完整藏文原文 · 德格版页 当前仅加载第 11 函德格 303b 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་ཅིག་འཇིག་འགྱུར་ཏེ། །སྐྱེ་ལ་སོགས་པ་སྡུག་བསྔལ་ཉོན་མོངས་ལྡན། །སོ་སོའི་སྐྱེ་བོ་བདག་ཏུ་ང་རྒྱལ་ཏེ། །དེ་དག་བྱེད་པ་མེད་པར་རིག་པར་བྱེད། །གསུམ་པས་སྨྲས་པ། མཁས་པ་རྟག་ཏུ་དོགས་པས་བག་ཡོད་ཅིང་། །བསོད་ནམས་ཡིད་ལ་བྱ་བ་དེ་བརྩོན་བྱ། །འབྱུང་པོའི་
D6.011.0303b01.01ཚོགས་ཀུན་སོང་ཞིང་འཇིག་འགྱུར་ཏེ། །སྲོག་དང་བཅས་པའི་དཔལ་ནི་གཡོ་བར་གྱུར། །བཞི་པས་སྨྲས་པ། ཐུབ་པ་དེ་ལ་སློབ་མཆོག་ཡང་དག་བཏུད། །རང་གི་དགོས་པ་མ་ལུས་ཐམས་ཅད་བྱས། །གུས་ཤིང་རབ་ཏུ་དད་པས་བླ་མ་དེའི། །ཕྱི་བཞིན་བ་ལང་བདག་ཀྱང་དེ་ལྟར་སོང་། །དེ་
D6.011.0303b02.01ནས་ཚེ་དང་ལྡན་པ་གང་པོས་ཚེ་དང་ལྡན་པ་བ་ལང་བདག་གི་རུས་པ་ལ་རུས་པའི་མཆོད་པ་བྱས་ནས་ལྷུང་བཟེད་དང་ཆོས་གོས་བླངས་ཏེ་ཇི་ལྟར་སེམས་མཉམ་པར་གཞག་ན་ཤིང་ཤི་རི་ཤ་ཀའི་གཞལ་མེད་ཁང་ནས་མི་སྣང་ཞིང་གྲོང་ཁྱེར་རྩྭ་ཅན་གྱི་གྱད་རྣམས་ཉེ་བར་རྟེན་པ་དང་། ཤིང་
D6.011.0303b03.01སཱ་ལ་ཟུང་གི་ཚལ་དུ་གནས་པར་བྱ་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་སོ། །དེ་ནས་ཚེ་དང་ལྡན་པ་གང་པོ་འོད་སྲུང་ལ་སོགས་པ་དགེ་སློང་ལྔ་བརྒྱ་ག་ལ་བ་དེར་སོང་སྟེ་ཕྱིན་ནས་ཇི་ལྟར་རྒན་རིམས་ལ་ཕྱག་འཚལ་ཏེ་ལྷུང་བཟེད་དང་ཆོས་གོས་རྒན་པ་ལ་བྱིན་ནས་འདི་སྐད་
D6.011.0303b04.01ཅེས་སྨྲས་སོ། །མགོན་པོའི་སྐུ་ནི་མེད་པར་དེས་ཐོས་ནས། །བསོད་ནམས་ལས་ཀྱིས་རབ་ཏུ་ཞི་བར་སོང་། །དེ་ཡི་ལྷུང་བཟེད་ཆོས་གོས་འདི་ཡིན་ཏེ། །དེས་བསམས་དགེ་འདུན་དག་ལ་བཟོད་པར་གསོལ། །དེ་ནས་ཚེ་དང་ལྡན་པ་འོད་སྲུང་ཆེན་པོས་དགེ་སློང་རྣམས་ལ་འདི་སྐད་ཅེས་སྨྲས་
D6.011.0303b05.01སོ། །ཀྱེ་ཚངས་པ་མཚུངས་པར་སྤྱོད་པ་དག་ཉོན་ཅིག །ཇི་ལྟར་དེ་ནི་འཕགས་པའི་ཚུལ་གྱིས་འདས། །གཞན་གྱིས་དེ་བཞིན་རབ་ཞིར་འགྲོ་མི་བྱ། །དེ་བས་ཇི་སྲིད་དགོས་པའི་དོན་བྱ་ཞིང་། །དབང་ཆེན་ཚོགས་ནས་དེ་སྲིད་བགྲོ་བར་བྱ། །དེ་ནས་ཡང་ཚེ་དང་ལྡན་པ་འོད་སྲུང་
D6.011.0303b06.01ཆེན་པོས་དགེ་སློང་དེ་དག་བརྟན་པར་བྱ་བའི་ཕྱིར་སྨྲས་པ། །ཇི་ལྟར་བསོད་ནམས་ལས་ཀྱིས་ཞི་གྱུར་པ། །ཤི་རི་ཤ་ཀའི་སེམས་མཆོག་བ་ལང་བདག །དེ་ལྟར་ཁྱེད་ཀྱིས་དེ་བཞིན་མི་བསམ་སྟེ། །འགྲོ་དོན་དགོས་ཕྱིར་ཚོགས་ནས་བློ་གྲོས་བྱ། །དེ་ནས་ཚེ་དང་ལྡན་པ་འོད་སྲུང་
D6.011.0303b07.01