完整藏文原文 · 德格版页 当前仅加载第 11 函德格 196b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་སྐད་ཅེས་བཀའ་སྩལ་ནས་དགེ་སློང་དེ་དག་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།སྡོམ་ནི། སྣམ་སྦྱར་དག་ནི་ཅི་རིགས་བགོ། །དགོན་པ་པ་དང་འཚོ་བ་ཅན། །ཁུར་བ་སྒྲ་དང་བཅས་མི་བཟའ། །བཱ་རཱ་ཎ་སཱིར་སྤྱོད་ཡུལ་མིན། །སངས་
D6.011.0196b01.01རྒྱས་བཅོམ་ལྡན་འདས་མཉན་ཡོད་ན་ཛེ་ཏའི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །དགེ་སློང་རྣམས་ཀྱིས་སྣམ་སྦྱར་བགོས་ནས་ཆག་ཆག་འདེབས་ཤིང་བའི་ལྕི་བ་འཇམ་པོ་དག་གིས་ཉུག་པར་བྱེད། བཤང་ས་དག་ཏུ་བཤང་བ་དང་གཅི་བར་བྱེད་ཅིང་། གཞན་
D6.011.0196b02.01ཡང་བཙོ་བླག་གི་ལས་དག་བྱེད་ཅིང་དེར་དེ་བཞིན་དུ་སྟོད་གཡོགས་དང་། སྨད་གཡོགས་དག་ཀྱང་གྱོན་ནོ། །དགེ་སློང་རྣམས་ཀྱིས་སྨྲས་པ། ཚེ་དང་ལྡན་པ་དགེ་སློང་འདི་དག་ཆོས་གོས་དག་ལ་བྱེ་བྲག་མེད་པར་ཡོངས་སུ་སྤྱོད། བཅོམ་ལྡན་འདས་ཀྱིས་ནི་སྣམ་སྦྱར་ཆོས་གོས་
D6.011.0196b03.01ཀྱི་མཆོག་གོ་ཞེས་གསུངས་ན། དེ་ཇི་ལྟར་སྣམ་སྦྱར་ཆོས་གོས་ཀྱི་མཆོག་ཁྱད་པར་མེད་པར་ཡོངས་སུ་སྤྱོད། གཞན་ཞིག་གིས་སྨྲས་པ། ཚེ་དང་ལྡན་པས་སྨྲས་པ་བདེན་ཏེ། འདི་ལ་གོར་མ་ཆག་པར་རྒྱུ་ཞིག་ཡོད་དེ། བརྟག་པར་བྱའོ་ཞེས་དེའི་སྐབས་དགེ་སློང་རྣམས་ཀྱིས་
D6.011.0196b04.01བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དགེ་སློང་རྣམས་འདི་སྐད་སྨྲ་བའི་གཞིར་གྱུར་གྱིས་དགེ་སློང་དག་སྣམ་སྦྱར་ནི་རྒྱལ་པོ་ལྟ་བུ་ཡིན་ཏེ། དེ་ལྟ་བས་ན་སྣམ་སྦྱར་གྱོན་ཏེ་ལས་ཐམས་ཅད་མི་བྱའོ། །བཅོམ་ལྡན་
D6.011.0196b05.01འདས་ཀྱིས་སྣམ་སྦྱར་གྱོན་ཏེ་ལས་ཐམས་ཅད་མི་བྱའོ་ཞེས་གསུངས་པ་དང་། དགེ་སློང་རྣམས་ཀྱིས་སྣམ་སྦྱར་བགོས་ཏེ་ཇི་ལྟར་བྱ་བ་དང་། ཇི་ལྟར་མི་བྱ་བ་མ་ཤེས་ཏེ། དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་
D6.011.0196b06.01བཀའ་སྩལ་པ། དགེ་སློང་དག་སྤྱོད་ཡུལ་དུ་འགྲོ་བ་དང་། ཟས་ཀྱི་ཐོག་མ་ལ་འདུག་པ་དང་། མཆོད་རྟེན་དག་ལ་ཕྱག་བྱེད་པ་དང་། སྟོན་པའི་ལུང་ནོད་ཅིང་སོ་སོར་གོ་བར་བྱ་བ་དང་། ཉིན་པར་ཆོས་ཉན་པ་དང་། མཚན་མོ་ཆོས་ཉན་པ་དང་། གྲལ་དུ་འདུག་སྟེ་ཟ་བ་དང་། མཁན་
D6.011.0196b07.01