完整藏文原文 · 德格版页 当前仅加载第 11 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་སྟེ། འོད་སྲུང་རྫོགས་བྱེད་དང་། ཀུན་དུ་རྒྱུ་གནག་ལྷས་ཀྱི་བུ་དང་། སྨྲ་འདོད་ཀྱི་བུ་མོའི་བུ་ཡང་དག་རྒྱལ་བ་ཅན་དང་། མི་ཕམ་སྐྲའི་ལ་བ་ཅན་དང་། ཀ་ཏྱའི་བུ་ནོག་ཅན་དང་། གཅེར་བུ་པ་གཉེན་གྱི་བུ་རྣམས་ཀྱི་རང་རང་གི་ཁས་འཆེས་ཤིང་། སོ་སོར་
D6.011.0281a01.01རིག་པ་དག་གོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་སྐད་ཅེས་བཀའ་སྩལ་ཏོ། །རབ་བཟང་ངས་ནི་ན་ཚོད་ཉི་ཤུ་དགུ་ལོན་ཏེ། །རབ་ཏུ་བྱུང་ནས་ལོ་གྲངས་ལྔ་བཅུ་ལྷག་གཅིག་ཏུ། །དགེ་བ་གང་ཡིན་ཅི་ཞེས་བཙལ་བར་བྱས་གྱུར་ཅིང་། །རབ་བཟང་ངས་ནི་རབ་ཏུ་
D6.011.0281a02.01བྱུང་བ་དེ་ཡི་ཚེ། །ཚུལ་ཁྲིམས་དང་ནི་ཏིང་འཛིན་སྤྱོད་པ་རྣམ་རིག་དང་། །ང་ཡིས་རྩེ་གཅིག་སེམས་ནི་ཀུན་དུ་བསྒོམ་བྱས་ཏེ། །རིགས་པའི་ཆོས་ནི་ཕྱོགས་ཙམ་བཤད་པར་བྱས་གྱུར་ན། །འདི་ལས་ཕྱི་རོལ་དག་ན་དགེ་སྦྱོང་གཞན་ཡང་མེད། །རབ་བཟང་ཆོས་འདུལ་བ་གང་ལ་འཕགས་པའི་ལམ་
D6.011.0281a03.01ཡན་ལག་བརྒྱད་པ་མི་སྣང་བ་དེ་ལ་དགེ་སྦྱོང་དང་པོ་ཡང་མི་སྣང་བར་འགྱུར་རོ། །གཉིས་པ་དང་། གསུམ་པ་དང་། དགེ་སྦྱོང་བཞི་པ་ཡང་མི་སྣང་བར་འགྱུར་རོ། །རབ་བཟང་ཆོས་འདུལ་བ་གང་ལ་འཕགས་པའི་ལམ་ཡན་ལག་བརྒྱད་པ་སྣང་བ་དེ་ལ་དགེ་སྦྱོང་དང་པོ་ཡང་སྣང་བར་འགྱུར་རོ། །གཉིས་
D6.011.0281a04.01པ་དང་། གསུམ་པ་དང་། དགེ་སྦྱོང་བཞི་པ་ཡང་སྣང་བར་འགྱུར་རོ། །རབ་བཟང་ཆོས་འདུལ་བ་གང་ལ་འཕགས་པའི་ལམ་ཡན་ལག་བརྒྱད་པ་སྣང་ན་དགེ་སྦྱོང་དང་པོ་ནི་འདི་ཡིན་ནོ། །གཉིས་པ་ནི་འདི་ཡིན་ནོ། །གསུམ་པ་ནི་འདི་ཡིན་ཏེ། དགེ་སྦྱོང་བཞི་པ་འདི་ལས་ཕྱི་རོལ་ན་དགེ་སྦྱོང་ངམ་བྲམ་
D6.011.0281a05.01ཟེ་མེད་དེ། ཕས་ཀྱི་རྒོལ་བའི་དགེ་སྦྱོང་དང་། བྲམ་ཟེ་རྣམས་ཀྱིས་སྟོང་ངོ་ཞེས་འདི་ལྟར་འཁོར་རྣམས་ལ་ང་སེང་གེའི་སྒྲ་ཡང་དག་པར་སྒྲོགས་སོ། །ཆོས་ཀྱི་རྣམ་གྲངས་འདི་བཤད་པས་ཀུན་དུ་རྒྱུ་རབ་བཟང་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བར་གྱུར་ཏོ། །དེ་ནས་ཀུན་དུ་
D6.011.0281a06.01རྒྱུ་རབ་བཟང་ཆོས་མཐོང་བ་དང་། ཆོས་ཐོབ་པ་དང་། ཆོས་རྟོགས་པ་དང་། ཆོས་ཀྱི་གཏིང་སླེབས་ཏེ། སོམ་ཉི་ལས་རྒལ་བ་དང་། ཐེ་ཚོམ་ལས་རྒལ་བ་དང་། གཞན་གྱིས་མི་བཀྲི་བ་དང་། གཞན་གྱིས་ཁ་དྲང་དུ་མི་རུང་བ་དང་། སྟོན་པས་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས་
D6.011.0281a07.01