完整藏文原文 · 德格版页 当前仅加载第 11 函德格 60a 版页；藏文 NFD、目录标记与异常页序保留在来源切片中，重复版页行以稳定序号区分。
གཞན་ཞིག་ན་ཡང་ཁྲུས་བྱེད་པར་འདོད་ནས་ཆུ་བོ་གང་གཱར་སོང་སྟེ། དེས་སྨན་ཆེན་པོ་ཆུ་འགྲམ་དུ་བཞག་ནས་དེར་ཁྲུས་བྱེད་པ་ལ་ཞུགས་པ་དང་། རེ་ཞིག་ན་ཆུ་བོ་གང་གཱའི་རྒྱུན་ཕྱོགས་སུ་ལུག་ཐུག་ཅིག་ཁྱེར་བ་དེའི་སྟེང་ན་བྱ་གར་ཞིག་འདུག་པ་མཐོང་ངོ་། །དེ་ནས་
D6.011.0060a01.01དེ་སྨན་ཆེན་པོས་མཐོང་ནས་སྨྲས་པ། ཆུ་བོ་གང་གཱས་ལུག་ཐུག་ཁྱེར། །དེ་བཞིན་དེ་སྟེང་བྱ་གར་འདུག །ལུག་ཐུག་བྱ་གར་ལྷན་ཅིག་ཏུ། །གང་གཱས་ཁྱེར་བ་ཡབ་གཅིག་གཟིགས། །དེ་ནས་སྨན་ཆེན་པོ་དེ་ན་བྱིས་པ་རྣམས་དང་ལྷན་ཅིག་རྩེ་བ་ལས་རེ་ཞིག་ན་བྱིས་པ་དེ་
D6.011.0060a02.01དག་འདུས་ནས་དེ་རྒྱལ་པོར་བཅུག་གོ། །དེས་ཀྱང་ཁ་ཅིག་བློན་པོར་བཅུག་ནས་དེ་དེ་དག་དང་ལྷན་ཅིག་རྩེ་ཞིང་འདུག་གོ། །ཅི་ཙམ་ན་བྲམ་ཟེ་རྒན་པོ་ཞིག་ཆུང་མ་གཞོན་ནུ་དར་ལ་བབ་པ་ཞིག་དང་ཁྱོ་ཤུག་ལྷན་ཅིག་ཏུ་ལམ་དུ་ཞུགས་ནས་ཡུལ་གཞན་དུ་འགྲོ་བ་ལས་རེ་ཞིག་ན་
D6.011.0060a03.01བྲམ་ཟེ་བཤང་གཅིའི་སར་སོང་ངོ་། །དེ་ནས་གཡོན་ཅན་ཕོ་ཞིག་གིས་འཕྲིགས་ནས་བུད་མེད་དེའི་དྲུང་དུ་སོང་སྟེ་སྨྲས་པ། བཟང་མོ་ཁྱོད་ཀྱི་ཕ་དེ་གར་སོང་། བུད་མེད་ཀྱིས་སྨྲས་པ། གང་ཞིག །དེ་ནས་གཡོན་ཅན་གྱིས་སྨྲས་པ། དེ་མེས་པོ་ཡིན་པ་ལྟ་ཞིག །སྨྲས་པ། འདི་
D6.011.0060a04.01ཅི་ཟེར་བ་ཞིག །དེ་ནས་གཡོན་ཅན་གྱིས་སྨྲས་པ། དེ་ཁྱོད་ཀྱི་ཡང་མེས་པོ་ཡིན་པ་ལྟ་ཞིག །བུད་མེད་ཀྱིས་སྨྲས་པ། ངའི་ཕ་ཡང་མ་ཡིན། མེས་པོ་ཡང་མ་ཡིན། ཡང་མེས་པོ་ཡང་མ་ཡིན་གྱི་དེ་ནི་ངའི་ཁྱོ་ཡིན་ནོ། །དེ་ནས་གཡོན་ཅན་གྱིས་ཅུང་ཟད་ཅིག་བགད་དེ་སྨྲས་པ། བླུན་
D6.011.0060a05.01མོ་ཁྱོད་གྲོགས་མོའམ་ངོ་ཚ་ཤེས་པ་གཞན་གྱི་དྲུང་དུ་འདི་ལྟ་བུ་ངའི་ཁྱོ་ཡིན་ནོ་ཞེས་སྨྲ་བ་ངོ་མི་ཚའམ། ས་སྐལ་བ་ལྡན་པ་འདིའི་སྟེང་ན་སྐྱེས་བུ་ལྷའི་གཟུགས་འདྲ་བས་རབ་ཏུ་གང་བ་ཁྱོད་ཀྱིས་མ་མཐོང་ངམ། འདི་ལྟ་བུའི་གཟུགས་མཛེས་པ་ཆུད་ཟོས་སོ། །ངས་ཁྱོད་ཀྱི་ཁྱོ་བྱས་ཚུར་
D6.011.0060a06.01བདག་ཅག་ལྷན་ཅིག་འདོང་། གལ་ཏེ་ཁྱོད་ཀྱི་ཕྱིར་བྲམ་ཟེ་རྒན་པོ་དང་ང་འཐབ་མོ་བྱུང་དང་དེར་ཡང་ཁྱོད་ཀྱིས་སྐྱེ་བོའི་ཚོགས་ཆེན་པོ་ལ་ངའི་ཁྱོ་འདི་ཡིན་ནོ་ཞེས་ང་ཁྱོ་ཡིན་པར་ཕྱེ་ཤིག་ཅེས་བྱས་པ་དང་དེ་དང་གཡོན་ཅན་འགྲོགས་ཏེ་སོང་ངོ་། །བྲམ་ཟེ་ཡང་བཤང་གཅི་དང་བཀྲུ་བཤལ་བྱས་ནས་
D6.011.0060a07.01