完整藏文原文 · 德格版页 当前仅加载第 11 函德格 199a 版页；藏文 NFD、目录标记与异常页序保留在来源切片中，重复版页行以稳定序号区分。
འདུག་པ་དང་ཇི་ཙམ་ན་དགེ་སློང་དག་ཅིག་ཕྱོགས་དེར་འོངས་ཏེ། དེ་དག་གིས་དེ་མཐོང་ནས། དེ་དག་ལས་གཅིག་ཅིག་སེམས་ངེས་པ་ཞིག་སྟེ། དེས་སྨྲས་པ། ཚེ་དང་ལྡན་པ་དག་འདི་ན་དགེ་སློང་རྒན་ཞུགས་ཞིག་འདུག་གིས་ཁྲུས་བྱའོ། །
D6.011.0199a01.01དེ་དག་གིས་སྨྲས་པ་ལེགས་ཀྱིས་དེ་བཞིན་དུ་བྱའོ། །དེ་དག་དེའི་དྲུང་དུ་སོང་སྟེ། རྒན་ཞུགས་ཚུར་ཤོག་ཁྲུས་བྱའོ་ཞེས་སྨྲས་སོ། །དེས་མགོ་འདྲིལ་བ་དང་། དེ་དག་གིས་དེའི་དཔུང་པ་ནས་བཟུང་སྟེ་བསླང་ངོ་། །དེས་སྨྲས་པ། དགེ་སློང་ཤཱཀྱའི་བུ་མི་
D6.011.0199a02.01གཙང་བ་ཁྲུས་མ་བྱས་པ་དག་གིས་ཁྲུས་བྱས་པ་ལ་རེག་གོ། །དེ་དག་གིས་སྨྲས་པ། ངེད་ནི་དགེ་སྦྱོང་ཤཱཀྱའི་བུ་དག་ཡིན་ནོ། །རྒན་ཞུགས་ཁྱོད་ལྟ་བུ་སུ་ཞིག །དེས་སྨྲས་པ། བདག་ནི་འཚོ་བ་པའོ། །དེ་དག་གིས་སྨྲས་པ། ཀྱེ་འཚོ་བ་པ་ཁྱོད་སུས་ཁྲུས་བྱས་
D6.011.0199a03.01ཞེས་དེའི་སྐབས་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་དེ་ལྟ་བས་ན་དེའི་ཕྱིར་དགེ་སློང་རྣམས་ཀྱིས་བསྲོ་གང་དུ་ཁྲུས་བྱེད་པའི་ཚེ་སྒོ་སྲུངས་དག་གཞག་པར་བྱ་ཞིང་ནང་དུ་འོང་བའི་དགེ་སློང་དག་གི་
D6.011.0199a04.01མིང་དྲི་བར་བྱའོ། །དེ་དག་གིས་དགེ་སློང་མིང་ཤེས་པ་ཡང་དྲི་བར་བརྩམས་པ་དང་། བཅོམ་ལྡན་འདས་ཀྱིས་བཀའ་སྩལ་པ། ངོ་ཤེས་པའི་དགེ་སློང་དག་གི་མིང་ནི་མ་འདྲི་ཤིག །སངས་རྒྱས་བཅོམ་ལྡན་འདས་ཀོ་ས་ལ་ནས་ལྗོངས་རྒྱུ་ཞིང་གཤེགས་པ་ན། འདོད་
D6.011.0199a05.01པ་མཐུན་པར་བྱོན་ནས་འདོད་པ་མཐུན་པ་ན་འདོད་པ་མཐུན་པའི་ནགས་ཁྲོད་ན་བཞུགས་སོ། །དེ་ནས་ཡང་དེའི་ཚེ་བྲམ་ཟེ་པད་མའི་སྙིང་པོ་ཞེས་བྱ་བ་ལ་ཀོ་ས་ལའི་རྒྱལ་པོ་གསལ་རྒྱལ་གྱིས་དཔྱ་རྒྱུ་རྩྭ་དང་། ཤིང་དང་། ཆུར་བཅས་པ་བྲམ་ཟེའི་སྦྱིན་མཐོངས་སུ་བྱིན་ནས་ཤས་
D6.011.0199a06.01ཆེན་པོ་རྒྱས་པ་ལ་ལོངས་སྤྱོད་དོ། །བྲམ་ཟེ་པད་མའི་སྙིང་པོའི་སློབ་མ་བྲམ་ཟེ་ཁྱེའུ་མ་སྡུག་ཅེས་བྱ་བ་མང་དུ་ཐོས་པ་ཚིག་གསལ་བ་ཐགས་ཐོགས་མེད་པ་ཞིག་ཡོད་དེ། བྲམ་ཟེ་པད་མའི་སྙིང་པོའི་བྲམ་ཟེའི་ཁྱེའུ་ལྔ་བརྒྱ་ཙམ་ལ་བྲམ་ཟེ་རྣམས་ཀྱི་གསང་ཚིག་འདོན་དུ་འཇུག་གོ། །
D6.011.0199a07.01