完整藏文原文 · 德格版页 当前仅加载第 11 函德格 65b 版页；藏文 NFD、目录标记与异常页序保留在来源切片中，重复版页行以稳定序号区分。
ཨེ་རན་ཌ་ཡི་ཤིང་དང་གླང་། །དྲེའུ་དང་དེ་རུ་སོང་བ་དང་། །དེ་ལ་བློན་པོའི་ཐབས་བྱིན་པའོ། །དེ་ནས་སྨན་ཆེན་པོས་བློན་པོའི་དབང་བྱིན་པ་དང་ཅི་བྱ་བ་དང་། རྒྱལ་པོའི་དོན་ཇི་ལྟར་བྱ་ཞེས་རབ་ཏུ་བདེ་བར་སེམས་པ་ལ་ཞུགས་པ་དང་། གྲོང་ཁྱེར་ཀུན་ཏུ་ཡང་སྨན་ཆེན་པོ་བློན་པོར་
D6.011.0065b01.01བཅུག་སྟེ་མཛངས་ལ་མཁས་པའི་སྒྲ་སྒྲོགས་སོ། །དེ་ནས་དུས་ཕྱི་ཞིག་ན་བྲམ་ཟེ་ཞིག་གིས་བུ་མོ་ཞིག་བག་མར་བླངས་པའི་ཡོ་བྱད་དུ་ནོར་མང་ཞིག་ཟད་ནས་དེ་དང་ལྷན་ཅིག་མང་ཞིག་ཏུ་ཡོངས་སུ་སྤྱད་དེ་བདག་གིས་བག་མ་བླངས་པའི་ཡོ་བྱད་དུ་ནོར་མང་དུ་ཟད་པས་ད་ནི་འདི་ལྟར་ནོར་དུ་
D6.011.0065b02.01འགྱུར་བ་ཆེན་པོ་མེད་ལ་ཁྱིམ་ན་འདུག་ན་མ་ལེགས་པར་འགྱུར་རོ་སྙམ་དུ་བསམས་ཏེ། བྲམ་ཟེ་དེ་ཁ་ཏོན་མང་དུ་ལོབས་པ་སྨྲང་དང་སྨྲང་གི་ཡན་ལག་ཏུ་ལྡན་པས་ཕ་རོལ་ཏུ་ཕྱིན་པ་ནོར་བསྒྲུབས་པའི་ཕྱིར་ལྗོངས་གཞན་དུ་སོང་ངོ་། །དེ་ཡང་དེ་ན་མཐར་གྱིས་རྒྱུ་ཞིང་སོང་བ་ལས་དེས་གསེར་གྱི་དོང་
D6.011.0065b03.01ཙེ་གནའ་མ་ལྔ་བརྒྱ་རྙེད་དེ་དེ་ཁྱེར་ནས་སླར་བདག་གི་ཁྱིམ་དུ་འོངས་སོ། །དེས་བདག་སྔར་ནོར་ཁྱེར་ལ་ཁྱིམ་དུ་མི་འཇུག་གོ། །བུད་མེད་ཀྱི་སེམས་ཀྱི་སྤྱོད་པ་སུས་ཀྱང་མི་རིག་སྟེ། བྲམ་ཟེ་མོ་དེ་ཡང་དབྱིབས་ལེགས་ཤིང་བལྟ་ན་སྡུག་པ་བཟང་བས་ན་བདག་མེད་པའི་ཕྱིན་སྐྱེས་པ་གཞན་དང་ཆགས་ཤིང་
D6.011.0065b04.01འདུག་ཀྱང་སྲིད་ཀྱིས་སྙམ་དུ་བསམས་ནས། དེས་ནམ་སྲོས་པ་དང་། དུར་ཁྲོད་དུ་སོང་ནས་ཤིང་ནྱ་གྲོ་དྷཱའི་དྲུང་དུ་ཁུང་བརྐོས་ནས་དེའི་ནང་དུ་བཅུག་སྟེ་ནམ་སྲོས་ནས་ཁྱིམ་དུ་ཕྱིན་པ་དང་། ཆུང་མ་དེ་ཡང་སྐྱེས་པ་གཞན་བྲམ་ཟེ་རྣ་བོ་ཆེ་ཞེས་བྱ་བ་དེ་ལ་ཆགས་ཏེ། དེའི་ཚེ་ན་ལྷན་ཅིག་ཁ་ཟས་
D6.011.0065b05.01ཞིམ་པོ་ཟོས་ནས་བསུང་ཞིམ་པོས་ལུས་བྱུགས་ཏེ་ཉལ། མལ་གྱི་སྟེང་ན་དེ་གཉིས་དགའ་བ་མྱོང་ཞིང་འཁོད་པ་ལས་བྲམ་ཟེ་དེ་ཡང་བདག་གི་ཁྱིམ་དུ་ཕྱིན་ནས་སྒོ་ཕྱེ་ཞེས་བོས་པ་དང་། བུད་མེད་དེས་སྨྲས་པ། ཀྱེ་ཁྱེད་སུ་ཞིག་ཅེས་སྨྲས་སོ། །དེས་བདག་གི་མིང་ཕྱུང་བ་དང་། མོ་
D6.011.0065b06.01ཉིད་ཀྱིས་དགའ་དང་མགུ་བའི་སྒྲ་ཕྱུང་ནས་རྣ་བོ་ཆེ་ཉལ་ནས་བསླང་སྟེ། མལ་གྱི་འོག་ཏུ་སྦས་ནས་སྒོ་འབྱེད་དུ་འོངས་ཏེ། དེས་ཁྱོ་ལ་གཡོ་བྱེད་ཅིང་རྗེས་བྱས་ཏེ་འོངས་ནས། སྒོ་ཕྱེ་སྟེ་ངུས་ནས་མགྲིན་པ་ནས་འཇུས་མཆོད་པ་དང་ཡོན་འབུལ་ལོ། །ཟས་བསོད་པ་བྱིན་ནོ། །བྲམ་ཟེ་དེ་ཟ་ཞིང་འདི་
D6.011.0065b07.01