完整藏文原文 · 德格版页 当前仅加载第 11 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མ་ཆུད་དེ། ཁྱོད་ཅག་ཅི་ཟེར་བ་བག་ཕོབ་ལ་བདག་གི་ཐོས་པར་སྨྲོས་ཤིག །རྒྱལ་པོ་ནི་བུད་མེད་(གྱི་,ཀྱི་)དབང་དུ་འགྲོ་བས་ན་བུད་མེད་ཨུ་དུམ་བཱ་རི་ཀས། ལྷ་ལ་ཇི་ལྟར་གྱུར་པ་ཀུན་ཞིབ་ཏུ་སྨྲས་སོ། །འདི་ནི་བདག་གི་ཁྱོ་ལགས་ཏེ། བདག་གི་ཕ་མས་འདིའི་ཆུང་མར་བྱིན་ནས་འདི་མཁས་པ་བྲམ་ཟེ་ཤེས་པ་དང་།
D6.011.0084b01.01ཤེས་པའི་ཡན་ལག་ཀུན་ཤེས་པའོ། །དེ་ནས་རྒྱལ་པོས་ལྷ་མོ་ལ་ཇི་ལྟར་བྱ། དེའི་སེམས་ཇི་ལྟར་མགུ་བར་བྱ། ཁྱོད་ཅི་དེ་དང་འགྲོགས་ཏེ་འགྲོ་བར་བྱའམ་ཞེས་སྨྲས་པ་དང་། དེས་ཇི་ལྟར་དེ་བདག་ལ་འདོད་པར་མི་འགྱུར་བ་དང་། དེའི་སྔགས་མ་རུངས་པས་མི་ཚུགས་པ་དང་། བྲམ་ཟེའི་སྔགས་ཀྱི་སྟོབས་
D6.011.0084b02.01སུ་མི་འགྱུར་བ་དེ་ལྟར་བདག་གིས་བགྱིའོ་ཞེས་སྨྲས་པ་དང་། དེ་ནས་རྒྱལ་པོ་སྐྱེད་པས་ཇི་ལྟར་གྱུར་པ་དེ་སྨན་ཆེན་པོ་ལ་སྨྲས་སོ། །སྨན་ཆེན་པོས་ལྷ་དང་ཇི་ལྟར་འབྲལ་བར་མི་འགྱུར་བ་དེ་ལྟར་བགྱིའོ་ཞེས་སྨྲས་པ་དང་། ཇི་ལྟར་བྱ། སྨན་ཆེན་པོས་བྲམ་ཟེ་འདི་ལྟར་ནུས་པ་ཆུང་ངུ་རྒྱ་མི་ཆེ་ལ་བཙུན་མོ་རྣམས་ཤིན་ཏུ་
D6.011.0084b03.01གཟི་བརྗིད་དང་ལྡན་པས་དེ་ལ་བདག་གིས་འདི་སྐད་ཅེས་བགྱིའོ། །དེ་བཙུན་མོ་རྣམས་ཀྱི་ནང་ནས་དེ་འདམ་དུ་བཅུག་དང་དེས་ངོ་མི་ཟིན་ཏོ་ཞེས་སྨྲས་ནས། དེ་ནས་སྨན་ཆེན་པོ་དང་རྒྱལ་པོ་ཤེས་པར་བྱས་ནས། བྲམ་ཟེ་དེ་བོས་ཏེ་མཁན་པོ་ཅི་ཚོལ། རྒྱལ་པོའི་ཕོ་བྲང་དུ་ཅིའི་ཕྱིར་འོངས་ཞེས་དྲིས་པ་དང་། དེས་
D6.011.0084b04.01སྨྲས་པ། བདག་གི་ཆུང་མ་རྒྱལ་པོ་སྐྱེད་པས་འདིར་ཁྲིད་པས་ན་དེ་ཚོལ་དུ་འོངས་སོ། །སྨན་ཆེན་པོས་སྨྲས་པ། ཁྱོད་རང་གི་ཆུང་མ་ངོ་ཤེས་སམ། གཟུགས་ངན་པོས་སྨྲས་པ། ཤེས་སོ། །སྨན་ཆེན་པོས་བཙུན་མོ་ལྔ་བརྒྱ་ཁྱོད་ཀྱི་མདུན་དུ་བཞག་ལ་དེ་རྣམས་ལས་བདག་རང་གི་མ་ཡིན་པ་བཙུན་མོ་གཞན་ཞིག་བཟུང་ན་
D6.011.0084b05.01མཚོན་གྱིས་ཁྱོད་ཀྱི་ལུས་དུམ་བུར་བྱའོ་ཞེས་བསྒོ་ན། དེ་བཞིན་དུ་བྱའོ་ཞེས་ཟེར་རོ། །དེ་ནས་རྒྱལ་པོ་སྐྱེད་པས་བཙུན་མོ་རྣམས་ལ་རྒྱན་ཐམས་ཅད་ཀྱིས་བཀླུབས་ལ་བདག་གི་དྲུང་དུ་ཤེག་ཤིག །རྒྱན་གྱི་ཁྱད་པར་ཡོད་པར་གྱིས་ཤིག་ཅེས་བསྒོའོ། །དེ་ནས་རྒྱལ་པོ་བཤོས་གསོལ་བའི་ལམ་སྣང་བའི་སར་བརྒྱ་བྱིན་གྱི་
D6.011.0084b06.01བཙུན་མོ་བཞིན་དུ་དངར་ནས། ཨུ་དུམ་བཱ་རི་ཀ་ལྷ་མོ་བཙུན་མོ་ཐམས་ཅད་ཀྱི་མདུན་དུ་བྱས་པ་ནི་ཇི་ལྟར་ལྷའི་བུ་མོ་རྣམས་ཀྱིས་བསྐོར་བ་བཞིན་རྒྱལ་པོའི་དྲུང་དུ་ལྷགས་པ་དང་། སྨན་ཆེན་པོས་བྲམ་ཟེ་དེ་མདུན་དུ་བཞག་ནས་ཁྱོད་རང་གི་ཆུང་མ་ངོ་ཤེས་ན་འདི་ནས་ཟུང་ཤིག་ཅེས་བསྒོ་བ་དང་། དེ་ནས་བྲམ་ཟེ་དེ་ཨུ་དུམ་བཱ་རི་
D6.011.0084b07.01