完整藏文原文 · 德格版页 当前仅加载第 11 函德格 62b 版页；藏文 NFD、目录标记与异常页序保留在来源切片中，重复版页行以稳定序号区分。
མི་སེམས། རྒྱལ་པོ་སྐྱེད་པས་རྣམ་པ་འདི་ལྟ་བུ་དག་བསྒོའོ་ཞེས་སྨྲས་སོ། །ཇི་ལྟ་བུ་ཞེས་དྲིས་པ་དང་། གང་པོས་སྔ་མ་བཞིན་དུ་ཐམས་ཅད་ཞིབ་ཏུ་སྨྲས་པ་དང་། དེ་ནས་སྨན་ཆེན་པོས་སྨྲས་པ། ཕ་མི་དགའ་བར་མ་བྱེད་ཅིག །བདག་གིས་ཀུན་ནུས་པར་བྱའོ། །དེ་
D6.011.0062b01.01ནས་སྨན་ཆེན་པོས་འབྲས་ཉི་མ་ལ་བསྐམས་ནས་སྐྱེས་པ་དང་། བུད་མེད་ཕལ་པོ་ཆེ་སོགས་ཏེ་མི་གཅིག་ཀྱང་འབྲས་སྤར་རེ་རེ་བྱིན་ནས་སེན་མོས་ཤུས་ལ་མ་ཆག་པར་བྱོས་ཏེ་འབྲུ་རེ་རེ་ནས་སོལ་ཅིག །དེ་དག་གིས་མ་ཆག་པར་བསལ་ཏེ་རྫེའུར་བླུགས་ཏེ་སྒོའི་ཐེམ་པའི་སྟེང་དུ་བཙོས་
D6.011.0062b02.01ནས་མེས་ཀྱང་མ་ཡིན། མེ་མེད་པར་ཀྱང་མ་ཡིན་པར་ཚོས་ཤིག་པ་དེ་ནི་དེའི་ངོས་སུ་ནི་མེ་སྟེང་དུ་ནི་ཉི་མས་བཙོས་སོ། །ལམ་དུ་མ་ཡིན། ལམ་མ་ཡིན་པར་ཡང་མ་ཡིན་པར་ཁྱེར་ཏེ་ཤོག་ཤིག་པ་ནི་སྐྱེས་བུ་ལ་བསྒོ་བ། རྐང་པ་ཡ་གཅིག་ལམ་དུ་སོང་ལ་རྐང་པ་ཡ་གཅིག་ལམ་མ་ཡིན་པར་
D6.011.0062b03.01སོང་ཤིག །ཉི་མ་ལ་ཡང་མ་ཡིན། གྲིབ་མ་ལ་ཡང་ཁྱེར་ཏེ་མ་འོང་ཤིག་པ་ནི་མི་དེ་ལ་བསྒོ་བ་དབྱུག་པའི་རྩེ་མོ་ལ་རྫེའུ་ཆིངས་ལ་གོས་སྲབ་མོས་གཡོགས་ཏེ་སོང་ཤིག །བཞོན་པས་ཀྱང་མ་ཡིན། རྐང་པས་ཀྱང་མ་ཡིན་པར་ཁྱེར་ཏེ་ཤོག་ཤིག་པ་ནི་མི་དེ་ལ་བསྒོ་བ། རྐང་པ་ཡ་གཅིག་ལྷམ་
D6.011.0062b04.01གྱོན་ཡ་གཅིག་ལྷམ་མེད་པར་བྱོས་ལ་སོང་ཤིག །སྐྱེས་པས་ཀྱང་མ་ཡིན། བུད་མེད་ཀྱིས་ཀྱང་མ་ཡིན་པས་ཁྱེར་ཏེ་ཤོག་ཤིག་པ་ནི་མ་ནིང་ལ་བསྐུར་རོ། །རྒྱལ་པོ་སྐྱེད་པའི་དྲུང་དུ་དེས་ཁྱེར་ཏེ་འོངས་ནས། རྒྱལ་པོ་སྐྱེད་པས་མི་དེ་ལ་དྲིས་པ། དེས་རྒྱལ་པོ་ལ་ཞིབ་ཏུ་སྨྲས་པ་དང་།
D6.011.0062b05.01རྒྱལ་པོས་ཐོས་ནས་དགའ་སྟེ། ཅི་གང་པོས་བསྒོས་ཏེ་བསྐུར་རམ། འོན་ཏེ་སྨན་ཆེན་པོས་བསྒོ་ཞེས་དྲིས་པ་དང་། ཕོ་ཉས་སྨན་ཆེན་པོས་བསྐུར་རོ་ཞེས་སྨྲས་སོ། །དེ་ནས་རྒྱལ་པོས་སྨྲས་པ། སྨན་ཆེན་པོ་དེ་ནི་རྟོགས་པ་དང་། ལན་ལྡོན་པ་དང་། ཚུལ་དང་། ཆོ་ག་ལ་
D6.011.0062b06.01སོགས་པར་ལྡན་ནོ། །དེ་ནས་དུས་ཕྱིས་ཞིག་ན་ཕོ་ཉ་གཞན་ཞིག་བཏང་སྟེ་འདི་ལྟར་སྐྱེད་མོས་ཚལ་ལྡུམ་ར་དང་། བཟའ་ཤིང་དང་། རྫིང་བུ་ལྡན་པ་སྐུར་ཅིག་ཅེས་སྤྲིང་བ་དང་། དེ་ནས་ཕོ་ཉ་དེ་པཱུརྞ་ཀཙྪའི་གྲོང་རྡལ་དུ་ཕྱིན་པ་དང་། གང་པོ་ལ་རྒྱལ་པོས་འདི་སྐད་ཅེས་བཀའ་སྩལ་
D6.011.0062b07.01