླས་ཏེ་ཆོས་ཀྱི་འཁོར་ལོ་རྣམ་པ་བཅུ་གཉིས་སུ་བསྐོར་ཏོ། །བཅོམ་ལྡན་འདས་འདིར་ནི་ཕུང་པོ་ལྷག་མ་མ་ལུས་པའི་མྱ་ངན་
D6.011.0289a01.01ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདས་སོ་ཞེས་བྱ་བའི་བར་དག་ཡིན་ཏེ། ཁ་ཅིག་ནི་ང་ལ་སེམས་དད་པས་དུས་བྱས་པ་དེ་ཐམས་ཅད་མཐོ་རིས་སུ་འགྲོའོ། །ཁ་ཅིག་ནི་ཕུང་པོའི་ལྷག་མ་དང་བཅས་པར་རོ། །ཇི་ལྟར་མངོན་དུ་འགྲོ་བར་བྱ་བ་དེ་ལྟར་རྗེས་སུ་དྲན་པར་བྱའོ། །དེ་ནས་བཅོམ་ལྡན་
D6.011.0289a02.01འདས་ཀྱིས་དགེ་སློང་རྣམས་ལ་འདི་སྐད་ཅེས་བཀའ་སྩལ་ཏོ། །དགེ་སློང་དག་སངས་རྒྱས་དང་། ཆོས་དང་། དགེ་འདུན་དང་། སྡུག་བསྔལ་དང་། ཀུན་འབྱུང་བ་དང་། འགོག་པ་དང་། ལམ་རྣམས་ལ་གང་སོམ་ཉི་དང་ཡིད་གཉིས་ཡོད་པ་མ་དགག་པར་ཞུས་ཤིག་དང་དྲིས་པ་དེ་ངས་ལུང་བསྟན་པར་བྱའོ། །ཁྱེད་
D6.011.0289a03.01ཀྱིས་འདི་ཇི་ལྟར་བདག་ཅག་གིས་སྟོན་པའི་སྤྱན་སྔར་མངོན་སུམ་དུ་ལན་གདབ་པར་ནི་མི་སྤོབས་སོ་སྙམ་དུ་བལྟ་བར་མི་བྱ་སྟེ། དགེ་སློང་དག་གིས་དགེ་སློང་དག་ལ། རོགས་དག་གིས་རོགས་དག་ལ་སྨྲ་བར་བྱ་ཞིང་དྲིས་ན་དེ་ལུང་བསྟན་པར་བྱའོ། །དེ་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་
D6.011.0289a04.01སྐད་ཅེས་གསོལ་ཏོ། །འདི་ལྟར་བཙུན་པ་བཅོམ་ལྡན་འདས་ཀྱིས་གསུངས་པའི་དོན་བདག་གིས་འཚལ་བ་ལྟར་ན། དགེ་སློང་གི་འཁོར་ཇི་སྙེད་འདུས་ཤིང་མཆིས་པ་འདི་རྣམས་ལས་གང་དགེ་སློང་དག་གཅིག་ལ་ཡང་སངས་རྒྱས་དང་། ཆོས་དང་། དགེ་འདུན་དང་། སྡུག་བསྔལ་དང་། ཀུན་འབྱུང་དང་། འགོག་
D6.011.0289a05.01པ་དང་། ལམ་རྣམས་ལ་གང་སོམ་ཉི་དང་ཡིད་གཉིས་སུ་གྱུར་པ་མ་མཆིས་ལགས་སོ། །ཀུན་དགའ་བོ་ལེགས་སོ་ལེགས་སོ། །ཀུན་དགའ་བོ་ཁྱོད་ནི་དད་པས་འདི་སྐད་སྨྲ་མོད་ཀྱི། དེ་བཞིན་གཤེགས་པའི་ཡེ་ཤེས་ཀྱིས་གཟིགས་པ་ནི་བླ་ན་མེད་པར་འཇུག་པ་ཡིན་ཏེ། དགེ་སློང་གི་འཁོར་ཇི་སྙེད་འདུས་
D6.011.0289a06.01ཤིང་འཁོད་པ་རྣམས་ལ་ནི་གང་དགེ་སློང་གཅིག་ལ་ཡང་སྡུག་བསྔལ་དང་། ཀུན་འབྱུང་དང་། འགོག་པ་དང་། ལམ་རྣམས་ལ་སོམ་ཉི་དང་ཡིད་གཉིས་མེད་མོད་ཀྱི། འོན་ཀྱང་འདིའི་དགོས་པ་ནི་དུས་ཕྱི་མའི་སེམས་ཅན་རྣམས་ལ་དེ་བཞིན་གཤེགས་པ་ཐུགས་བརྩེ་བའི་ཕྱིར་རོ། །དེ་ནས་བཅོམ་ལྡན་
D6.011.0289a07.01