完整藏文原文 · 德格版页 当前仅加载第 11 函德格 16a 版页；藏文 NFD、目录标记与异常页序保留在来源切片中，重复版页行以稳定序号区分。
ཅི་དགོས། དོན་འདི་ལ་ནི་བཅོམ་ལྡན་འདས་དང་། ཚེ་དང་ལྡན་པ་ཀ་ཏྱའི་བུ་ཆེན་པོའི་ཐུགས་དང་སེམས་སུ་འཕྲོད་པའི་འཇིག་རྟེན་པའི་ཐུགས་བསྐྱེད་དོ། །དེ་ནས་བཅོམ་ལྡན་འདས་དང་། ཚེ་དང་ལྡན་པ་ཀ་ཏྱའི་བུ་ཆེན་པོས་ལྷའི་མིག་དང་ལྷའི་རྣ་བ་མངོན་པར་
D6.011.0016a01.01བསྒྲུབས་ནས་ཕན་ཚུན་ལྟ་བ་དང་ཉན་པར་ཡང་ཞུགས་སོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་ཀ་ཏྱའི་བུ་ཆེན་པོས་འདི་སྐད་ཅེས་གསོལ་ཏོ། །བཙུན་པ་དགེ་སློང་གིས་དགེ་འདུན་གྱི་ཆེད་དུ་ལོངས་སྤྱོད་དང་ལོངས་སྤྱོད་ཀྱི་མཆོག་དག་བླང་དུ་རུང་ལགས་སམ། བཅོམ་ལྡན་
D6.011.0016a02.01འདས་ཀྱིས་བཀའ་སྩལ་པ། ཀ་ཏྱའི་བུ་ཆེན་པོ་སྐྱེ་བོ་ཕྱི་མ་རྣམས་ལ་སྙིང་བརྩེ་བའི་ཕྱིར་དང་། སྦྱིན་པ་པོ་རྣམས་ཀྱི་ལོངས་སྤྱོད་འཕེལ་བར་བྱེད་པའི་ཕྱིར་རུང་སྟེ། དེ་ལྟ་བས་ན་དགེ་འདུན་ལ་ལོངས་སྤྱོད་དང་ལོངས་སྤྱོད་ཀྱི་མཆོག་རྣམས་གནང་གི་གང་ཟག་ལ་ནི་མ་ཡིན་ནོ། །དེ་ལ་
D6.011.0016a03.01ལོངས་སྤྱོད་ནི་འདི་དག་ཡིན་ཏེ། གྲོང་དང་། ཞིང་རྣམས་སོ། །ལོངས་སྤྱོད་ཀྱི་མཆོག་ནི་བ་ལང་དང་། མ་ཧེ་དང་། ར་དང་། ལུག་རྣམས་སོ། །དེ་ནས་ཚེ་དང་ལྡན་པ་ཀ་ཏྱའི་བུ་ཆེན་པོས་བཅོམ་ལྡན་འདས་ལ་ཞུས་ནས་རྒྱལ་པོ་རབ་སྣང་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་
D6.011.0016a04.01པོ་བཅོམ་ལྡན་འདས་ཀྱིས་སྐྱེ་བོ་ཕྱི་མ་རྣམས་ལ་སྙིང་བརྩེ་བའི་ཕྱིར་དང་། སྦྱིན་བདག་རྣམས་ཀྱི་ལོངས་སྤྱོད་འཕེལ་བར་བྱ་བའི་ཕྱིར་དགེ་འདུན་ལ་ལོངས་སྤྱོད་དང་ལོངས་སྤྱོད་ཀྱི་མཆོག་རྣམས་གནང་ངོ་། །དེ་ནས་རྒྱལ་པོ་རབ་སྣང་གིས་ཚེ་དང་ལྡན་པ་ཀ་ཏྱའི་བུ་ཆེན་པོ་ལས་བརྟེན་ནས་
D6.011.0016a05.01ཡོ་བྱད་ཐམས་ཅད་ཕུན་སུམ་ཚོགས་པའི་གཙུག་ལག་ཁང་བྱེད་དུ་བཅུག་སྟེ། ཕྱོགས་བཞིའི་དགེ་སློང་གི་དགེ་འདུན་ལ་ཕུལ་ནས་ལོངས་སྤྱོད་དང་ལོངས་སྤྱོད་ཀྱི་མཆོག་རྣམས་ཀྱང་ཕུལ་ལོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ངའི་དགེ་
D6.011.0016a06.01བསྙེན་ངའི་ཉན་ཐོས་དགེ་འདུན་ལ་ཐོག་མར་འདོད་པ་ཐམས་ཅད་སྟོབས་པ་རྣམས་ཀྱི་ནང་ན་མཆོག་ནི་འདི་ལྟ་སྟེ། འཕགས་རྒྱལ་གྱི་རྒྱལ་པོ་རབ་སྣང་འདི་ཡིན་ནོ། །དགེ་སློང་དག་ངའི་དགེ་བསྙེན་ངའི་ཉན་ཐོས་དགེ་འདུན་ལ་ཐོག་མར་བཤོས་འབུལ་བ་རྣམས་ཀྱི་ནང་ན་མཆོག་ནི་འདི་ལྟ་སྟེ།
D6.011.0016a07.01