完整藏文原文 · 德格版页 当前仅加载第 11 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
མ་མ་ཁྱོད་ཀྱིས་བདག་སྲིན་པོ་ལ་ཕུལ་ཏེ། དེས་བདག་ལ་ཉིན་གཅིག་བཞིན་དུ་དབྱུག་པ་དང་། ཐལ་མོས་རྡེག་ན་ཇི་ལྟར་བྱ་མ་ཤེས་སོ། །བུ་མོ་ནམ་ཁྱོད་ལ་བུ་མ་བྱུང་གི་བར་དུ་ཁྱོད་ལ་ཁོ་རྡེག་གོ། །ཁྱོད་ཀྱང་བུ་མཐུར་གྱུར་པ་དང་། ཁྱིམ་དེ་ཡང་ཁྱོད་ཉིད་དབང་བྱེད་ཀྱིས་མི་དགའ་བར་མ་བྱེད་
D6.011.0128b01.01ཅིག །དེ་དུས་ཕྱི་ཞིག་ན་དེ་སེམས་ཅན་དང་ལྡན་པར་གྱུར་ནས་ཁྱེའུ་ཐ་ག་པ་དེ་མོ་ལ་བྱམས་པར་གྱུར་ཏོ། །མོ་ཡང་དེ་ལ་བརྙས་པར་བྱེད་དོ། །དེས་ཀྱང་སྡོད་ཅིག་ཅེས་བྱས་ནས་མནགས་སོ། །དེ་ནས་དུས་ཕྱི་ཞིག་ན་ཁྱེའུ་དེ་ཐ་ག་པའི་གྲོགས་པོ་རྣམས་ཀྱིས་ཆང་མང་དུ་བླུད་པས་ར་རོ་ནས་སྨྱོ་ཞིང་
D6.011.0128b02.01ཁྱིམ་དུ་འོངས་སོ། །དེ་ཡང་སྒོ་བཅད་དེ་བུ་འབྱུང་ཞིང་འདུག་པའི་ཚེ་དེས་སྒོ་ཕྱེ་ཞེས་བྱས་ན་དེ་བུ་འབྱུང་བའི་སྡུག་བསྔལ་གྱིས་ཀུན་ཏུ་གཟེར་བས་སྒོ་མ་ཕྱེ་བ་དང་། དེ་རབ་ཏུ་ཁྲོ་བ་སྐྱེས་ནས་ཕྱོགས་གཅིག་ཏུ་སོང་སྟེ་འདུག་གོ། །དེས་བུ་བྱུང་ནས་སྒོ་ཕྱེ་བ་དང་དེ་ནང་དུ་འོངས་པ་ལ་དེས་གུས་པར་བྱས་ཏེ་སྨྲས་
D6.011.0128b03.01པ། ཇོ་བོ་དགྱེས་པར་མཛོད་ཅིག །ཁྱོད་ཀྱི་བུ་ཕོ་ཞིག་བཙས་སོ། །དེས་དེ་ལ་ཁྲོ་བས་ཀུན་ཁེབས་པ་དང་ནི་མ་བྲལ་གྱི་གནོད་སེམས་ཀྱིས་ཀུན་དུ་ཁེབས་པར་གྱུར་ཏེ། དེས་འདི་བུ་མ་བྱུང་བས་ཀྱང་བདག་ལ་བརྙས་པར་བྱེད་ན། གང་གི་ཚེ་འདིའི་བུ་སྐྱེས་པར་གྱུར་ན་འདི་དང་བུས་བསྡོངས།
D6.011.0128b04.01ནས་བདག་ལ་གདོན་མི་ཟ་བར་གསོད་པར་བྱེད་དོ་སྙམ་དུ་བསམས་ནས་དེས་སྨྲས་པ། བཟང་མོ་ཐབ་ཏུ་མེ་བུས་ལ་ཟངས་ཚུགས་ཤིག །དེས་ཐབ་ཏུ་མེ་བུས་ཏེ་ཟངས་བཙུགས་པ་དང་སྨྲས་པ། ཡུངས་མར་ལུགས་ལ་སྐོལ་ཅིག །དེས་ཡུངས་མར་བླུགས་ཏེ་བསྐོལ་བ་དང་། དེས་བུ་
D6.011.0128b05.01ཆུང་འདིར་ཆུག་ལ་སྐོལ་ཅིག་ཅེས་སྨྲས་པ་དང་མོས་ཇོ་བོ་འདི་ནི་ཁྱོད་ཉིད་ཀྱི་བུ་ཡིན་ན་འདིར་ཅི་ཞིག་ཉེས་གཞོན་ནུར་མ་བསད་ཅེས་སྨྲས་པ་དང་། དེས་དེ་ལ་དབྱིག་པས་བརྡེགས་སོ། །བདག་ལས་སྡུག་པ་མེད་པས་དེས་སྐྲག་སྟེ། དེ་ཡུངས་མར་ཁོལ་བའི་ནང་དུ་བཅུག་པ་དང་དུས་ལས་
D6.011.0128b06.01འདས་སོ། །ནམ་དེ་ཚོས་པར་གྱུར་པ་ན་དེས་སྨྲས་པ། ད་ཕྱུང་ཞེས་བསྒོ་བ་དང་། དེས་དེ་ཕྱུང་བ་དང་། སྨྲས་པ། ཟོ་ཤིག་ཅེས་བསྒོའོ། །དེས་སྨྲས་པ། ཇོ་བོ་བུའི་ཤ་ཇི་ལྟར་བཟའ་ཞེས་སྨྲས་པ་དང་། དེས་དེ་ཉིད་ཀྱི་ལུས་ཐམས་ཅད་དུ་བརྡེགས་རབ་ཏུ་བརྡེགས་པ་དང་།
D6.011.0128b07.01