完整藏文原文 · 德格版页 当前仅加载第 11 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
བཟང་པོར་སྣང་དུ་ཞུགས་ཏེ། དེ་ནས་བརྒྱ་བྱིན་ལྷའི་དབང་པོའི་ཁང་པ་རྣམ་པར་རྒྱལ་དུ་འགྲོ་བར་བརྩམས་པ་དང་། དེར་གནོད་སྦྱིན་ལག་ན་རྡོ་རྗེ་ལ་སོགས་པ་གནོད་སྦྱིན་དུ་མ་དང་། ལྷ་སྟོང་གིས་བཟུང་བ་དང་། དེ་མྱུར་དུ་མགྱོགས་པར་གྲོང་ཁྱེར་བཟང་པོར་སྣང་ནས་བྱུང་སྟེ།
D6.011.0149b01.01ཕྱོགས་གཞན་ཞིག་ཏུ་རིང་ཞིག་ངུས་ནས་མདོར་ན་ཡི་ཆད་པར་གྱུར་ཏེ་གནོད་སྦྱིན་རྣམས་ཀྱི་བདག་པོ་ངལ་བསོ་པོའི་དྲུང་དུ་སོང་ནས་རྡོ་ལེབ་ལ་བདག་གི་ལུས་བརྡབས་ནས་ཀྱི་ཧུད་བུ། ཀྱི་ཧུད་ཕ། ཀྱི་ཧུད་དགའ་བྱེད་ཅེས་སྨྲེ་ཞིང་སྨྲ་བ་སྟེ། སྡེ་དཔོན་ཆེན་པོ་སུས་ཕྲོགས་མི་དགའ་ན་བུ་
D6.011.0149b02.01སློང་ན་སྩལ་དུ་གསོལ་ཞེས་སྨྲས་པ་དང་། གནོད་སྦྱིན་གྱི་རྒྱལ་པོ་ཆེན་པོ་ངལ་བསོ་པོས་སྨྲས་པ། ཆེ་ཞེ་མྱ་ངན་ཐོང་ལ་མཆི་མ་ཕྱིས་ཤིག །ཁྱོད་ཀྱི་གནས་སུ་ཉིན་པར་གནས་ཤིང་སུ་འོངས་པ་སོམས་ཤིག་ཅེས་སྨྲས་པ་དང་། དེས་སྨྲས་པ། སྡེ་དཔོན་དགེ་སྦྱོང་གཽ་ཏ་མ་ལགས་སོ། །
D6.011.0149b03.01དེས་དེ་སོང་ལ་བཅོམ་ལྡན་འདས་ལ་སྐྱབས་སུ་སོང་ཤིག་དང་ཁྱོད་ལ་བུ་དགའ་བྱེད་དེ་བཅོམ་ལྡན་འདས་ཀྱིས་སྟོན་ཏོ་ཞེས་སྨྲས་པ་དང་། དེ་སྲོག་སྟོར་བ་ལས་སླར་རྙེད་པ་བཞིན་དུ་རིངས་ཤིང་མྱུར་དུ་རང་གི་གནས་སུ་སོང་བ་དང་། གནོད་སྦྱིན་མ་འཕྲོག་མས་སངས་རྒྱས་བཅོམ་ལྡན་འདས་སྐྱེས་བུ་
D6.011.0149b04.01ཆེན་པོའི་མཚན་སུམ་བཅུ་རྩ་གཉིས་ཀྱིས་བརྒྱན། དཔེ་བྱད་བཟང་པོས་སྐུ་སྤྲས། ཉི་ཟེར་སྟོང་ལས་འདས་པའི་འོད་འདོམ་གང་གིས་བརྒྱན་པ། རིན་པོ་ཆེའི་རི་འགྲོ་བ་བཞིན་ཁོ་ར་ཁོར་ཡུག་ནས་བཟང་བ་མཐོང་མ་ཐག་ཏུ་དགའ་བ་སྐྱེས་ཏེ་བུ་དགའ་བྱེད་རྙེད་དོ་སྙམ་ནས་བཅོམ་ལྡན་
D6.011.0149b05.01འདས་ག་ལ་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་གནོད་སྦྱིན་མོ་འཕྲོག་མས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཀྱེ་གཽ་ཏ་མ་ཁྱོད་ཀྱིས་བདག་གི་བུ་དགའ་བྱེད་
D6.011.0149b06.01བསྟན་དུ་གསོལ། བདག་གི་བུ་དགའ་བྱེད་མ་མཐོང་ནས་རིང་ཞིག་ལོན་ནོ་ཞེས་སྨྲས་པ་དང་། བཅོམ་ལྡན་འདས་ཀྱིས་གནོད་སྦྱིན་མོ་འཕྲོག་མ་ལ་འཕྲོག་མ་ཁྱོད་ལ་བུ་མང་ཞེ་ན་ཇི་སྙེད་ཡོད་ཅེས་སྨྲས་པ་དང་། དེས་སྨྲས་པ། བཅོམ་ལྡན་འདས་བུ་ལྔ་བརྒྱ་མཆིས་སོ། །བཅོམ་ལྡན་
D6.011.0149b07.01