完整藏文原文 · 德格版页 当前仅加载第 11 函德格 175b 版页；藏文 NFD、目录标记与异常页序保留在来源切片中，重复版页行以稳定序号区分。
དོགས་པའི་གནས་གསུམ་གྱིས་དགག་དབྱེ་བྱའོ་ཞེས་བཀའ་སྩལ་པ་དང་། དབྱར་གནས་པའི་དགེ་སློང་གིས་དགེ་འདུན་ལ་གནས་གསུམ་གྱིས་དགག་དབྱེ་བྱས་ནས་ཡང་གསོ་སྦྱོང་བྱེད་དོ། །དེ་ལས་ཁ་ཅིག་གིས་སྨྲས་པ། ཚེ་དང་ལྡན་པ་དག་རྣམ་པར་དག་པར་བྱ་བའི་ཕྱིར་གསོ་
D6.011.0175b01.01སྦྱོང་བྱ་བ་ཇི་ལྟ་བར་དགག་དབྱེ་ཡང་དེ་ལྟ་བུ་ཡིན་པར་བདག་གིས་མཐོང་ངོ་། །དེའི་ཕྱིར་གསོ་སྦྱོང་གང་ཡིན་པ་དེ་ནི་དགག་དབྱེ་ཡང་ཡིན་ནོ། །གཞན་དག་གིས་སྨྲས་པ། གསོ་སྦྱོང་ཡང་གཞན་ལ་དགག་དབྱེ་ཡང་གཞན་ཡིན་ནོ་ཞེས་བྱ་བའི་སྐབས་དེ་བཅོམ་ལྡན་འདས་ལ་གསོལ་
D6.011.0175b02.01ཏོ། །བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་གསོ་སྦྱོང་ཡང་གཞན་ལ། དགག་དབྱེ་ཡང་གཞན་པ་བདེན་མོད་ཀྱི་དགག་དབྱེ་ལས་གསོ་སྦྱོང་གཞན་དུ་བྱར་མེད་པས་དེའི་ཕྱིར་དགེ་སློང་དགག་དབྱེ་བྱས་ནས་གསོ་སྦྱོང་བྱ་མི་དགོས་སོ། །འདི་ལྟར་རྣམ་པར་
D6.011.0175b03.01དག་པའི་ཕྱིར་གསོ་སྦྱོང་བྱ་བ་ཡིན་ལ་དགག་དབྱེ་ཡང་ཐམས་ཅད་དུ་རྣམ་པར་དག་པ་ཉིད་ཡིན་པའི་ཕྱིར་རོ། །གླེང་གཞི་ནི་མཉན་ཡོད་ནའོ། །དགེ་སློང་དག་འཁོན་ཡོད་པས་སེམས་མཉམ་པར་འཇོག་པ་བཏང་སྟེ་གཅིག་ལ་གཅིག་གླགས་ཚོལ་ཞིང་དགག་དབྱེ་བྱེད་པའི་ཚེ་དགེ་
D6.011.0175b04.01འདུན་གྱི་ནང་དུ་ཞུགས་ནས། དེ་དག་དགེ་འདུན་གྱི་ནང་དེར་གཅིག་ལ་གཅིག་འགྲན་བྱེད་ཅིང་ཚུལ་ཁྲིམས་ཉམས་པ་དང་། ལྟ་བ་ཉམས་པ་དང་། ཆོ་ག་ཉམས་པ་དང་། འཚོ་བ་ཉམས་པ་དག་གླེང་བར་བྱེད་ཅིང་དེ་དག་གཞན་དུ་གཏམ་འདྲེས་པ་དང་། ཕེབས་པར་སྨྲ་བ་
D6.011.0175b05.01དང་། སྨོན་འགྲིན་དང་། གྲོགས་བཤེས་དང་། སློབ་དཔོན་དང་། མཁན་པོ་དང་། སློབ་དཔོན་གཅིག་པ་དང་། མཁན་པོ་གཅིག་པ་རྣམས་ཕྱོགས་ཕྱོགས་སུ་ཆད་ནས་འདུག་གོ། །དེའི་ཚེ་དགེ་འདུན་གྱི་དབྱེན་ཆེན་པོར་གྱུར་ནས་དགེ་འདུན་ཅ་ཅོ་འདོན། དགེ་འདུན་
D6.011.0175b06.01གཉིས་སུ་གྱུར། དགེ་འདུན་མི་མཐུན་པར་གྱུར་པ་ན་དེ་དག་ལ་གཟུ་བོ་བྱེད་པ་རྣམས་ཀྱིས་ཚེ་དང་ལྡན་པ་དག་རྩོད་མི་དགོས་ཀྱིས་རབ་ཏུ་བྱུང་བའི་སེམས་སོ་སོར་ཐོབ་པར་གྱིས་ཤིག་ཅེས་འཆུགས་པར་བྱེད་དོ། །བཅོམ་ལྡན་འདས་ཀྱིས་ཀྱང་དགེ་སློང་དག་ཕྱོགས་གང་ན་དགེ་སློང་
D6.011.0175b07.01