完整藏文原文 · 德格版页 当前仅加载第 11 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
མའི་བུ་མ་སྐྱེས་དགྲའི་སྤྱོད་པ་ནི་གང་དུ་གླང་པོ་ཆེ་ལ་ཞོན་ཏེ། བཅོམ་ལྡན་འདས་མཐོང་ན་དེ་མ་ཐག་ཏུ་རང་ལྷུང་ནས། དེ་བཅོམ་ལྡན་འདས་ཀྱི་མཐུས་མ་ཉམས་པར་ས་ལ་འཇོག་གོ། །ཡུལ་མ་ག་དྷཱའི་རྒྱལ་པོ་མ་སྐྱེས་དགྲས་ཚེ་དང་ལྡན་པ་འོད་སྲུང་ཆེན་པོ་མཐོང་སྟེ། མཐོང་ནས་བཅོམ་
D6.011.0305a01.01ལྡན་འདས་རྗེས་སུ་དྲན་ནས་དེ་བཞིན་དུ་རང་ས་ལ་ལྷུང་བ་དང་། དེ་ཚེ་དང་ལྡན་པ་འོད་སྲུང་ཆེན་པོའི་རྫུ་འཕྲུལ་གྱིས་བཟུང་ནས་སྨྲས་པ། རྒྱལ་པོ་ཆེན་པོ་སངས་རྒྱས་བཅོམ་ལྡན་འདས་དག་ནི་རྟག་ཏུ་མཉམ་པར་བཞག་པ་ལགས་ལ། ཉན་ཐོས་དག་ནི་མཉམ་པར་མ་བཞག་པར་ཡེ་ཤེས་མཐོང་བ་
D6.011.0305a02.01མི་འཇུག་སྟེ། དེ་རེས་འགའ་ནི་དེ་བཞིན་དུ་མཉམ་པར་བཞག་ནས་གནས། རེས་འགའ་ནི་མཉམ་པར་མ་བཞག་པར་གནས་པས་ད་ཕྱིན་ཆད་ཁྱོད་ཀྱིས་བཅོམ་ལྡན་འདས་ཀྱི་ཉན་ཐོས་མཐོང་ན་གླང་པོ་ཆེ་དང་རྟ་ལས་རང་ལྷུང་བར་མ་བྱེད་ཅིག་ཅེས་དེར་ཁྲིམས་བཅས་སོ། །དེས་སྨྲས་པ།
D6.011.0305a03.01འཕགས་པ་ཇི་སྐད་བཀའ་སྩལ་པ་དེ་བཞིན་དུ་བགྱིའོ། །འཕགས་པ་འོན་ཀྱང་གང་གི་ཚེ་བཅོམ་ལྡན་འདས་བཞུགས་པ་དེའི་ཚེ་བཅོམ་ལྡན་འདས་ལ་བཀུར་སྟི་བགྱིད་ན། འདི་ལྟར་བཅོམ་ལྡན་འདས་ནི་ཡོངས་སུ་མྱ་ངན་ལས་འདས་ན། ད་བདག་གིས་གང་ཞིག་ལ་བཀུར་སྟི་བགྱི་ལགས།
D6.011.0305a04.01དེ་ལྟ་བས་ན་བདག་ལ་བཅོམ་ལྡན་འདས་ཉིད་ཀྱིས་བཅོམ་ལྡན་འདས་ཀྱི་བསྟན་པ་གཏད་དོ་ཞེས་སྨྲས་ནས། བློན་པོ་ལ་ཤེས་ལྡན་འཕགས་པ་འོད་སྲུང་ཆེན་པོའི་དགོས་པ་ཐམས་ཅད་སྦྱོར་ཅིག་ཅེས་བསྒོའོ། །ཚེ་དང་ལྡན་པ་འོད་སྲུང་ཆེན་པོས་སྨྲས་པ། རྒྱལ་པོ་ཆེན་པོ་བཅོམ་ལྡན་
D6.011.0305a05.01འདས་ནི་ཡུལ་མ་ག་དྷཱར་བྱང་ཆུབ་སྟེ། དེར་བཅོམ་ལྡན་འདས་ཀྱིས་ཆོས་ཀྱི་སྐུ་བརྙེས་པ། དགེ་སློང་གི་དགེ་འདུན་རྣམས་ལམ་དུ་ཞུགས་ཏེ་ལྷའི་གནས་འདིར་ཆོས་ཀྱི་ཚུལ་བགྲོ་བར་འཚལ་ལགས་སོ། །དེས་སྨྲས་པ། འཕགས་པ་ལེགས་ཀྱིས་བདག་གིས་དགེ་སློང་གི་དགེ་འདུན་
D6.011.0305a06.01ལ་ཡོ་བྱད་ཐམས་ཅད་བསྟབས་པར་བགྱིའོ། །དེ་ནས་ཚེ་དང་ལྡན་པ་འོད་སྲུང་ལ་སོགས་པ་དགྲ་བཅོམ་པ་ལྔ་བརྒྱ་པོ་རྣམས་མདོ་སྡེ་དང་། འདུལ་བ་དང་། ཆོས་མངོན་པ་བསྡུ་བར་བྱ་བའི་ཕྱིར་རྒྱལ་པོའི་ཁབ་ཏུ་ཕྱིན་པ་དང་། ཡུལ་མ་ག་དྷཱའི་རྒྱལ་པོ་ལུས་འཕགས་མའི་བུ་མ་སྐྱེས་
D6.011.0305a07.01