完整藏文原文 · 德格版页 当前仅加载第 11 函德格 276a 版页；藏文 NFD、目录标记与异常页序保留在来源切片中，重复版页行以稳定序号区分。
བལ་གྱི་འདའ་བས་དཀྲི་ཞིང་ཤིང་བལ་གྱི་འདའ་བས་དཀྲིས་ནས་རས་ཟུང་ལྔ་བརྒྱས་གཡོག་པར་བྱ། རས་ཟུང་ལྔ་བརྒྱས་གཡོགས་ཏེ་ལྕགས་ཀྱི་སྒྲོམ་དུ་བཅུག་ནས་འབྲུ་མར་གྱིས་བཀང་སྟེ་སྟེང་ནས་ལྕགས་ཀྱི་ཁ་གབ་གཉིས་ཀྱིས་བཀབ་ནས་དྲི་ཞིམ་པོའི་ཤིང་ཐམས་ཅད་
D6.011.0276a01.01སྤུངས་ཏེ། དེས་བསྲེགས་ནས་མེ་དེ་དག་འོ་མས་བསད་དེ་དེའི་རུས་པ་གསེར་གྱི་བུམ་པའི་ནང་དུ་བཅུག་ནས་ལམ་པོ་ཆེའི་བཞི་མདོར་རུས་པའི་མཆོད་རྟེན་བརྩིགས་ནས་གདུགས་དང་། རྒྱལ་མཚན་དང་། བ་དན་བཙུགས་ཏེ། དྲི་དང་། ཕྲེང་བ་དང་། བདུག་པ་དང་། ཕྱེ་མ་དང་། རོལ་མོའི་
D6.011.0276a02.01སྒྲས་བཀུར་སྟིར་བྱེད། བླ་མར་བྱེད། རི་མོར་བྱེད། མཆོད་པར་བྱེད་ཅིང་དུས་སྟོན་ཆེན་པོ་ཡང་བྱེད་དོ། །ཀུན་དགའ་བོ་འཁོར་ལོས་སྒྱུར་བའི་རྒྱལ་པོ་ལ་བྱ་བ་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་དེ་བས་ཀྱང་ལྷག་པར་བྱའོ། །ཀུན་དགའ་བོ་སོང་
D6.011.0276a03.01ལ་གྲོང་ཁྱེར་རྩྭ་ཅན་གྱི་གྱད་རྣམས་ལ་གནས་འཇོག་དག་ཁྱེད་ཀྱི་སྟོན་པ་ནི་དེང་གི་མཚན་མོའི་གུང་ཐུན་ལ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་ཡོངས་སུ་མྱ་ངན་ལས་འདའ་བར་འགྱུར་བས་གྱད་ཁྱེད་ཀྱི་བྱ་བ་དང་སྒྲུབ་པ་དག་དེར་བྱོས་ལ། ད་ཕྱིན་ཆད་གྲོང་གི་ཉེན་ཀོར་པ་བདག་
D6.011.0276a04.01ཅག་གི་སྟོན་པ་ཕུང་པོ་ལྷག་མ་མེད་པའི་མྱ་ངན་ལས་འདས་པའི་དབྱིངས་སུ་མྱ་ངན་ལས་འདས་ཏེ། བདག་ཅག་གིས་དེ་ལ་བལྟ་བ་དང་བསྙེན་བཀུར་བྱ་བའི་ཕྱིར་འགྲོ་མ་ནུས་སོ་ཞེས་འགྱོད་པར་མ་བྱེད་ཅིག་ཅེས་སྨྲོས་ཤིག །བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་
D6.011.0276a05.01ཀྱི་ལྟར་མཉན་ནས་སྣམ་སྦྱར་བླངས་ཏེ། དགེ་སློང་གཞན་དག་དང་། ཕྱི་བཞིན་འབྲང་བའི་དགེ་སྦྱོང་དང་བཅས་ཏེ། གྲོང་ཁྱེར་རྩྭ་ཅན་གྱི་གྱད་རྣམས་ཀྱི་འདུན་ཁང་ག་ལ་བར་སོང་སྟེ། ཕྱིན་པ་དང་། དེའི་ཚེ་གྲོང་ཁྱེར་རྩྭ་ཅན་གྱི་གྱད་རྣམས་ཀྱི་འདུན་ཁང་ན་གྱད་ལྔ་བརྒྱ་ཙམ་ཞིག་བྱ་བ་དག་
D6.011.0276a06.01ཅིག་གི་དོན་དུ་འདུས་ཤིང་འདུག་པར་གྱུར་ཏོ། །དེ་ནས་ཚེ་དང་ལྡན་པ་ཀུན་དགའ་བོས་རྩྭ་ཅན་གྱི་གྱད་རྣམས་ལ་འདི་སྐད་ཅེས་སྨྲས་སོ། །ཀྱེ་གྲོང་ཁྱེར་རྩྭ་ཅན་གྱི་གྱད་ཀྱི་འཁོར་མང་པོ་ཚོགས་ཤིང་འདུས་པ་ཤེས་ལྡན་གནས་འཇོག་དག་ཉོན་ཅིག །སྟོན་པ་ནི་དེང་གི་མཚན་མོའི་གུང་
D6.011.0276a07.01