完整藏文原文 · 德格版页 当前仅加载第 11 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
པ་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་མིའི་ཆོས་བླ་མའི་རྫུ་འཕྲུལ་གྱི་ཆོ་འཕྲུལ་ལ་སྤྱན་དྲངས་པ་ལས་མུ་སྟེགས་ཅན་ཐམས་ཅད་ཐག་སྩལ། ཕམ་པར་མཛད། རྒྱབ་ཀྱིས་ཕྱོགས་པར་མཛད།
D6.011.0054a01.01སྤོབས་པ་མེད་པར་མཛད་པ་ལ་གཟིགས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ད་ལྟར་ང་འདོད་ཆགས་དང་བྲལ། ཞེ་སྡང་དང་བྲལ། གཏི་མུག་དང་བྲལ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་།
D6.011.0054a02.01སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ལས་ཡོངས་སུ་གྲོལ་ཏེ། ཐམས་ཅད་མཁྱེན་པ། རྣམ་པ་ཐམས་ཅད་མཁྱེན་པ། ཤེས་པ་དང་། ཤེས་བྱ་ཐམས་ཅད་ལ་དབང་ཐོབ་པ། སྐྱེས་བུ་འདུལ་བའི། ཁ་ལོ་སྒྱུར་བ། བླ་ན་མེད་པ་ཡང་དག་པར་རྫོགས་
D6.011.0054a03.01པའི་བྱང་ཆུབ་མངོན་པར་རྫོགས་པར་བྱང་ཆུབ་ནས་མུ་སྟེགས་ཅན་ཐམས་ཅད་ཐག་བཅུག །ཕམ་པར་བྱས། རྒྱབ་ཀྱིས་ཕྱོགས་པར་བྱས། སྤོབས་པ་མེད་པར་བྱས་པ་འདི་ལ་ངོ་མཚར་ཅི་ཆེ། འདས་པའི་དུས་ན་ང་འདོད་ཆགས་དང་བཅས། ཞེ་སྡང་དང་བཅས། གཏི་མུག་
D6.011.0054a04.01དང་བཅས་པ། སྐྱེ་བ་དང་། རྒ་བ་དང་། ན་བ་དང་། འཆི་བ་དང་། མྱ་ངན་དང་། སྨྲེ་སྔགས་འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་ལས་ཡོངས་སུ་མ་གྲོལ་བ་ན་ཡང་སྟོན་པ་དྲུག་པོ་འཁོར་དང་བཅས་པ་འདི་དག་ཐག་བཅུག །ཕམ་
D6.011.0054a05.01པར་བྱས། རྒྱབ་ཀྱིས་ཕྱོགས་པར་བྱས། སྤོབས་པ་མེད་པར་བྱས། ཚར་བཅད་དེ་མཐའ་འཁོབ་ཀྱི་ལྗོངས་རྣམས་སུ་རྟེན་དུ་བཅུག་པ་དེ་བཤད་ཀྱིས་ལེགས་པར་རབ་ཏུ་ཉོན་ལ་ཡིད་ལ་ཟུང་ཤིག །དགེ་སློང་དག་སྔོན་བྱུང་བ་འདས་པའི་དུས་ན་ལུས་འཕགས་ཞེས་བྱ་བའི་
D6.011.0054a06.01ལྗོངས་ན་རྒྱལ་པོ་སྐྱེད་པ་ཞེས་བྱ་བ་རྒྱལ་སྲིད་འབྱོར་པ་དང་རྒྱས་པ་ཞེས་བྱ་བ་ནས། བྱེད་དུ་འཇུད་དོ་ཞེས་བྱ་བ་རྒྱས་པར་རོ། །དེ་ནས་རྒྱལ་པོ་སྐྱེད་པས་བཙུན་མོ་གཟུགས་བཟང་བ། མཛེས་པ། བལྟ་ན་སྡུག་པ་ཞིག་བླངས་ནས་དེ་དེ་དང་ལྷན་ཅིག་རྩེ་བར་བྱེད། དགའ་བར་བྱེད།
D6.011.0054a07.01