完整藏文原文 · 德格版页 当前仅加载第 11 函德格 264b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་བཤད་ན་ཆོས་ཐོས་པས་ཡིད་དགའ་བར་འགྱུར་རོ། །དགེ་སློང་དག་གཞན་ཡང་དགེ་སློང་ཀུན་དགའ་བོ་ལ་ངོ་མཚར་རྨད་དུ་བྱུང་བའི་ཆོས་བཞི་ཡོད་དེ། བཞི་གང་ཞེ་ན། གལ་ཏེ་དགེ་སློང་ཀུན་དགའ་བོ་དགེ་སློང་གི་འཁོར་རྣམས་ལ་ཆོས་སྟོན་ན་གུས་པར་བྱས་ཏེ་སྟོན་གྱི་མ་གུས་པས་
D6.011.0264b01.01མ་ཡིན་ནོ། །དེ་ནས་དགེ་སློང་གི་འཁོར་རྣམས་འདི་སྙམ་དུ་སེམས་ཏེ། ཀྱེ་མ་ཚེ་དང་ལྡན་པ་ཀུན་དགའ་བོ་མི་སྨྲ་བར་མི་འདུག་ཅིང་ཆོས་ཁོ་ན་འཆད་ཀྱང་ཅི་མ་རུང་སྙམ་ནས་དགེ་སློང་གི་འཁོར་རྣམས་དགེ་སློང་ཀུན་དགའ་བོ་ལ་ཆོས་ཉན་པས་མི་ངོམས་མོད་ཀྱི། འོན་ཀྱང་དགེ་སློང་ཀུན་དགའ་
D6.011.0264b02.01བོ་ཅང་མི་སྨྲའོ། །གལ་ཏེ་དགེ་སློང་མའི་འཁོར་རྣམས་དང་། དགེ་བསྙེན་གྱི་འཁོར་དང་། དགེ་བསྙེན་མའི་འཁོར་རྣམས་ལ་དགེ་སློང་ཀུན་དགའ་བོ་ཆོས་སྟོན་ན་གུས་པར་བྱས་ཏེ་སྟོན་གྱི་མ་གུས་པས་ནི་མ་ཡིན་ནོ། །དེ་ནས་དགེ་བསྙེན་གྱི་འཁོར་ལ་སོགས་པ་འདི་སྙམ་དུ་སེམས་ཏེ།
D6.011.0264b03.01ཀྱེ་མ་ཚེ་དང་ལྡན་པ་ཀུན་དགའ་བོ་མ་སྨྲེ་བར་མི་འདུག་ཅིང་ཆོས་ཁོ་ན་འཆད་ཀྱང་ཅི་མ་རུང་སྙམ་ནས་དགེ་བསྙེན་གྱི་འཁོར་ལ་སོགས་པ་དགེ་སློང་ཀུན་དགའ་བོ་ལ་ཆོས་ཉན་པས་མི་ངོམས་མོད་ཀྱི། འོན་ཀྱང་དགེ་སློང་ཀུན་དགའ་བོ་ནི་ཅང་མི་སྨྲ་བར་འདུག་གོ། །དེ་ནས་ཚེ་དང་ལྡན་པ་
D6.011.0264b04.01ཀུན་དགའ་བོ་བཅོམ་ལྡན་འདས་ཀྱིས་ཡང་དག་པར་དགའ་བར་མཛད་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་ཅིའི་སླད་དུ་འཇིག་རྟེན་ཐ་དད་པ་གྲོང་ཁྱེར་ཆེན་པོ་དྲུག་པོ་གང་དག་མཉན་ཡོད་དང་། གནས་བཅས་དང་། ཙམ་པ་དང་། བཱ་རཱ་ཎ་སཱི་དང་།
D6.011.0264b05.01ཡངས་པ་ཅན་དང་། རྒྱལ་པོའི་ཁབ་ལ་སོགས་པ་གྲོང་ཁྱེར་ཆེན་པོ་དྲུག་པོ་འདི་ལྟ་བུ་སྤངས་ནས་གང་གྲོང་ཁྱེར་ངན་པ་དང་། དགོན་དུང་དང་། མཁར་ངན་པ་དང་། གྲོང་ཁྱེར་གྱི་ཡལ་ག་དང་། གྲོང་ཁྱེར་གྱི་ཐོ་ཤུལ་ཙམ་འདིར་མྱ་ངན་ལས་འདའ་བར་དགོངས། ཀུན་དགའ་
D6.011.0264b06.01བོ་ཁྱོད་གྲོང་ཁྱེར་རྩྭ་ཅན་འདི་ལ་གྲོང་ཁྱེར་ངན་པ་ཞེའམ། དགོན་དུང་ཞེའམ། མཁར་ངན་པ་ཞེའམ། གྲོང་གི་ཡན་ལག་ཅེའམ། གྲོང་ཁྱེར་གྱི་ཐོ་ཤུལ་ཙམ་ཞེས་མ་སྨྲ་ཤིག །དེ་ཅིའི་ཕྱིར་ཞེ་ན། ཀུན་དགའ་བོ་སྔོན་བྱུང་བ་གྲོང་ཁྱེར་རྩྭ་ཅན་འདི་རྒྱལ་པོ་ཀུ་ཤ་ཅན་ཞེས་བྱ་བའི་
D6.011.0264b07.01